الحمد لله باشرت العمل قريب مع PMT في أرامكو وكان في بعض الاسئلة اللي مالقيت لها جواب وودي اسوي اوت لاين لها .
أولا كطبيعة العمل ك SMP أنت تعتبر موظف أرامكو فقط الشركة المتعاقدة توفر لك التامين الطبي والتامينات
راتبك من ارامكو يسوون PO لك فيه قيمة عقدك يتجدد سنوي
زياداتك ارامكو
دوامك ارامكو
كل شي انت ارامكو وأنت تمثل أرامكو فيه
تبي شي تراجع مع الاتش ار ارامكو كالتايم شيت وغيره طبعا التايم شيت سستم
لك يوزر من ارامكو وايميل ارامكو
لك سلم وظيفي وما يميز ال SMP الزيادات + السيارة إذا في منطقة نائية
المناطق النائيه دوامه من ٦-٦ يقولون لاكن في مطارات وااذا اهلك قريب يمدي تروح لهم واللي بالمنطقة النائيه لهم اوفر تايم + بدل نائي + سيارة .
بالعربي أنت أرامكو .
المدراء والناس السلبية فيي كل مكان لو انت بمقاولات حتى موظفين ارامكو الرسميين لاصار تحت مدير متسلط يعجز يعيش وسالفة الكرير باث الي فهمته المهندسين الي بارامكو يبقى مهندس لين ياصل فوق ١٠ سنوات خبره و ٢٠ وبعده يصير سنير انجنير وانت لاوصلت ٢٠ سنة الا راتبك زين وتقاعد . اهم شي زياداتك ماشية وتامينك الطبي ساري
وبالنسبة للعقود الان حتى الحكومة اصبحت عقود والمبزوط محد يبيه سواء رسمي او لا .
ولاكن اللي فهمته ان اللي يشتغل ويؤدي حق الله بالعمل مايجيه شي ويبقى
التمييز والطبقية هذي كانت ايام الجوع الان انت موظف ارامكو محد يعني بيناظر لك نظرة دونية والله يوفقنا وياكم
التقديم ما اعلم جاني ايميل ان عندي مقابلة من المقاول ورحت ما ارسلت لهم شي
بخصوص PO
جاني قبول من smp mcc سماسكو… وقال لي باقي يجينا ال PO من Client
لان عطوني الاوفر وقبلته. َباقي بس هذا الظاهر علشان اوقع العقد واستقيل من عملي الحالي
انا موظف SMP وحقيقه كلامك فيه الكثير من الاشياء الغير صحيحه لازم تبين الامور من كل الجهات حتى تتضح للكل … انت تقول لك سلم وظيفي ؟ كلامك غير صحيح اولا SMP مالهم Career Path حتى لو تقعد 20 سنه بيجي واحد فرش متخرج ودايركت يصير مدير عليك
تأمينك والتامينات تكون من شركتك Vendor مالها علاقه بـ ارامكو نهائيا , شكلك نسيت ان بطاقتك صفراء ( مقاول ) وهذي تخلي امور كثيره بالشغل مايدخلونك فيها منها بعض meeting الخاصه بالدايركت مثل اجتماعات العقود الخ وترسية المشاريع على المقاولين الخ
المناطق النائيه مو شرط دوامك 6 ايام بل يعتمد على عقدك اللي وقعته يكون 48 ساعه او 40 ساعه واذا كنت 48 ساعه وتبي تحوله الى 40 ساعه ينقصون من الراتب لكن تقدر تعملها
ماودي ادخل في تفاصيل كثيره انا خبرتي فوق 8 سنوات واشتغلت في شركات كثيره وحاليا في اس ام بي وشايف امور كثيره لكن مختصرها جيب لي من 1000 مهندس موظف اس ام بي مايبي يطلع منها وازيدك من الشعر بيت كم واحد ترك الاس ام بي بسبب السلبيات اللي فيها ؟
اهم شي زياداتك ماشية وتامينك الطبي ساري