يا جماعة الخير أنا عندي روميتي (غير سعودي) يبي يسحب من الجامعة سمستر واحد لأن عنده مشكلة كبيره في اللغه ويبي يدخل دورة ويرجع السمستر القادم 111 (وليس الترم الصيفي 103) >> علشان رقم الدفعه مميز… علماً أنه أول سمستر له ذا السمستر >> قهر توه بقراطيسه
فهل عنده إمكانية علماً أنه مبتعث عن طريق بلده … اللي عنده علم يرد سريع لأن الرجال تقروووووش واللغه عنده معدومه ولو يكمل الترم ذا بيتعب نفسياً وممكن ما يعدي وتصير المشكلة مشكلتين …
همسه : ترى الرجال من ثلاث أسابيع الين اليوم وهو ما رفع رأسه من الكتاب يعني مجتهد اجتهاد غير طبيعي لكن مع ذلك يقولي ما يلحق مع المدرس ولا يفهم شيء معه >> تخيلوا أحياناً يقول المدرس بكره اختبار وهو ما يدري وش جالس يهرج يعني وضعه صعب …
فايش تشوووورون عليه يالربع ؟؟؟ واللي عنده نصيحه أو إضافة أو تجربه يسدحها فيذا ؟؟؟
… ولكم جزيل الشكر والعرفان …
أدري مكان الموضوع غلط لكن الرجال مستعجل وهنا سيرى الموضوع عدد أكبر من الأعضاء
لو هو مبتعث وليس مقيم فالجامعه بتعمل له خروج نهائي اذا طلب يوقف سمستر …هذا من واقع التجربه لبعض زملائي …لاكن نصيحتي انه يواصل ويجتهد قدر الامكان وبالتاكيد بايستفيد ويتحسن مستواه وهو عند ثلاث اترام وصيف عشان يعدي الاوريا …يعني يهتم ويقدم كل جهده واذا لاقدر الله ماعدى الانجليزي فعنده باقي ترمين وصيف عندها بايكون مستواه قد تحسن بشكل كبير
توه في أول المشوار … وياما طلاب كثييير صادفو صعوبات كبيره في بداية الترم ووصلت إلى تفكيرهم بالإنسحاب من الجامعة لكن شدوا حيلهم و مشوا فيها و اللحين هم أونرز …
أتمنى أنه مايستعجل ويعيد التفكير في قراره … ويحسبها من جديد وفيه فرصة إن لغته تتحسن بشكل كبير في نهاية هذا الترم …
ياطويل العمر أنا كنت مثله ومع الوقت بيفهم وصحيح اني عدت 001 بس كان باقيلي 3 درجات على النجاح علما اني ماكنت داري بالبداية وش الطبخة لكن شديت حيلي وقعدت احفظ كلمات واحاول اتمرن ولو شديت حيلي زيادة كان يمكن عديت
والحمد لله لي الحين سنتين بالجبل وأموري ماشية تمام فنصيحتي له أنة يكمل ويشد حيلة ومع الوقت حيفهم
وللمعلومية باقي المواد لاتحتاج لأن تكون متحث مبدع بالإنجليزية وخاصة بالجبل أعرف نااس كثير اونر وكلامهم مكسر بالإنجليزي
كثير من الطلاب كانت تواجههم مشاكل في بداية تعلم اللغة + احد اهداف وجود السنه التحضيريه هو تطوير وتحسين اللغة الانجليزيه , يعني مو مطلوب من الطالب يجي الجامعه وهو متقن للغة , بالعكس هو هنا علشان يتعلم , فخله لا يستعجل
ويقدر يروح لمركز التوجيه والارشاد , مبنى 17 الدور الثاني
مثل ماقالوا الاخوان نصيحه لايسحب واللغة راح تجيه مع الوقت
اذكر اول ماجيت الجامعه قسم 3 اسابيع ولا كنت افهم وش قاعد يقول المدرس ( مفهي ) ولله الحمد بديت افهم عليه بعد 3 اسابيع تقريبا ولله الحمد عديت الانقلش فهذاك الترم
وبعدين اضمنلك لو يعدي الاوريا بس راح يجيب راسي وراسك في الجبل
بسم الله الرحمن الرحيم
ياخوي ترى أكثر الأوريات كذا أول أسبوعين ,
