السلام عليكم ورحمة الله وبركاته,
تواصل معي واحد من شركة SNC Lavalin Fayez Engineering بخصوص عمل مقابلة معي عن طريق السكايبي. أغلب الكلام اللي قريته عن الشركة صراحة سلبي. المقابلة بتكون على وظيفة Structural Engineer بالخبر. هل فيه احد سوا مقابلة معاهم؟ وكيف الشركة ( هل نظامهم سعودة فقط؟). سألت اللي تواصل معي عن مسئوليات الوظيفة وتجاهل السؤال, طبعاً راح أتاكد منهم في المقابلة. لكن هل احد عارف وش شغلهم للمهندس الأنشائي؟
شكراً
وعليكم السلام ورحمة الله وبركاته ،
ممكن تسمع كلام سلبي عن الشركة لكن بحسب الي فهمته من بعض الشباب إن موضوع السعودة أو انهم يفضلون الاجانب يعتمد على القسم أو مدير المشروع الي انت فيه .
شوف هالمواضيع يمكن تفيدك
SNC Lavalin Fayez Engineering
(SNC Lavalin Fayez Engineering (SLFE
SNC Lavalin
(SNC Lavalin Fayez Engineering (SLFE
الموضوع الثالث فيه معلومات بالتفصيل عن الشركة
الله يوفقك
الشركة هذي بالذات سلبيتها الحضور والانصراف بالدقيقة. يطلع لك بالسيستم اذا تاخرت اكثر من دقيقة سهم أحمر واذا جيت قبل الوقت سهم اخضر ونهاية الأسبوع يظهر لك الاجمالي أحمر أو أخضر. لو تتأخر أكثر من ربع ساعه فيها warning واذا تستأذن بنصف الدوام حتى لو لمدة ساعة وترجع لازم تعبي شي اسمه out of office form.
بريك الغدا نصف ساعه فقط وشديدين جدا فيه يا تاكل بالكفتيريا المعفنه حقتهم او تطلب من برا.
قسم الcivil تحديدا الشيف انجنير اسمه حيدر وهو مهندس عراقي محترم جدا وممكن افضل شيف انجنير بالشركة كلها. ممكن بقية شركات الges+ أفضل من ناحية بيئة العمل لأن SLFE بيئة عمل مضرة نفسيا.
مسؤوليات الوظيفة تقرا ستاندردز ارامكو وتصمم عليها ممكن يسألك اللي يقابلك كم سؤال تيكنيكل مثلا يرسم لك simple supported beam ويقول عطني قيمة اللود وكذا.
الزيادات السنوية مب كل سنة تجي وبيقولون لك اذا قبلوك ترى في برنامج اوسس للمتميزين بعد اكمال كم سنة بالشركة تتضم له وفي فيه مبلغ سنوي للتدريب ودعم ووو تراه كلام فاضي.
*منقول من تجربة زميل.
مشكور يابعدي.
والله سالفة الحضور والانصراف ماتطمن, نظام بزارين. مشكور يالذيب.
أنا قد زرتهم في الراكة وماقابلت سعوديين الا اللي في الاستقبال عند المدخل
والدخول والخروج للموظفين بالكرت يعني كل شي نسجل عليك ويدرون عنك
انا من رأي اذا انت عاطل
دوام معاهم والانضباطيه بكل مكان بس ممكن ذولي تدقيق بزياده وتلعب بالنفسيه بس تتعود الاهم والاهم هو الخبره وانك تشتغل معاهم منت خسران شي … تحسب لك خبره +راتب + تقدر تفاوض اي شركه بعدين … وتكسب علاقات وتندمج مع العمل والشركات لين ربك يفرجها ويرزقك الافضل منها … كل شركه لها نظامها يمكن تجيك شركه براتب عالي بس نظامهم صارم …
أهلين ياشباب. المقابلة تمت ولله الحمد أونلاين مع المهندس حيدر, شخص محترم جداً. المقابلة كانت نص ساعة تقريباً عرفني بنفسه وبالشركة ومن بعدها طلب مني أعرف بنفسي - سألني كم سوأل فاونديشن + ستيل كونكشنز. كانت الساعة 1 بالليل عندي وما أعديت للمقابلة أبداً لأني ماكنت مهتم بالشركة بعد ماسمعت كلام الشباب عنها, عموماً طلب مني مقابلة In person أول ما ارجع للسعودية وقال بيكون عنده أسألة أكثر.
السلام عليكم…
اخوي كيف قدمت للوظيفه في هذه الشركه؟
اسالك لاني شيكت موقعهم ومالقيت اي وظيفه للفريش …
هم اللي تواصلوا معي على كلام الأتش ار انهم شافو ملفي بموقع بيت كوم.