بخصوص عدم الإستقرآر هذي معروفة عن دآئرة الPMT لأنك بتكون شغآل بالمشآريع وبطبيعة الحآل المشآريع متجددة ويمكن يودونك الجنوب حتى…
ولكن أعتقد بيكون بينهآ فترآت زمنية محترمة لأنه المشآريع تطول بالإضآفة إنت وحظك ممكن يودون غيرك لمنطقة قريبة ويودونك منطقة أبعد فالموضوع يعتمد…
بالنسبة للخبرة مَ عندي خلفية ولكن أعتقد منآسبة وقوية ولو أنه سمعت أنه م تفيدك بسآبك مثلآ لأن سآبك م تبي خبرة مشآريع يمكن أحد يصحح المعلومة هذي وهذآ مو عيب ولكن وجب التنويه.
بالنسبة للترسيم فمعروف أرآمكو ترسم SMP من زمآن ولكن بنسب ضئيلة وضعيفة وإنت وحظك
لكن أعتقد الPMT الترسيم فيهآ شبه معدوم لأن من فترة فتحوآ تقديم دآيركت لخبرة ثلآث سنين وبدأو ينآدون النآس
أليس من الأولى ترسيم الSMP المتفآنين في عملهم؟ وهذآ توقعي ولكن م تدري لو فعلآ مآحد ترسم وقتهآ بس حكمت كذآ.
السلام عليكم
انصحك تدرس الموضوع زين و لا تستعجل بالموافقة ، بس ليه تطلع و عرضوا عليك راتب اقل من الحالي؟
اذا الخبرة في عملك الحالي كويسة + راتب اعلى فمن وجهة نظري تمسك بعملك الحالي
خصوصا ارامكو SMP ما يمدحوا فيها و و كلها تنقلات من مشروع لاخر في مناطق نائية
على حسب الموظف أو الموظفة إلي مآسكين فورمك بالSMPCAD بس أتوقع أن ثلآث أيآم أقصى مدة المفترض. المفترض يرد عليك الڤيندر بعدهآ مبآشرة بالتأكيد على الزيآدة أو أنه عرض نهآئي ويسألك لو أنك موآفق
طبعا انا بعطيك اللي ببالي ورغم ان ماعندي الخبره الكافيه بمجال الشركات المتعاقده لكن اسال الله انه يوفقك ويقودك للي يريحك
السمب غالبا يستهدفون اللي بشركات ثانيه ورواتب قليله يزودونهم 3000 4000 عشان يوصل الراتب 10 11 و 12
قد رحت مشروع وكان من ضمنه شركتي وشركة سمب و مهندس من ارامكو
اللي من السمب هو اللي كان مستلم المشروع وكل التقارير والاشياء يسلمها لمهندس ارامكو يعني باختصار موظفين السمب يساعدون مهندسين ارامكو وغالبا يكون الضغط عليهم والظاهر ان دوامه كان 6 ايام
انت ماشاء الله بشركة ثانيه ومعطينك نفس الراتب اذا مرتاح فانا اقول لك استخير واجلس بشركتك السمب غالبا بيكرفونك ويحللون كل ريال اعطوك اياه بس دامك تستلم نفس الراتب فاشوف الموضوع مايسوى
ورديت لهم بان ارغب في راتب اعلى ولارد وصلني للان هل هذا طبيعي كلمت الفندر الخميس قال نهاية الدوام برد عليك هل هذا نهائي او في زيادة ولا رد علي ؟ الموضوع غريب ؟ سالته عادي قال نورمل