السلام عليكم
ياشباب احد عنده خلفية عن شركة الحقيط ؟ بيئة ورواتب وامان وظيفي وفترة الدوام ؟
مهندس ميكانيكي خبرة 6 شهور تقريبا
انا مرتاح بدوامي الحالي وراتب مقبول وعند اهلي ونقطه اني عند اهلي اكثر سي مستفيد منها
بالرسالة قالوا ان التوظيف بيكون باي منطقة بالمملكه وعلى حسب اللي شفته ان دوامها 6 ايام لكن مو متاكد
باختصار اي معلومات عنها وعن فروعها وشكرا
السلام عليكم ورحمة الله وبركاته…دوبي تواصلت مع شخص عن طريق اللينكدان قلي انهم كويسين التأمين A والمهندس يتعين تقريبا 11 الف طبعا انا ماعندي خبرة عن الشركة لكن جاني نفس الايميل حقك عندي مقابلة في جدة مع قسم pmt الوظيفه safety Engineer وابغى اعرف منك حاجه وحده كيف قدمت لاني ماتذكر قدمت عليهم نهائي… شكرا لك مقدما
وعليكم السلام ورحمة الله وبركاته …
انا بعد الغرض كان مع قسم pmt لوظيفة مهندس ميكانيكي الله يكتب اللي فيه الخير ان شاء الله
والله ما اذكر متى قدمت عليهم بس يمكن مقدم عن طريق الايميل … انا شفت ناس يقولون انهم يتواصلون عن طريق مواقع التوظيف زي بيت ونوكرغولف
قدم عليهم وعلى غيرهم وبعدها يجيك العرض الوظيفي وشوف اذا اعلى من راتبك ومنطقتك مثلاً اقبله واذا ماناسبك اسحب عليهم .
قلتها وشرحتها سابقاً وأنصح أي حديث تخرج أو عاطل ياخذ هذي المعلومة المهمة …
حصولك على أول وظيفة هو مفتاحك لتنهال عليك العروض وتتشرط بكيفك . يعني اذا حصلت على اول وظيفة مناسبة خلاص امورك في السيلم بإذن الله … فحاول جاهداً بعد تخرجك الحصول على الوظيفة بأسرع وقت وعدم التأخير في ذلك لان كل مازادت المدة اصبح الوضع اصعب واذا اخذت الوظيفة سترتاح مدى حياتك وتجد الأفضل بتخصصك مستقبلك وتستطيع حتى استفزاز الشركات برفض العرض او التشرط عليهم .
بالنسبة للشركة حسب ماقرأت ان رواتبهم حدود 12000 ألف ريال . وتقدر تشوفهم في لنكدن .
بالتوفيق يارب .
الله يعطيك العافية اخوي ويكتبها فميزان حسناتك 
ما تهمك بيئة الحقيط في شئ انت SMP يعني بتشتغل داخل ارامكو وكل شركات ال smp نفس الشئ.
الحقيط بتقابلهم مره فالسنة عشان تستلم السيارة و تجديد العقد فقط والراتب والزيادة السنوية تحددها لك ارامكو ومديرك المباشر والدفجن هد.
نصيحتي اذا انت موظف دايركت في شركة محترمة وراتبك جيد ومرتاح ,لا تروح smp متعاقد عشان زياده بسيطة فالراتب ترا مستقبلها صفر.
الله يسعدك عالمعلومات … وهذا اكثر شي كان هامني الخبره ومكان الوظيفه
ممكن تشرح عزيزي كيف ال smp مستقبلها صفر؟ لان على حسب فهمي انك فعليا تكون موظف ارامكو فكيف مافيها مستقبل؟
ممكن تشرح عزيزي كيف ال smp مستقبلها صفر؟ لان على حسب فهمي انك فعليا تكون موظف ارامكو فكيف مافيها مستقبل؟
نفس السؤال
انا جاني اكسل شيت و واضح انه لوركشوب تراكر من الحقيط
و مكان المقابلة بالرياض بس مومحدد الوقت لان بمحتوى الايميل انه بيتواصلون مع الشورت ليستنق
تقريبا متشابهين في الخبرة انا 8 شهور في مجال الكونستراكشن بالتحديد في الام اي بي بس السؤال
كم ياخذ الوقت ع شان يردون بعد مايرفعون لارامكو
وكم الخبرة المطلوبة وهل فيه مشاريع جديدة و فيه توظيف مهندسين
SMP لها مستقبل وممكن تترسم بعدها بفترة
وراتب بعض SMP اعلى من ارامكو وبدلات ومميزات اعلى من ارامكو لكن أنا أفضل ارامكو لأن SMP مشكلتها انها عقد قصير الاجل لمدة سنتين او لما ينتهي المشروع خلاص انتهى العقد مافي امان وظيفي مدى الحياة لحد ماتتقاعد وتستلم راتبك مثل ارامكوا .
لكن SMP ممتازة وانصح فيها لكسب الخبرة واحتمال الترسيم .
من كيسك، و كل كلامك غير صحيح خاص راتب SMP اعلى من موظف أرامكو مدري من وين جايب معلوماتك
ركز في كلامي قلت بعض …
بعض شركات كونتراكت مع ارامكو رواتبها اعلى من ارامكو وتقدر تشوف رواتب بعض كونتراكت ارامكو كم … لكن هي عقد قصير الأجل يعني فترة مو عقد مستمر مثل ارامكو .
صحيح كلامه اعرف واحد شخصيا راتبه جدا قوي بخبره سنتين فقط
الله يعطيك العافية عالمعلومات ويكتبها بميزان حسناتك
عندك خلفية عن دوامها ؟ لان حسب ما شفت انه 6 ايام بالاسبوع و 5 ابام 12 ساعه اذا بمنطقة نائية
حددو معك موعد المقابلة ؟
انا نفس الرساله بس تخصص هندسة ميكانيكيه ولا حددوا معي للحين
سلام عليكم
احد جاله رد موعد مقابله
وصلني ايميل فيه ملف اكسل ومذكور انه المقابله مع pmt المكان جده والى الان مافي رد بخصوص الوقت
متى بالعاده يردون
وهل يقبلون حديث تخرج بدون خبره
شكرا للجميع والله يرزقنا وياكم ،،،،
انا للحين ماجاني رد…
السلام عليكم
احد جاه رد او حددوا له موعد المقابلة ؟