الأستاذ الجامعي هو عماد البحث العلمي والأكاديمي، ولهذا فمن الواجب على ادارة الجامعة البحث عن دكاترة أكفاء في كافة الاقسام الأكاديمية ومتميزين. مع اعطاء البدلات والمكافآت المستحقة والرواتب المناسبة لمستواهم…إلخ
فمن خلال السنوات السابقة لي بالجامعة لا حظت للأسف الشديد تسرب الأساتذة المتميزين من جامعتنا بسبب قلة البدلات والمكافآت ، لأنه وجد من يعطيه الذي يستحقه ،، فنجد بعض الدكاترة والاساتذة المتميزين ذهب لجامعة الأمير محمد ، وبعضهم ذهب للجامعات في دول الخليج …إلخ
وحاجة ثانية لفتت نظري هي وجود دكاترة كبار في السن وبعضهم متخلفين جسدياً من جنسيات مختلفة ،، خصوصا مدرسي الانجليزي ،، وألاحظ كثرة الدكاترة الهنود والباكستانيين ، لدرجة إني اشعر بعض الأحيان إني في أحد المطاعم الهندية أو البوفيات ،، فما أدري من السبب في تسرب الدكاترة المتميزين من الجامعة ، هل هو بسبب قلة الدعم والحوافز المالية !!! والشيء الملفت للنظر هو لما يجيك دكاترة هنود يدرسوك كتب ومواد مؤلفة في بريطانيا وأمريكا وتحتاج لدكتور فاهم ولغته الاصلية انجليزية ، وتنصدم ان هذا الدكتور الهندي لغته مكسرة اوردو مع انجليزي :)…إلخ فمن هذا المنطلق أتمنى التعاقد مع دكاترة واساتذة من بريطانيا وأمريكا من مؤلفي الكتب الجامعية والحاصلين على بحوث وجوائز متميزة ، حتى تستعيد الجامعة تميزها الأكاديمي على كافة الأصعدة ،، والله ولي التوفيق،،
ما ادري هل شاركتهم في البحوث عشان تحدد مدى كفائتهم ؟ هذا اول سؤال جا فـ بالي !
اعتقد انهم كلهم مميزين
لكن البعض منهم يحتاج الى تطوير مهارته في " التدريس "
وهذي مالها اي علاقة بكفاءته كـ دكتور ومدى فهمه ومعرفته وسعة اطلاعه !
واقرب مثال اكيد شفته في الواقع … هو مدى اتقان اللغة الانجليزية
تلقى بعض الطلاب لو يتكلم ما يقدر يقول كلمتين على بعض بدون ما يخطي ، لكن تعال شوفه لما يكتب ريبورت او يجاوب على سؤال معين … تلقاه ما شاء الله ماشي على قواعد اللغة مضبوط ويمكن عدد المفردات اللي فاهم معناها … اكثر من عدد المفردات اللي يعرفها اللي فرحان بمهاراته الشفويه في هاللغة .
ببساطة ما تقدر تظلمه وتقول ان ماعنده كفاءه في اللغة الانجليزيه …
ولكن يحتاج تحسين من ناحيه معينه فقط .
وعلى فكرة … بعض الدكاترة مرن وياخذ ويعطي في هالجانب لكن مشكلة ان اغلب الطلاب يشوفوا الدكتور بعبع ويخافوا ينتقدوه في هالشي … مدري وش المانع انه يروح له للمكتب ويقول له يا دكتور احس اني ما فهمت لاسلوب كذا وكذا وش رايك تكون تسوي الشي الفلاني ؟
اذكر لك هالقصه الصغيرة عشان اطول الرد شوي <--
كنت اخذ الماث مع الدكتور هتان وكان شرحه جميل لكن ما كان يعجبني انه ما يركز على المسائل المعقدة شوي في الاولد-اقزامز … جت فترة التقييم وكتبت تعليقي اننا بحاجه الى تمارين من الاولد-اقزامز عشان نفهم احسن … ثاني يوم جا ومعه مجموعه اختبارات قديمه وقام يحل منها بعض الافكار بالاضافة الى امثلة الكتاب
والله يا عزيزي انا معك في نقطة الكم الهائل من المدرسين عموما الشرق اسيويين فجامعتنا الكريمة مع ضغط وزارة التعليم العالي عليها بقبول طلاب فوق الطاقة الاستيعبيه لها اصبحت تستقطب كميات من هالجنسيات سواء هندي باكستاني اردني وايضا بنغالي (مدري رواتبهم قليلة مثلا) طبعا اناما اقلل من قدراتهم العلمية ابدا ابدا لكن للأسف بعضهم سيئ بمعنى الكلمة اضربلكم مثال (في مدرس لمادة me215 اسمه سيد فدا حسن تخيلوا انه الترم اللي راح كان يشرح لطلابه اشياء محذوفة من الخطة الدراسية مدري البلا فيه والا في القسم) .
وبخصوص العمر يا عزيزي بالعكس في مجموعة دكاترة اعمارهم فوووق الستين ومشالله تبارك الله مافي احسن منهم .
يؤخذ بعين الاعتبار / لكن لا تنتظر منه شي مثل : الفصل! … او شي من هالقبيل
لأن التقييم الهدف منه هو تطوير مهارة الدكتور ] ومشكلة اغلبنا انه ياخذه باستخفاف
الدكتور اللي يلقوا عنده نقطة سلبية في شيء معين من خلال هالتقييم
يطلب منه انه يحضر قبل بدء الدراسة تقريبا باسبوع او اسبوعين ما ادري بالضبط
ويدخل في ورشة عمل او محاضرات في هالنقطة اللي هو سيء فيها … عشان يكتسب معرفة اكثر ويتحسن
يا شباب دايم في اي منشأة اذا تبغى تطوير لازم يكون عندك feedback قوي ودقيق، اذا احنا قعدنا نتذمر ونقول بكل بساطة غيروهم او شوفوا لكم بديل … بنفقد المصداقية! لازم التغذية المرتجعة تكون دقيقة ، لو التقييم ما كفى / او ما نفع / او ما حقق الهدف اللي تبغاه ، اجتمعوا وحددوا المشكلة بالضبط … مثال : الدكتور فلان الفلاني … مشكلتنا معه 1 و 2 وشوفوا واحد يكون لبق ويحبذ انه محبوب عند الدكتور وخلوه يقابله يقول له معنا المشكلة الفلانيه وهي 1 و 2 في طريقة شرحك ويقترح حلول لها . اكيد ان بيجيك كم دكتور ما يتقبل كلامك لكن هذا ما يمنع ان البعض راح ياخذه بصدر رحب ويحاول ينفذه قدر المستطاع … التغيير ما يكون بمجرد كلام لازم تتحرك وتسوي شي ( ويكون هالشي … ايجابي )
على ذمة طالب مقرب من احد الدكاترة اللي ترك الجامعة (وكان هذا الدكتور قمة في علمه وادبه)
الدكتور هذا ترك الجامعة بعد ان عرضت عليه جامعة اخرى راتب ب3 اضعاف ما يتقاضاه في جامعتنا الحبيبة…مع السكن وتدريس اولاده…لاتروحو بعيد الجامعة اللي انتقل لها عربية حكومية
وعلى ذمته ايضا…مجموعة من الدكاترة تقدمو بخطاب الى الادارة بخصوص الرواتب وجاءت زيادة على رواتبهم يستحى من ذكرها هنا…
كوننا طلاب لا ندري اجزاء كبيرة مما يجري لكن تفسير ما نراه يتطابق مع ما نسمعه…هذا طبعا لا يقول انه صحيح 100% لكن الزمن يثبت صحة أكثره ببطء ويكذب بعضه الاخر …موضوع رواتب الطاقم التدريسي لا علاقة لنا به لكن لنا علاقة بما نجده من تغير بالمستوى والتعامل…
اسلوب الجامعة حاليا…هذا الوضع عجبك حياك والا الله معك…ذكرها لي احد الدكاترة شخصيا…لا اعتبار لقيمة العلم الذي يحمله هذا الدكتور…واذا ترك نجيب بدله دكتور من شرق آسيا وسدينا نصابه التدريسي ووفرنا له راتب اقل لكن لم نسد القيمة العلمية اللي راحت…
بقاء الخبرات الان مرتبط بشفقة ومحبة من تبقى من الدكاترة المخلصين للجامعة وتاريخها العريق…او لانهم قريبين من التقاعد…لكن كما كنت اقول سابقا عند تقاعدهم سيئن المستوى الاكاديمي
بالنسبة للابحاث وبراءة الاختراع …الخ الخ…من مصدر اخر…تم الاتفاق مع جامعة اجنبية بمبلغ محترم للمشاركة في ابحاثهم + (الجزء هذا ملاحظ): تم جلب دكاترة قريبين على عمر التقاعد ومعهم ابحاث واختراعات اكثرها سابقة لكن عمرهم لا يسمح بالتعامل الكامل مع الوظيفة التعليمية…وهذا كله يصب في رفع مستوى التقييم
علاوة على التمييز بين الطاقم التدريسي وذكرها لي 2 من الدكاترة اثناء تأديتي للتدريب التعاوني…بأن قسما من الدكاترة لا يتقاضون اي مبلغ مقابل متابعة الطلاب في التدريب ويكون نصابهم من الطلاب اكثر بكثير من ممتلئ ويتفانون في هذا العمل حبا للطلاب…وهناك دكاترة يتقاضون عن كل طالب مبلغ وقدره ولا يهتمون بنفس المقدار بطلابهم (وهذي يشهد علي ربي شفتها بعيني)
ربما لا تكون القصة قصة رواتب وانما معيار توظيف .وربما شي اخر…لكن يبقى ما نسمعه من عروض تقدم لدكتور وانها افضل بكثير مما يحصل عليه هنا يرجح موضوع الرواتب ربما…خلاصة الموضوع اننا كطلاب نلاحظ وبشدة تغير مستوى التدريس وكفاءته و نسبة لا باس بها ترى ان الوضع يجب ان يصحح قريبا
رواتب الدكاتره تتبع سلم الرواتب من وزارة المالية … بالتالي السلم موحد لكل جامعات المملكة وجامعة البترول ليست استثناء
بالتالي سلم الراتب الأساسي للأستاذ المساعد يبدأ من 11 … مع البدلات تقريبا 18 ألف ريال خذ نظرة على جامعات المملكة … تلقى الغالبيه العظمى من الدكاتره من مصر … لأنهم يقبلون برواتب متدنية لكن دكتور بجنسية غربيه !! ومع سلم رواتب الدكاترة الحكومي … مستحيل يجي الجامعه والدكاترة المميزين سواء من دول عربيه أو غربيه … في جامعات خاصه ( مثل جامعة محمد بن فهد ) وجامعات غير سعوديه … هذي الجامعات غير ملزمه بسلم الرواتب لوزارة التعليم العالي
بالتالي يعرضون رواتب عالية جدا لجذب الدكاترة أصحاب الكفاءات
يعني تعرض البترول 18 ألف … وجامعة ثانيه خاصه او غير سعوديه تعرض 50 ألف !!!!
-------------
معلومة اضافيه … الجامعه تحاول تغطي العجز هذا من خلال أوقاف الجامعه بالتالي يزداد دخل الجامعه … يقل اعتمادها على الميزانية المحددة من وزارة المالية … بالتالي يكون عندها مرونه في سلم الرواتب وتقدر تتعطي رواتب مغريه
يعني باختصار … مدير الجامعة عارف المشكلة … وعارف ان الدكاترة الاكفاء جالسين يتركون الجامعه بسبب تدني الرواتب والاغراء من جامعات اخرى لكن ماباليد حيلة … هذا نظام الرواتب من الحكومة … ومدير الجامعه موظف حكومي والميزانية اللي معطاه له ملزم يبين كيف صرفها ومفروض عليه سلم رواتب مايقدر يتخكم فيه بمزاجه
----
للأخ اللطيف اللي يقول رواتب الدكاترة عاليه !!! … اول شي … عيش وشوف الدنيا ثاني شي … الدكتور = 6 او 7 سنوات فوق البكالوريوس اذا الفرش قرادويت في بعض الشركات يبدأ من 15 او 16 ألف مستكثر ال18 ألف على دكتوووووور !!!!!!!! … مدراء الشركات يستلمون رواتب فوق الـ 100 ألف … ودكتور الجامعه تقريبا خمس الراتب
