السلام عليكم ورحمة الله وبركاته
يا أخوان بغيت استفسر منكم عن قسم السبلاي تشين في الشركات التي تعتبره قسم مهم مثل (أراسكو، سابك او غيرهم من الشركات) هل الخبرة في هذا المجال تعتبر مميزة في حالة ان الشخص حاول ينتقل لقسم مختلف مثل إدارة المشاريع مع العلم ان تخصصي هندسة صناعية وأميل للسبلاي تشين لكن متخوف من مستقبله فيما لو حاول الواحد يطلع منه.
وخالص الشكر لكل أعضاء هذا المنتدى المميز
بالعكس انا اشوفه قسم مميز ويعتبر شامل لأن على حد علمي راح تكون مُلم بالبزنس كامل حق الشركة شامل جميع الاقسام الي تندرج تحت السبلاي تشين سوا في المبيعات ،، التوزيع ،، الموردين … الانتاج …التصنيع… اللوجستكس
بوجهة نظري اشوفه غير محصور على شغله معينه بل بالعكس شامل وتخصص الكل يطلبه في جميع القطاعات والشركات واتوقع انك تقدر تشتغل شغله ثانيه من بعده.
هذا مجرد رأي ويمكن يكون غيري عنده تدخل.
آن شاء الله اكون افدتك.
مشكور على ردك الاكثر من رائع، ونتمنى مشاركة باقي الشباب.
قسم supply chain
جدا ممتاز اول شيء لأن هذا القسم يقدر يرفع الشركة في الارباح من ناحية الأبداع في تقليل التكاليف و في نفس الوقت قد يكون سبب أفلاس الشركة …
وعلى كلامك انك مهندس هناك وظائف Procurement Engineer
بعض الشركات توظف مهندسين على هذا الوظيفة . يكون الهدف منه شراء المعدات و الخدمات الفنية للتشغيل والصيانة .
وشيء الثاني مستقبل هذا القسم راح يكون جدا قوي لسبب رئيسي وهو أن أحد أهداف رؤية 2030 أن تكون المملكة العربية السعودية منصة لوجستيه وأن تتقدم المملكة من المرتبة 49 الى 25 عالمياً والأول أقليمياً .
بتوفيق
تشكر على هذه المشاركة
.
ممكن كلامي ما يعجب البعض ولكن ترى في تهويل كبير بخصوص التخصص! انا ما أتكلم من فراغ أتكلم من معرفة انا عندي بكالوريوس وماستر في هالتخصص … . التخصص كـ مسمى فقط (سبلاي شين) جديد على السعودية ولكن كـ عمل ماهو جديد لأن قسم المشتريات, اللوجستيات, المستودعات الخ كلهم موجودين من زماان في أغلب الشركات وكلهم يندرجوا تحت غطاء أو نقول مسمى واحد وهو السبلاي شين …
أنت كمهندس صناعي أقرب لهذا التخصص لأن تشمل بعض المفاهيم المشتركة … لكن هو في النهاية تخصص إداري حاله مثل أي تخصص إداري آخر … لو توظفت في قسم المشتريات رح تكون مسؤول عن اصدار طلبات الشراء والتنسيق مع الموريدن وأوامر طلب الشراء تجيك من المهندسين او البائعين على حسب مجال المنشأة اللي تعمل فيها … في اللوجستك تكون مسؤول عن نقل الطلبات من مكان لآخر وتشمل عمليات التخليص الجمركي و الخ ,
فـ رداً على استفسارك لايوجد أي امتياز تخصص اداري روتيني مثله مثل أي تخصص اداري آخر وأغلب الشركات اذا اعلنت عن شواغر تفضل المهندسين وممكن خريجي التخصص يوافقوني الرأي 
بالتوفيق ,
مشكور على هذي الإضافة