السلام عليكم ورحمة الله وبركاته
كيفكم شباب انشاءالله بخير >>> خاصه مع الفاينالز 
بداية أحب اقوووول حنا الحين فموسم حصاد ولازلنا نكرر المقولة الي نسمعها من يوم كنا في الابتدائي :
( من جد وجد و من زرع حصد ) 
مقولة ثانيه 
:
( يوم الاختبار يكرم المرء أو يهان ) 
سبب كتابتي لهالموضوع هو كل شخص فينا يحلم او كان يحلم او ما زال يحلم انه يجيب معدل عالي او يحلم بال A+ 
ويتفاجئ في نهاية الامر بالتحديد بعد الفاينال انه حمل الماده
او مثلا جاب قريد تحت الي يتمناه مثلا جاب B+ وهو يبي A+ >> يعتبر هالشي محطم عند فئة من المجتمع 
المهم بهالمناسبة السعيدة تذكرت واحد من الاوريا على ايام التقديم وكذا نزل في المنتدى موضوع يتحدى الشباب يبي يجيب 4 / 4
اتوقع الحين لو ندوره ما نلقاه
فيعني العالم الي كان تفكيرها مثل هالشخص الطموح ما شاءالله وفاجأه معليش تراك يا فلان حملت ماده او اخذت DN >>> تحطيم
الشخص ذا حسب علم الاحتمالات راح يكووون قدامه مصيرين 
اما انه يكووون قوي وواثق من نفسه وما راح يستسلم 
او انه يتحطم ويكره العيشه و يقول : على ايام الثانويه كنا ما نعرف درجة جيد جدا عشان نعرف درجة النجاح الحين سرنا ندور درجة النجاح في البترول
فممكن تلقاه يقول لك انا ذنبي اني ما طلعت ابتعاث >> يحسسك ان جامعتنا الوحيده في العالم الي متشددة ونظاميه 
وتلقاه يقووول ذنبي اني دخلت البترول وما سمعت للشباب الي كانوا يحذروني منها وانها معقده وانها وانها … etc >> مقدر على ال etc 
مع العلم لو تلقاه حقق الي يبيه وما فشل تلقاه يقوول البترول اطلق جامعة في العالم عشر مرات 
المهم يا شباب الي ابيه منكم بعد كل ذا تجيب ورقة وقلم وتكتب وش الاخطاء الي ممكن كانت السبب في وصولك الى هذا المستوى
يعني الكثير منا يعلم ان اغلب طلاب البترول ما دخلوا البترول الا وهم اشخاص مميزين ايه انت مميز وانت ميميز الجميييع هنا مميز ولكن شي واحد لا يسيطر عليك لانه لو سيطر عليك راح تفشل بعد مشيئة الله الي هو (الغرور بالنفس ) 
فرضا لنكتب بعض الاخطاء او المشاكل :
1/البعد عن الله >> وذا اهم شي
2/ تأجيل عمل اليوم للغد >يعني ممكن يكون اليوم عندك ورقتين تراجعهم بكرا بيصير عندك كتاب كامل 
3/الغيابات عشان ما تكون النهاية DN
4/التهاون بصغائر الامور زي الكويزات البسيطه وبعض الواجبات إلى أخره >> هالاشياء تفيدك مستقبلا ^^
5/ التكوه على النت >>اكبر حرامي للوقت 
هذي بعض النقاط طبعا
طيب اول شي لازم نحط حد للمستوى الي وصلنا له ونعاهد انفسنا على التغيييير التغيير يا شباب ثم التغيير وهالشي يحتاج همه مو تقول ابي اتغير وتجلس تواصل على نفس الحاله
حاول دايما لا حسيت باحباط ما تتجه الى قصص الفاشلين حاول تقرا وتسمع عن قصص الي نجحوا بعد عدة محاولات من الفشل والشباب ما قصروا هنا نزلوا قصص لهم نجحوا فيها بعد العديد من العثرات الي واجهتهم ولاتنسون ان العثرة قد تكوون سبب الانطلاقة ^^
http://www.skfupm.com/vb/showthread.php?t=52701 >> احدى الامثله
في موضوع قد قريته مدري هو ذا ولا لا خخخخخخخ
بس بما فيه ان صاحب الموضوع في اول ترم له في الجبل واجهته صعوبات وضغوطات اثرت على نفسيته حتى ايقن انه لن ينجح في البترول لا محاله فحذف الترم وراح لاهله مطأطئ الرأس وقرر يسحب ملفه لكن بعد ما راجع نفسه قرر انه يرجع البترول ويتحدى كل الصعوبات وماشاء الله استطاع اخونا انه يتخرج بالترتيب الثاني على الدفعه وتخصصه كان هندسة كهربائيه يعني كل شي نقدر نجيبه بس لازم يكون عندنا ( طموح + عزيمه + اصرار + همه)
لا تنسى ان بني البشر خلقوا بنفس العقل ولكن الفرق بين كل شخص وشخص كيف تستخدم عقلك والمعروف ان الشخص الطبيعي يستخدم 10% من طاقته العقليه وحسب ما سمعت ان اينشتاين قدر يستخدم 20 % او 30 % المهم الي هو
الي ابي اوصله انت تقدر توصل للي تبييه شرط انك تنسى الي فات وتبدا صفحة جديده والدنيا ما انتهت ولازم نحاول ونحاول حتى نحقق الهدف ^^
باعطيكم كم نقطة بسميها المفاتيح الذهبية للنجاح >> حسيت اني الولد الذي هو
1/ راقب الله في حياتك واجعله ملجأك وملاذك ومحل اتكالك دائما
2/ بر الوالدين ودعائهم الله الله بأمك وابوك
3/ اكسب ود دكتورك بأي طريقة وان تفل على وجهك لا ترد عليه كله يهووون على شان مستقبلك لا تسوي فيها كبريائي ما يسمح 
4/ حاول تسجل ورا استاذك وتكووون مركز معه اعرف شخص درس تخصصين فوقت واحد وجاب فيهم 3.8 في الاثنين والسبب زي ما قلت لكم يقول ما اذاكر كثييير لكن اخلي تركيزي كله مع الاستاذ
5/خلي نيتك صافية ولا تنسى : وعلى نياتكم ترزقوون
6/ لا تنسى اولا واخرا ان التوفيق بيد الله انت عليك تذاكر وتجتهد وتسوي الي عليك والباقي على الله
اخيرا بعد كل هالفلسفه والاطاله احب اقووووول للجميع استمتعوا بأجازتكم ولا يشغل بالكم الفاينلز خلوا الاجازه ذي لتصفية اذهانكم فلووووووووووووا ابوها
وانشاءالله يكووون قدامنا سمستر جديد مليء بالانجازات والنجاحات
هذا والله الموفق
اخوكم / معاذ الشريف >> اوريا طبعا
