السلام عليكم ورحمة الله وبركاته
مساكم الله بالخير ياشباب …
سويت مقابلة منذ مبطي في شركة الكهرباء والحمدلله اتصلوا علي الأسبوع الماضي وقالوا لي تم قبولك وترشيحك راجع التوظيف عشان تنهي امورك
الغريب في الموضوع لما راجعت التوظيف قالوا لي لازم تسوي اختبار اونلاين اسمه SHL يتكون من Verbal و Numerical … وجاتني رسالة على الإيميل فيها كل المعلومات وفيها رابط الإختبار
هل اذا دخلت الموقع على طول يبدأ الإختبار ؟
وهل فيه عداد يشتغل اذا بدأ الإختبار ولا أخذ حسابي من قبل لا أبدأ؟
انا بصراحة ماعمري اختبرت هالإختبار ابي مساعدتكم وهل درجته تأثر في التوظيف؟
لأن اللي اعرفه ان ارامكو تستخدم هالإختبار بس يكون بالبداية قبل المقابلة… اما الكهرباء حطوه لنا بالأخير مدري وش الفائدة منه ؟
ياليتهم يقلدووون أرامكو في مزاياااهاا ورواتبهاا و احترافيتها مثل مايقلدونهاا في اجراءات التوظيف وغيره من الامور الهامشية …
اذا دخلت الموقع انت تختار كل قسم وتبدأ الاختبار … وتقدر تختبر كل اختبار على حدة وفي أوقات منفصلة لكن لك وقت معين … ونعم فيه عداد … الوقت أقل من عدد الاسئلة … ونعم درجته تؤثر على القبول اذا فقط ماعديته … ( يعني مافيه شي اسمه فلان جاب 45 من 50 مانبيه ) لا هي ياا اجتياااز او عدم اجتياااز …
أخوي لا تشيل هم … تراا اموره سهالات … بس خلك ضابط الوقت
ياخي ارامكو ابتدعت هالاختبار والحين اكثر من شركة تطلبه
مع ان في نظري مال امه من داعي
يعني جيب المتقدم في مقابلة واسأله اللي تبغاه
واختبر مهاراته وامكانياته افضل بألف مرة من هالاختبار.
يا اخوان احد زملائي اتصلوا عليه وطلبوا منه هالاختبار حاب استفسر هل اسئله الاختبار عامه مثل اختبار قدرات الجامعيين يعني جزء رياضيات وجزء لفظي او راح يكون الاختبار تخصصي في مجال الهندسة الكهربائية
وياليت اللي اختبر يعطينا فكره عن مستوى الاسئله ومده الاختبار …
