نظرا لاقتراب الاختبارات للجميع فأنا عندي نصيحة للجميع " الدوافير + المنتهين " فأنا بطرح موضوعي هذا عن طريق قصـة وواقع تجربة " لن اقول لكم : اثبتت الدراسات واثبتت الدراسات " إنما سأقول لكم " أثبتت أنا " من واقع تجربـة لي ولأكثر من شخص أعرفه
موضوعي المتواضع بإختصار عن المذاكرة الجماعيـة
أولا : عدد الأشخاص اللي بيذاكرون : لآبد أن يكونآ اثنين " من تجربتي : جربت 3 " صأرت كلها سواليف ومضيعة وقت وماستفدنآ
طيب أيش مواصفات هالشخصيـن هذول وليش ؟
وآحد منهم يكون : دافور
أما الأخر فيكون : متوسـط أو منتهي !
وليش انا اخترت هالشخصين : يأتي في هذا الإثبات الصغير : لو كانو الطلاب اثنينهم دوافير ، فكل منهم راح يتكبر على الثأني بعدم طرح الأسئلة "لأن الدافور : دآئمأ يبغى يصير الأفضل وهو المتزعم في العملية التعليمية فلآ يرضى أن احد أقرانه يعلمه " " هذه حقيقة " .
طيب لو كانو اثنينهم منتهيـن ! : ايش اللي راح يصير : ماحد راح يتعلم من الثآني أبدن ! لأن اثنينهم مو فاهمين
نأتي للوضع الأخير وهو من تجربة لي : طالب دافور + طالب منتهي : رأح اوصف لكم الوضع والنتيجة عن طريق هذه القصة الطريفة :
انا أعتبر لست بدافورا قويا " ولكن من فئة الدوافير " وخويي من فئـة المنتهيـن وطول حياته بالجامعة وهو يمشي C , d وناززل وجاني يوم سألني قال لي ياخي ابيك تشرح لي بعض الشغلات ممكن ؟ قلت له ابشر ولا يصير خاطرك الا طيب ! تعال لي الغرفة ولا اجيك الغرفة ، وجاني الغرفة وجلست أشرحله اشرحله : طبعأ وانا أشرح له أيش صار ! " هو من كثرة أسئلته " إتضح لي أن كثيرا من الأشياء كنت غآفلأ عنهأ ، وبأسلئة خويي جلسنا نبحث عنها ونحاول الين ماحليناها .
طيب ايش اللي صار الحين : الرجال ماكان فاهم : أصبح فهمه للمادة جيدآ
انا كنت فاهم : ولكن ! : زأد فهمي للموضوع حتى اني اصبحت اقدر اتفلسف فيه !
والله وعجبني وعجب خويي الوضع فقلنا : شرايك خلاص دايم نذاكر مع بعض ونحل الواجبات مع بعض : ففيها متعة والله العظيم كنا نجلس من 4 العصر إلـى 10 الليل : فيها مذاكرة وفيها سواليف ومزح ومع هذا كله والأهم العملية التعليمية تصبح أفضل بكثير !
فمشا الترم مشا الترم وجاءت الاختبارات النهائيـة : واحنا 24 ساعة مع بعض ومذاكرة ونحاول ونتهاوش ونزعل وهو يقول انا مابي اذاكر معاك انت كل تعصب ، وانا اقوله ياخي انت " ثور " ماتفهم ! " هذا مايحصل بالضبط " ويتم الزعل ونرجع وهكذا " فهذا هو الوضع الطبيعي "
وقدمنا الاختبارات وعطلنا " طبعآ الرجآل متعود المعدل حقه 2 الفصلي ! مايزيد عنه الا تكة بسيطة ! " والله والرجآل دق علي قال لي يبو سعود : معدلي الفصلي 2.5 ! اقوله ماشاء الله تقدم بالنسبة لك . وسألني كم معدلك الفصلي صار ! " وانا بالعادة يكون 3-3.1 " قلت له والله انا 3.66 ! قال ماشششاء الله نقلة !
جاء الترم الثاني ونفس الحكاية : ونفس الكلام اللي صار يصير ويتكرر : الرجال بنهاية الترم معدله صار 2.85 ! وانا نفس الحكاية فوق المعدل حقي !
فهذا كل الكلام بإختصار : فإن شاء الله إني اكون قد صورت لكم الوضع بشكل ممتاز جدا وان شاء الله تستفيدون من تجربتي هذا ولكن " حاول ان تجد لك قرينأ جيدأ مناسبا تنفعه وينفعك " مو شرط يكون خويك ! يمكن يكون واحد جديد تتعرف عليه بس المهم انكم ترتاحون لبعض وفاهمين نفسيات بعض
أسأل الله التوفيق للجميع وأرجـو ان تتقبلو موضوعي وتجربتي المتواضعة
يأتي في هذا الإثبات الصغير : لو كانو الطلاب اثنينهم دوافير ، فكل منهم راح يتكبر على الثأني بعدم طرح الأسئلة "لأن الدافور : دآئمأ يبغى يصير الأفضل وهو المتزعم في العملية التعليمية فلآ يرضى أن احد أقرانه يعلمه " " هذه حقيقة " .
اقول لا تدبر، حقيقة اجل
انا اشوف ان العدد ما يزيد عن ثلاثة، عشان ما يصير فيه تربيعه.
وجهة نظري : أنا ماتعلمت المذاكرة الجماعيـة إلأ في الجامعـة ، يعني يمكن انك تتأقلم عليها بشكل سريـع مهوب شرط انك من زمان لازم تتعود عليها وكذا وبالنهاية برضو " هي تعتمد على نفسيـة الشخص نفسه : هل هو متقبل لهذه الفكرة أم لا " ، أرجو ان تكون الفكرة قد وصلت لك اخوي
على عكس الثانوي : كنت غير مؤيـد أبدآ للمذاكرة الجماعيـة
هذا من وجهة نظري وصح كلآمـك بعض الأحيآن ماتنفـع " إذا كانو راعين سوالف ويضيعون الوقت "
من جد كلامك صحيح بالنسبه للمذاكره الجماعيه وفائدتها اللي تعود على الطلاب اللي يذاكرون… قبل اسبوع شرحت حق واحد من الشباب جزئيه من احد الفصول في مادة،، هو فهمها وانا زدت فهم فيها وولله الحمد…
انصح الشباب يعطونها تجربه جديّه ويشوفون النتايج كيف تصير ايجابيه
كنت أذاكر مع واحد من الشباب أيام الثانوي (( وكنت أشرح له المواد العلمية ))
وفعلا ولله الحمد كنت أختم على المواد العلمية )100/100( وهو تطور مستواه وبقوة من حوالي 85% إلى فوق التسعين
أما بالجامعة مالقينا لها استمرار وفعلا المذاكرة الجماعية بالمواد العلمية مثل الرياضيات الفيزياء الكيمياء تخليك تبدع بالاختبار
مالقينا لها استمرار وفعلا المذاكرة الجماعية بالمواد العلمية مثل الرياضيات الفيزياء الكيمياء تخليك تبدع بالاختبار