مثل ماشايفين شباب من العنوان… اسآل عن الفيلد سيرفس انجينير تبع شركة سيمينز والظاهر السالفة فيها طرف ثالث شركة ستراتا او شي كذا.
عندي لها ان شاءالله مقابلة نهاية السبوع واحتاج مساعدتكم. اي خبرات سابقة للمقابلات ممكن تفيدني في نوعية الاسئله اطرحوها لاهنتو.
الي اعرفه انها في الدمام التنقل فيها كثير …ممكن تشتغل ساعات كثيرة وممكن تسافر للمواقع كثير.
ياليت الي يعرف معلومات عنها يفيدني… ابي اعرف:
- طبيعة العمل (ساعات العمل - معدل السفر- اماكن العمل)
-الخبرة الي ممكن اكتسبها
-هل راح يكون في كورسات وتطوير
-اهتمام بالموظف
-الراتب والمحفزات والبدلات
بصفة عامة شركات الفيلد تبغى تتأكد انك مستعد تشتغل في ريموت اريا
ساعات العمل في الفيلد عادة تكون ١٢ ساعة و الروتيشن يختلف من شركة لشركة بعضها شهر و شهر
وبعضها اسبوعين باسبوع و بعضها ٨ اسابيع بـ خمس اسابيع
الرواتب عادة تكون عالية لشركات السيرفيس بس مع الوضع الحالي ما اعرف
اذا كانت اقل من ١٥ الف اشوفها ماتسوى التعب
اذا ما عندك غيرها لا ترفضها اذا جاتك
بالتوفيق
أعتقد إن سيمنس تشبه جي اي خصوصًا إن شغلهم في الجنريتورز متشابه… في جي اي يرسلونك للسايت لمن يكون فيه إما مشروع تركيب جديد لترباين أو عملية فحص لاكتشاف خلل أو صيانة دورية/رئيسية …
في التركيب والصيانة عادة المشاريع تكون في فصل الشتاء لأن طلب الكهرباء يقل فتقدر الشركة تطفي الترباين وتسوي صيانة… “اكتشافات الخلل” والصيانة الطارئة تكون بأي وقت في السنة… وطبعا ممكن يرسلونك أي مكان في السعودية وأحيانا خارجها…
الرواتب ما تكون عالية … لكن بسبب الأوفر تايم يطلع المجمل زين…
^
^
جي اي اللي ما اعتقد انها بعيدة عن سيمنس والله أعلم
الشركة بشكل عام قوية و خبرتها ممتازة
لكن حسب علمي ان رواتبهم لا تقارن بـ GE ما ادري اذا الوضع تغير الآن او لا (رواتبهم للفريش كانت 10500 ريال فل باكج)
حتشتغل مع شركة ISCOSA (قسم الـ Power generation services في سيمنس )
القسم مسؤول عن صيانة التوربينات و المولدات …الخ
عيب الشغلة كثرة السفر و التنقل
بالتوفيق
بالضبط ايوا شركة سكاسا … والام تكون سايمنز.
مشكورين على المعلومات شباب… والي يقدرر يتآكد لي اكون شاكر له…
الاوفر تايم يكون ينحسب بعد ال١٢ ساعة ؟ بمعنى آخر… الراتب هذا الي بين ١٠ و١٥ بالاوفر تايم او بدونه ؟
الخبرة الي بكتسبها كبيرة ؟ وهل بشتغل بيدي او بكون رئيس مجموعة؟
كيف السلم الوظيفي لهذا البوزيشن ؟ هل ممكن اتغير عن سيرفيس انجينير او صعبه
جاتني مكالمه من ثلاث اسابيع
كان واحد فلبيني اسمه نورمن
مدة المكالمه حدود ١٠ دقايق
اسئله عاديه مثل تحدث عن نفسك وايش خبرتك وهل عندك مشكله تسافر او انك تشتغل بايدك
ايش هي نقاط ضعفك ونحوها من اسئله
من كم يوم جاني اتصال ثاني يحدد موعد مقابله بمركزهم الرئيسي بحي الواحه بالمدمام
بعد الاتصال جاني ايميلين
الاول ان تم استلام طلبك وهو تحت المراجعه!! وبعدها بخمس دقايق ايميل ثاني بموعد الانترفيو مع اللوكيشن
المقابله كانت اليوم ومثل ما اتفضلوا بعض الاخوان لاشيء يذكر
اثنين من الاتش ار وواحد امريكي اظن انه مدير الPower Generation Service بالدمام
شرح طبيعة عملهم وهل عندك استعداد تسافر كثير
ممكن لايام ممكن لاسابيع واوقات لشهور علي حسب العطل
السفر بنطاق حدود المملكه بما ان عندنا ضغط وماهم بستطاعه يغطون مناطق الخليج
ولكن علي كلامه ممكن يستقبلون مهندسين من دول زي عمان بحسب كثر الاعطال والضغط عندنا مقارنه بدول الخليج
واحد من الاتش ار سالني هل تعرف مقدار بدل السفر او move علي كلامه
قلتله ماعندي فكره وسكت علي كذا ولا حبيت اسئله لان الاوفر علي كلامه بيجي عالايميل بعد اسبوع الي اسبوعين في حالة القبول
مافي اسئله تكنيكل خاصه مع الاتش ار كانت مجرد دردشه عن دراستك وحياتك
تخصصي ماستر هندسه كهربائية مع خبره فنيه ٣ سنين بشركة الكهرباء
بالتوفيق جميعا
شباب نصيحة لا تحطون اي رقم مباشر او ايميل بمكان عام ، قد تجيه مكالمات وايميلات كثيره وبسببها يتجاهل اتصالك او ايميلك انت ياللي سبق تواصل معك حالك حال الي عنده فضول
