السلام عليكم ورحمة الله وبركاته
اهلاً وسهلاً بالجميع …
حاب ابدا في عمل دوائر كهربائية بسيطة …
واحتاج بعض التجهيزات مثل الدايود ( الصمام الثنائي ) وغيرها …
طبعاً في جدة عندنا محل معروف … اللي هو الراديوشاك …
لكن حبيت اسال هل له فرع بالظهران … او فيه محل معين بالشرقية بشكل عام ؟
يفضل لو يكون قريب من الجامعة … وسهل الوصف
وإجازة سعيدة …
فيه محل اسمه المهندسون العرب … يبيع هذه الأشياء
موقعه ما اعرفه 100% لكن هو قريب من تقاطع الملك عبدالعزيز مع شارع الظهران ( عند محلات الكمبيوترات الكثيرة اللي قريب من الرحمانية )
اتمنى احد الاخوان يفيدك في الوصف لأني مني متأكد
وبالتوفيق في مشروعك
شوف السويكت كان في محلات من زمان
راديوشاك موجود في جرير مول الي هو مقابل الظهران مول يعني مررره قريب من الجامعة
وسمعت ان في محل في السويكت قريب من محلات الصرافه يبيع اشياء زي كذا
ما الك الا مجداف …
على تقاطع بلدية الخبر…
عندو كل اشي
يعطيكم العافية … ما قصرتوا
بجرب راديوشاك ان شاء الله بما انه اقرب شي لي … اذا ما نقصني شي عنده
بجرب العناوين المذكورة
جزاكم الله خير
سجل عندك:
الريس للإلكترونيات
الخبر ، شارع الملك فهد … تقاطع أ ( تقاطع أ هو التقاطع اللي قبل 1 … بعدها تبدأ معك الارقام الين 28 تقريباً )
وين معرض عالم سوني ؟ … جنبه بالضبط لكن من جهة شارع الملك فهد وليس جهة بنك الرياض -الرئيسي-.
مجداف
تقاطع شارع الظهران مع طريق الدسكفري (مدري وش اسماءهم الجديده بالضبط!)
اللي هي الاشارة اللي قبل اشارة الكورنيش (ثالث اشارة - او بالاصح ثاني اشاره لأن الاولى مكنسلينها مع اعمال النفق)
. عندها شاشة دعاية كبيرة بيضا والمبنى كله ابيض … شفت الشاشه ؟ تحتها باب مجداف بالضبط (:
المهندسون العرب:
الخبر … تقاطع أ مقابل مكتب عماير بغلف < تقريباً مو متأكد . يا نفس التقاطع او اللي بعده
اسهل طريق لما تطلع من عالم سوني تلقى شارع أ يوديك باتجاه السويكت … امش معه الى آخره تلقى المحل على يسارك
شعارهم rs ] باللون الاحمر تلقاها كبيره واللوحه بيضا على اصفر ان ما خانتني الذاكرة
يعطيك العافية … ما قصرت
جزاك الله خير … كفيت ووفيت صراحه …
احترامي …
الموجات للالكترونيات
شارع الملك فهد … يجيك على زاوية … مقابل محل أقمشة رجالية كبير
الموجات …
تقاطع شارع الملك فهد تقريبا مع الثامن أتوقع…
تلقى أغلب الأشياء اللي تبغاها …
شكراً لك …
الدمام - حي العمال - بالقرب من سييكو بلدينغ - يوجد هناك أكثر من 100 محل لهالغرض
من جد ما أبالغ محلات كثيييييرة كثيرة فوق ما تتصور بس لهالغرض
ع العموم إن شاء الله تكون حصلت اللي تبي و ما يحتاج تتعنى لهناك
المجداف هو المحل الي مشهور اكثر وينصح بيه بعض الدكاترة
بس انا اقترح عليك حاجة … تقدر تطلب من اي دكتور بالالكترك يوقعلك على ورقة صغيرة واطلب اي حاجة من مخزم مشاريع التخرج ابتداء من ديود الى الاوسولسكوب والفنكشن جنريتورز وبروجكت بوردز …الخ
تحياتي
