-ماهو الافضل برئيكم بن هذين التخصصين الجيوفيزياء والبترول؟؟وماهو النادر؟؟وماهو الاوثق في الوضيفه بإذن الله؟؟وكم يطلب كل تخصص من المعدل ؟؟
النادر هو الجيوفيزياء طبعاً , لكن الأفضل والله ما أجاوب على هالسؤال صراحةً , كل تخصص وهدفه بالحياة
بالنسبة للمعدل والله ماعندي على بجامعة عزوز , عندنا بالبترول عدي التحضيرية وخش الي تبغا, لكن الأوثق اتوقع ( وحط خط تحت اتوقع ) هو الجيوفيزياء لأنه نادر وقليلين الجيوفيزيائيين مرة , وفيه شركات تطلب جيوفيزيائيين مثل هيلبرتون وارامكو
بيوم التوظيف الي طاف ( قبل شهر تقريباً ) بجامعة البترول, رحت لفرع ارامكو بالمعرض وكان فيه رجال سعودي كذا , كانو يسألونه الطلاب عن التخصصات المرغوبة ( قال كل شي باختصار )
فسألته انا “والجيوفيزياء ؟!” , ثم قال "انا جيوفيزيائي, ولعلمك ترى ارامكو يبغو جيوفيزيائيين بشكل كبير ومرغوب مرة )
>> هذا كلامه هو
-ماهي الشركات الطالبه لهذه التخصصات؟؟سواء كنت فيلد اومكتب .كم يكون الراتب والمرتبه؟؟
الشركات البترولية في المقام الأول أكيد
ارامكو , شلمبرجير , هيلبرتون , شيفرون ومدري ايش بعد
فيه عندك مثلاً تخصص هيدرولوجي يقدر يتوظف في شركة المياه اتوقع
الراتب والمرتبة ماعندي علم والله , لكني سمعت من اكثر من شخص وبثقة بعد ان اعلى رواتب في ارامكو هم الجيوفيزيائيين
-لو مثلا توضفت في شركة شلمبر جير …في هذه الحاله اكون تابع لارامكو او اني ليس لي بها صله؟؟لان كثير من الاخوه يقولون انه فيه شركات تنقيب تابعه لارامكو تتوضف فيها ثم بعد كم سنه تترسم في ارامكو…هل هذا صحيح؟؟اريد التبيين اكثر؟؟
والله ما اعرف عن هالشي صراحة
لكن كل الشركات تقريباً تابعة لأرامكو أو سابك
وحتى لو اشتغلت كم سنة في شلمبرجير يمديك تحول لأرامكو عادي خصوصا انك تكون كسبت سنوات خبرة
اما انا فحبيت اسألكم الاسئله السابقه لانكم اقرب لشركات وعندكم الخبره بها وماهي المعدلات التي يدخل بها الطلاب كم هي ؟؟وماهي الافضل ارامكو ام غيرها؟؟
شوف بالنسبة للمعدلات المطلوبة من الشركة ماعندي علم والله , لكن اتوقع زيادة او قلة المعدل هو يحدد الراتب ومستواه , يعني دامك تخرجت فبتتوظف ان شاء الله لكن الراتب يحدده المعدل والمقابلة الشخصية …ألخ > ماعندي علم كثير عن هالامور
وافهم منك اخي ان اختار الجيوفيزياء…
أخوي , اختار التخصص الي انتا ترغب فيه ! لا تبحث عن طلبات الشركات , لأن سوق العمل غير ثابت ( وتخرجك انت بعد خمس سنوات !! مو الحين !! )
شوف ميولك ايش , هل هو هندسة او علوم مثلاً, واذا كان علوم اي قسم وهكذا لما توصل للتخصص الي تحبه
اقرأ عن تخصصات علوم الأرض كلها وسوي مقارنة بينها ( واترك التوظيف اخر شي بمقارنتك )
بهالقسم فيه موضوع لي عن الجيوفيزياء أنصحك تقرأه , وتروح تبحث عن التخصصات الباقية برضو وتقرأ عنها
طيب ماذا عن تخصص جلوجيا البترول؟؟ كيف مستقبله بعد الله؟؟
ماعندي علم والله , لأن بجامعة البترول تخصصات علوم الارض ثلاثة ( جيوفيزيا, جيولوجيا , بيئة )
الله يوفقك اخوي واي استفسار ان شاء الله بنكون حاضرين 
