أ.توفيق عبدو صالح
بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
…
التحضير : اشوفه اكثر اللابات ما يحضر فاتوقع انه ياخذ التحضير من الريبورت
طريقة الشرح : طريقة شرحه حلوه بشكل ويكتب لك الخطوات حقت التجربه على السبوره يعني لو توهقت ارجع للسبوره
الكويزات : طول السمستر ما عطانا يمكن الا كوزين او ثلاث
المياجر: مافي مياجر
الفاينلات : للحين ما اختبرنا مقدر افتي لكم
القريد النهائي: اعطيه a+
الصوت: واطي اشوي يعني يبي لك تقعد قدام عشان تسمع كويس
إضافات : دكتور طيييب الى ابعد الحدود وخفيف دم يحب ينكت واحلى شي معه ما يطلب البري لاب ويخليك تخلص كل الشغل فاللاب عشان ما تفكر فيه اذا طلعت بس عنده مشكله وحده انه يعطي قريدات بالهبل فالريبورتات وبعدين بينزل الافرج فنهاية الكورس فتجيك درجه نازله عن اللي تتوقعه بس ما ينزلها كثير
واحلى شي فالدكتور اذا بيطول بيطول فاللاب يعني بيخلص 3 ونص يعني بتطلع قبل نهاية الوقت بكثير
نصيحتي نزل عنده قبل لا يروح عليك 
1 Like
اللاب ممتع جدا جدا سجل وانت مغمض
ساعتين بالكثير وتطلع
1 Like
التحضير : من الريبورت
طريقة الشرح : عادية وبطريقة مرتبة وملونة بس يطول فيها
الكويزات : عادية لا سهلة ولا صعبة
المياجر: ماله دخل
الفاينلات : نفس الكويزات
القريد النهائي: C+
الصوت: عادي
إضافات : أخذت معاه في الصيف وكان من أكثر مدرسين اللاب اتعابا للطلاب ما نطلع الا حول ال5 واحنا في الصيف بعد -
اذكر اسرع لاب اخذته معه خلصنا الساعة 3 ونص عشان الصلاة واطول لاب قعدنا فيه الى الساعة 5 وربع يعني بعد الدوام
صحيح انه طيب وحبوب بس بصراحة كرهت لاب الكمستري بسببه يعني احنا بالصيف ومافي كراسي في المعمل ونطلع غالبا حول ال4 ونص الى 5 والله قرف
بالنسبة لي - مع اننا من نفس البلد - بس انا ما انصح فيه
1 Like
الى أنا أنا
لقد اخذت الصيف معاه
نطلع بحسب التجربة احيانا ساعتين وفي التجارب الطويلة ثلاث بس في تجربة واحده طويله طولنا فيها
وتعتمد على قدرات الطالب اذا اكمل التجربة يطلع
المهم المدرس يشرح بطريقة رائعة ويفهم التجربة بشكل جيد ويناقش ويبذل جهد مشكور عليه
انا بصراحه ما افضل اللي يسرع على حساب فهم الطالب
مدرس ممتاز
انصح تسجل معاه
1 Like
^^^^^^^^^^^
وأنا معك
هذي لعيونك يالفارس
رهيب مررره
درسني 081 لاب
الاب سهالااااااااااااااااااات وتخلص بسرعه
لاتفوته
1 Like
سجل أنت مغمض شوفني الان جنيور ولا قد مر عليه أفضل منه بكل النواحي
1 Like
نزل عنده وأنت مغمض …
كويزات سهلة
فاينل سهل <<<< ويعطيك ملخص قبل الفاينل تراجع منه
الأخلاق : مية مية …لدرجة انه أعطانا رقم جواله … يقول أي استفسار أو خدمة أنا حاضر …
تجي متأخر ما عنده مشكلة … بس في حدود المعقول
التجارب تاخذ بالكثير ساعتين ونص … هذا اذا تأخرت أو أعدت التجربة لأي سبب
القريد النهائي : A+++
الله يوفقه وين ما كان
1 Like
بطل + بطل + بطل
الله يجزآه خير
1 Like
والله مع كل هالمدح … ماراح يمدينا عليه لان الناس بتتلقفه
اتوقع سكشنه open لطالب واحد بس 
الصراحة اللاب معاه السهالات و المتعة ياشيخ أنا عمري في حياتي ما كنت أشارك في اللابات و أتفلسف و أطلع أتكلم إلا مع هذا الدكتور الصراحة في قمة الابداع من ناحية التعامل و الأخلاق و الفاينل كان سهالات و التجارب سهالات و كل شئ معاه سهالات و الكوزات 2 في الويب ستي كل واحد فيهم سؤالين لا واختيارات من جد دكتور تعامله و اللاب معاه فلة
درسني 092
1 Like
الاستاذ هذا ملك … اخلاق وشرح وتعامل وحب الخير للغير … بطل بطل بطل !
التحضير : من الريبورت واذا غبت تتواصل معه عن طريق الجوال … ( ايه نعم يعطيك جواله ) وتحضر عنده في السكشن الثاني لكنه يخصم درجة او درجتين …
طريقة الشرح : ممتازة وتأخذ وقت … 40 دقيقة الى ساعة … يشرح لك بالتفصيل وينفذ التجربة امامك غالبا ويكتب التجربة كاملة على السبورة بطريقة مرتبة وجميلة… اذا نسيت شيء او شيء طالع فيها بس
الكويزات : 3 على الويب سي تي … سهلة جدا … واحد كتابي واثنين اختيارات … واثنين تيك هوم كويز … واحد في اول الترم وثاني منتصف الترم …
الفاينلات : صعب اذا ما ذاكرت … لكنه سهالات لانه بيعطيك مجموعة من الاسئلة على الويب سي تي قبل الفاينل … حلها كلها وبتجيك 4 منها بالنص في الفاينل … واذا عطاك رسم … فهذا الرسم بيجي 100% << جاب العيد في رسم الفاينل 
القريد النهائي: A+
الصوت: واضح ومنخفض نوعا ما ذا كنت بعيد.
إضافات : الاستاذ يعطي درجات بالهبل في الريبورتات … عندي ريبورتين فقط تحت الـ 92 ! بالنسبة للوقت … يعتمد عليك … متى ما خلصت … مع السلامة … لكن في الغالب الخروج على صلاة العصر …
الأفرج والقريد النهائي اللي بيعطيك اياه راح يحطمك … لان النورمالازيشن يخسف بالجميع … السشكن عندنا … الفرق بين اعلى واحد واقل واحد هو درجتين فقط !! السبب … هو انه يعطي درجات عالية في الريبورت.
انصح فيه بقوة … ومتساعد جدا مع الطلاب ويرحب فيهم بالاوفيس هور. الله يوفقه وين ما يروح … طبعا هو طالب دراسات عليا بالقسم وله ابحاث اخرها اللي تم نشره في احدى الجرائد والخاص بالفيزياء النووية على ما اعتقد.
1 Like
هو ذا t saleh
yes
لا أعلم كيف أصف الأستاذ الرائع توفيق عبده صالح.
أخلاق في القمّة، تعامل و لا أروع، نفس خفيفة، مزوحي، يتقبّل جميع الأسئلة، من طيبته
في أحد المرّات كان أحد الطلّاب يصارخ عليه و هو يرد عليه بكل هدوء.
في آخر كلاس كان يكرّر جملة ( أنا مسامح أي شخص غلط في حقّي و أتمنّى أي شخص غلطت في حقّه إنّه يسامحني ).
جانبه الأخلاقي لا يختلف في الرقي عن جانب التدريس، أخذت عنده اللاب.
طبعاً ما يحضّر، و يشرح لك التجربة شرح كامل، و يكتب لك الخطوات على السبّورة، مرّتين فقط
طوّلنا في التجربة لبعد الساعة 3:30 و السبب وجود التسخين في التجربة.
أعطانا تيك هوم كويز واحد فقط، و كويز سهل جداً على الويب سيتي.
درجات الريبورتات عالية جداً، و اختبار الفاينل من أروع ما يكون خاصةً بأنّه يحدّد لك أربع تجارب،
و يعطيك أسئلة بنسبة 80 % تأتي في الاختبار، و أثناء الاختبار، في بعض الأسئلة يعطيك حريّة اختيار
حل فقرتين من اختيارك من مجموع الفقرات (لو كان السؤال يحوي 6 فقرات يقول لك حل 4).
هو ملك حقيقةً، بالتوفيق له،،
1 Like
اتفق معاك اخوي بكل شي
ليت كل الدكاتره زي د.توفيق 
+1
لا أعلم كيف أصف الأستاذ الرائع توفيق عبده صالح.
أخلاق في القمّة، تعامل و لا أروع، نفس خفيفة، مزوحي، يتقبّل جميع الأسئلة، من طيبته
في أحد المرّات كان أحد الطلّاب يصارخ عليه و هو يرد عليه بكل هدوء.في آخر كلاس كان يكرّر جملة ( أنا مسامح أي شخص غلط في حقّي و أتمنّى أي شخص غلطت في حقّه إنّه يسامحني ).
جانبه الأخلاقي لا يختلف في الرقي عن جانب التدريس، أخذت عنده اللاب.
طبعاً ما يحضّر، و يشرح لك التجربة شرح كامل، و يكتب لك الخطوات على السبّورة، مرّتين فقط
طوّلنا في التجربة لبعد الساعة 3:30 و السبب وجود التسخين في التجربة.أعطانا تيك هوم كويز واحد فقط، و كويز سهل جداً على الويب سيتي.
درجات الريبورتات عالية جداً، و اختبار الفاينل من أروع ما يكون خاصةً بأنّه يحدّد لك أربع تجارب،
و يعطيك أسئلة بنسبة 80 % تأتي في الاختبار، و أثناء الاختبار، في بعض الأسئلة يعطيك حريّة اختيار
حل فقرتين من اختيارك من مجموع الفقرات (لو كان السؤال يحوي 6 فقرات يقول لك حل 4).هو ملك حقيقةً، بالتوفيق له،،
+2
ملك!! ترتاح معه باللاب لكن درجتك على االافرج او بيخسف فيك على حساب البقية 