بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
MATH001-002
E-Mail: kirmani@kfupm.edu.sa
Office: B58-R3027
أسوء مدرس فالأوريا
التحضير نهاية الكلاس وساعات مايحضر
الشرح اسئلة متفرقة ويحلها
وساعات ينسى حاجات مهمة
الكوزات صعبة وكلها افكار عجيبة من الأولد اكزام
وطبعا نوع الأسئلة فالكوزات مايشرحه
اعطيه d بس عشان ادا تغيب مايحسبها وادا دخلت نص الكلاس عادي
الدكتور يخليك تعتمد على نفسك لأنه مايشرح عدل
:
كيرماني كأخلاق و فهم للكورس ممتاز لكن كشرح ماهو بذاك الزود , احيانا يطلع لك طرق جميلة غير الموجودة في الكتاب ويختصر لك بعض الاشياء … انا صرت عنده في Math002 وخفت من الكلام الي سمعته من طلابه في math001 لكن حاولت اني اذاكر يوميا واذا صار عندي وقت فاضي احضر عند دكتور ممتاز مثل ابراهيم ناجي عشان افهم الدرس واذا جا كلاس كيرماني اشارك معاه او اقعد احل الريساتيشن لأن شرحه ملخبط ومب مرتب ويقعد يشخبط على السبورة على قل معنى .
طريقته هي :
# يفتح الكتاب وعلى طول ع الاسئلة الي نهايةالدرس ويقعد يحل فيها او يخلي الطلاب يحلونها ويشرح الدرس من خلال حل الاسئلة … ( وهذي طريقة هي خلت اغلب طلاب يرسبون عنده شلون تبي الطلاب يحلون السؤال وهم ماعندهم فكرة عن الدرس وعن القواعد الي فيه )
#كويزاته والكلاس تيست نسخ لصق من الاولداقزامات + الريسايتيشن …حاول تحل الريساتيشن في نفس اليوم او الاسبوع الي تاخذهم فيه …لأنك راح تفهم الدرس عدل وتطلع ع افكار اكثر وفي نفس لوقت تذاكر للكويز …قبل اي كويز حاول انك تاخذ اولد اقزام مقسم بحسب الشابتر وتحل الشابتر الي في الكويز … ( كويزاته 5 اقل شي واحيانا يخليهم 8 ويحذف منهم الاسوء وفيه 3 كلاس تيست )
#الكلاس ورك عنده يعتمد على درجتك في المياجر …لو انك جايب العيد ودايما تتأخر عن الكلاس لكن انك في المياجر جايب 18 وفوق راح يعطيك اقل شي 22 من 24 في الكلاس وورك وهذا ظلم, يحضر اخر 5 دقايق ولو تجي قبل دقيقة من نهاية الكلاس يحضرك .!! اهو يكره هالحركة لكن مايسوي شي وللأسف احيانا الي يسون هالحركة يعطيهم كامل في الكلاس وروك…
الزبدة : ذاكر الكتاب( قبل الكلاس) > حل الاسئلة الفردية >حل الريسايتشين بشكل مستمر ولاتقول بحل الاسبوع الجاي او في الويكند >ذاكر الاولداقزامات قبل الكويزات والكلاس تست
نصحية لاتسحب وتغيب عن كلاساته حتى وان كان شرحه دمار لكن حضورك يخليك عارف الوضع وعارف وين وصلتوا في المنهج انا اقولكهالشي لأن اغلب الي رسبوا في السكشن الي معاي كانوا ساحبين عليه ومايحضرون الا اخر 5 دقايق + حاول انك تجمع درجات ولا تتوقع انه راح يزيدك في نهاية السمستر …لا ماراح يزيدك الا قليل درجة يمكن بالكثير درجتين ومب كل الطلاب راح يحصلون زيادة .
انا سويت هالأشياء والحمدلله خذت a عنده
بسم الله الرحمن الرحيم …
درست عنده سمستر 131 ماث 001 …
اول ما اخذت الجدول بحثت عنه ولاسف تحطمممت مررة من الكلام الي سمعته عنه ، لكن بفضل الله ثم الاخ ( وشدعوه ) وكم واحد من اخوياي رفعوا معنوياتي …
الأشياء الي سويتها هي ( نوته ايمن ، واولد اكزام ادهم ، والريساتييشن ) كنت اذاكر كل يوم تقريبا واذا مرررة كنت منضغط اخليها كل ثلاث ايام كنت احل معه الأسئلة اول باول واشارك ( الجوال اكثررر شي ضيع الي معنا بالسكشن ، كانوا ساحبين عليييه ، ومتكين ورا وبالنهاية عادوا الماث ) الاوفييس اورز ما كنت افوته غالبا وكنت اذا ما عرفت احل الريساتيشن اروح واتكي معه وما يقصر ابدا في مساعدتي ، المييجر استعديت له قبل اسبوعين تقريبا ( قد ما تقدر حل الاولد اقزام ، اقل شي حق الخمس سنين السابقة { بورقة وقلللم } اي حل بالنظر اقولك نصيحة ما راح يفيدك ) والحمد لله اخذت بالميجر +18
الكلاس وورك شبه مضمون عند اذا جبت بالميجر 18،19،20
ما يدقق بالتأخير < مو معناتها تسحب
قد ما تقدر كون متابع معه عشان اذا رجعت تذاكر تفهم زبدة الدرس …
الحمد لله سويت هالاشياء واخذت قريد مرتفع جدا عنده .
{ ما عليك من كلااام الناس ابداا ، ما غير تحطييم في تحطييم ( منت ناجح ، نص الطلاب يرسبون عنده ، مدرس فاشل ، ما يعرف يشرح وووو ) استعن بالله وتوكل عليه }
كرماني اخذت معه ماث 001 ترم 131
بالنسبة لي المدرس كان جيد جداً
ذكي ويعرف الاشياء المهمة
الاسئلة العادية اللي موجودة بالامثلة يحل منها قليل بس علشان تفهم الفكرة العامة بعدين يروح للافكار المهمة
الكويزات كلها من الاولد اكزامس علشان تتدرب على المياجر
الكلاس تيست تقريبا 11 سؤال يجمع لك اصعب 5 اسئلة من كل الاولد اكزامس والباقي سهلة , انت اللي بتصحح اختبارك هو بس بيعطيك الحلول وطريقة الحل وانت تصححها بنفسك
في النهاية طلع درجات الكلاس ورك وزود كل واحد من درجتين الى خمس درجات
القريد النهائي a+
هذا الشخص درسني في الاوريا وكان اول مره له يدرس بالجامعه
التحضير : يحضر نهايه الكلاس , وعادي اذا جيت متأخر
طريقة الشرح : والله الادمي كان ملخبط كثير , وما كنت استفيد منه
الكويزات :كوزاته كانت من الاولد اقزامز ,
المياجر:كومون
الفاينلات :كومون
القريد النهائي: D
الصوت:الصوت واضح
إضافات : المدرس هذا عليه شطحات , يعني فجأه يخرج برى الدرس ويبدأ يتكلم في الافلام , يكلم كيف تتركب الثلاجه, يتكلم عن انجلترا يوم كان فيها, وفجأه يتكلم كمستري فجأه فزكس, وبعدين يرجع يكمل شرح …
مدرس جدآ سيء , الشي الوحيد الي عجبني فيه انه الطلاب الي ميوس منهم اعطاهم 0 بالكلاس وورد ودف البقيه في الكلاس وورك…
تبي تبزوط وتغيب وتتأخر وتفلها بالكلاس تويتر وحركات … بتنبسط مع الادمي هذا
اذكر واحد كان يجيب معه الايباد بالكلاس ، ويتفرج مسلسلات 
من بداية الكلاس لآخره
لكن شرح وما شرح ، ما حولك احد … اذكر شرحه كان معاق ومايعجبني ابداً… انا لأني كنت عايد الكورس وفاهم الماتيريال فما أحتجت له، اما لو كل الدروس هذي جديدة علي عز الله رسبت 