Sulaiman A. Alarifi
Email: salarifi@kfupm.edu.sa\
Fax: +966(013) 860-4447
(Bldg. 16 Rm 262)
الحين عنده لاب ماشفنا منه لا خير ولا شر انشاء الله لي عودة بعد مايعطينا اللقريدات وانتهاء السمستر 
1 Like
السمستر 152
المادة PETE-205-LAB
الشرح:- واضح جدا يعطيك الزبدة من التجربة اللى راح نسويها ولا يزيد ويلخبطك, انا اشوف هو افضل من محمدين ومصطفى من ناحيه الشرح مع إن هذ اول سمستر له في التدرس.
التصحيح:- شوي يدقق لكن مايظلمك ويعطيك حقك ,لذلك انت انشب له اسئله في الكلاس عن الاشياء اللي يبيها في الريبورت علشان مايخصم عليك وتعرف وش نظامه.
الكويزات:- طبعا هو مقسم الاب بين الكويزات والريبورت والكويزات عطانا منها 5 او6 تقريبا بسيطه جدا بس لازم تقرأ التجربه قبل يعني pre-lab-quize وللأسف جبت صفر في واحد منهم 
بس يلا معليه
القريد النهائي:- A
2 Likes
Term 211
مادة : PETE101
الشرح : عنده سلايدات يمشي عليها والمواضيع من الكتاب ويزيد عليها معلومات اضافية او مواضيع ( يعني الشرح فري )
الدكتور ماشاء الله عليه فاهم ويعرف يوصل المعلومة بشكل ممتاز وكلامه واضح
التصحيح: يعطيك حقك ويناقشك عادي في الدرجة. و حط في بالك انه مو عشان تناقشت معاه بيزيدك 
الكويزات : من الكتاب فقط كل شابتر تقريبا ومحدد في مواعيده من بداية السمستر عشان لا يفاجئكم، اذا كان فيه ميجر او شيء وكلمتوه من بدري يتفهم ويأجله. الأسئلة فيها خيارات وتعاريف وأسئلة مقالية. اذا ذاكرت الكتاب زين بتكون سهلة اما اذا سحبت وبتدخل على الحدس بتلقم 
التحضير: نهاية كل كلاس يمشي على الاسماء، اذا شاف مافي غياب ما يحضر
القريد النهائي : A+
اخر نقطة بضيفها انه بالنسبة لعمر الدكتور في القسم الا انه ما شاء الله عليه متمكن من التخصص وخبرته العلمية ممتازة وتحس انه قريب منك . يحب يتناقش ويستقبل الأسئلة بصدر رحب ولا يهاوش او شيء حتى مرة جلسنا ربع ساعة نسأل ويجاوب اللي يعرفه بدون ما يقاطع احد
بداية الترم اعطانا هدية انواع من القهوة في علب صغيرة 
وجاب لنا بعدين عينات من النفط الثقيل والخفيف في علب محكمة الاغلاق وتناقشنا فيها، اخر السمستر جاب لنا القريدر حق المادة طلع يدرس ماستر وباحث عندنا في الكلية وتكلم عن شغله في المختبر وايش بحثه. وطالب سينيور تكلم لنا عن تجربته في التخصص وايش الصعوبات اللي ممكن نواجهها والمواد اللي نركز عليها والخطة الدراسية وغيرها…من الاخر هو وده يطلع طلاب فاهمين وممتازين من الناحية الاكاديمية والمهنية
اخر نقطة واعتذر على الإطالة هي الترم بروجكت اعطانا مواضيع وقسمنا مجموعات وطلب تقرير وقدمنا برزنتيشن وناقشنا فيها ، قيمنا بشكل فردي على التقديم وبشكل جماعي على التقرير، طبعا عنده معايير يبغاها في التقرير امشوا عليها بالملي ولا بيخصم 
بشكل عام دكاترة القسم ممتازين في هذي المادة ولا تتخوف من ناحية تنزل المادة عند مين اهم شي شد حيلك وربنا يوفقك