السلام عليكم ورحمة الله
كلنا ما نعرف طريقنا المستقبلي, ونمر بلحظة نحتاج نقرر فيها قرار مصيري بين مسارين مختلفين لحياتنا المهنية. كمتخرجين فريش ما عندنا معلومات كثيرة عن المستقبل الوظيفي ويمكن نغتر بأشياء مثل الراتب والمميزات البسيطة وراحة العمل. لذلك حاب أسأل أصحاب الخبرة سؤال شائع بيننا وهو: وش أفضل للمتخرج فريش يشتغل مهندس صيانة أم مهندس مشاريع؟
وجزاكم الله خير جميعا
طبعا حكم اني اشتغلت فتره في ادارة المشاريع… اشوف انه الترقية فيها اسرع بحكم البوزيشن الي ماسكة
وغالبا مديري المشاريع هم اكبر مستوى اداري من مهندسي الصيانة هاذا غير انك راح تتعامل مع زوايا مختلفة في اداره المشاريع مثل المالية ,التقيم, التنفيد, الخدمات اللوجيستية وغيرها من الامور الممتعة
مشكور على ردك أخوي والله يجزاك كل خير لمشاركة خبرتك هنا
انتظر ردود أخرى من خبراء آخرين
وعليكم السلام ورحمة الله
شوف يا أخي ،،، أول شي لازم نعرف وظيفة كل منهما ( للي ما يعرف كمان)بعدين نناقش مين الأحسن إن شاء الله ،،
مهندس المشروع وظيفته تكون في قسم المشاريع وهناك قسمين :
القسم الأول : مهندس يكون يشتغل وأصلا ما فيه مشروع قائم حاليا ، يعني الشركة شافت مثلا ان عندها نقص في الكهرباء ، فقررت تسوي مشروع محطة توليد ، هناك مهندسين سوف يقومون بعمل التصاميم لهذي المحطة وتصميم متطلباته وتقدير تكلفة المشروع بالتعاون مع شركات خارجية وعمل الإجراءات كلها لما يتم اختيار المقاول اللي حيبني هذه المحطة وتتم كتابة العقد ،، ( المهندسين اللي يشتغلوا في هذا هم القسم الأول ويطلق عليهم مهندس تصميم ونحوه)
القسم الثاني (وهم الأكثر حسبما أشوف وهو ممكن اللي تقصده) : هم المهندسين الذين يتابعون إنشاء المشروع من يوم ما تتم كتابة العقد مع المقاول لما ينتهي المشروع
طبيعة عمل مهندس المشروع هو الإشؤاف غلى تنفيذ المشروع من البداية للنهاية ومن مهام عملك :
زي ما تشوف إن تقريبا معظم الشغل إداري ،،
أما مهندس الصيانة فتبدأ مهمته لما ينتهي تنفيذ المشروع ويدخل قيد التشغيل فهو والتشغيل حيستلموا هذا المشروع شغال ،،
طبيعة عمل مهندس الصيانة من اسمها :
أيهم أحسن،، هذا سؤال شائك جدا ويعتمد عليك انت شخصيا ،،
أعظم مميزات مهندس المشروع شيئين : أولا إنه بيتابع مرحلة المشروع من يوم ما كان أرض قاحلة إلى أن يكتمل المشروع ويصبح منتج ،،خلال الفترة هذي حتشوف كل شي يسوى أمامك فحتستفيد كثير
ثانيا: الدورات الخارجية ، حيث إنهيفترض( وركز على يفترض)في الشركات اللي عندها مشاريع ان مهندس المشروع يطلع إلى الدولة اللي حتبني المشروع وياخذ دورات هناك ويحضر بعض الاختبارات ، وهذه تعطيه خبرة جيدة
عيب مهندس المشروع ، ان الشغل المطلوب منك إداري في الغالب ، والخبرة التقنية تجي تبع ، وليست هي الأصل ،، يعني انت مطلوب تسوي شغلات وتقدر انك تركز على العمل التقني وتقدر تطنش لأنه ما هو مطلوب منك ،،
ميزة مهندس الصيانة ، هي الخبرة الممتازة التقنية ، لأنك حتفهم المشكلات اللي تصير وكيف تحلها وزي كذا ،،
عيبها انك حتكون محصور في شغلة معينة، مثلا موترز وجنريترز وزي كذا ،
أنا أشوف ، إنه إذا كنت حتشتغل في مشروع ضخم ( ميجا بروجكت) وتكون في السايت وليس المكتب وتكون لك علاقة وثيقة بالاختبارات ( لأن فيها خبرة ممتااز’) فمهندس المشروع أحسن
إذا كنت حتشتغل في مشروع صغير ما فيه خبرة ، فأشوف إن مهندس الصيانة أفضل
واعذرنا على الإطالة 
الله يجزاك خير ياخوي عاشق طيبة بيض الله وجهك. أكيد المهندس الفريش ما راح يشتغل على طول على ميجا بروجكت ولا؟
اللي حاب يضيف رأيه من الخبراء لا يبخل علينا السؤال شائع جدا بين المهندسين حديثي التخرج
مو شرط ،، على حسب الشركة والشواغر اللي عندهم ، وكمان هل عندهم ميجا بروجكت ( زي انشاء محطة أو بلانت أو توسعة ووو)
ممكن تروح لشركة ما يكون عندها ميجا بروجكت ،
لأن البروجكت في الشركات كلمة مطاطية ،، يعني لو عندهم محول يبغوا يستبدلوه بمحول ذي خصائص أعلى يسموا هذا الاستبدال بروجكت ، وهذا حسبما أشوف مافيه خبرة قويةزي المشروعاللي أنا عليه ، فنصيحتي لك اذا بتسوي مقابلة في المشاريع استفسر عن البروجكتات اللي عندهم واعرف انت فين حتكون ، بس لا تقل لهم في البداية انك ما تبغى مشروع صغير حتى ما يستبعدوك
ربنا يوفقك
وزي ما قال لك الرجال فوق ، تقريبا الترقيات أفضل في المشاريع حسبما أسمع ، أضف لها هناك شهادة عالمية pmp تقدر تاخذها لما تكمل عدد ساعات معينة في البروجكت ،، وكمان تنوع الخبرة في المشاريع ،إدارية ـ تكنكال ، مالية ، عقود ومشتريات وهكذا
بس حاول تكون في ميجا بروجكت لأنك حتستفيد أكثر بكثير ممن لو كنت في ميني بروجكت
الله يجزاك خير ياخوي عاشق طيبة والله يكثر من أمثالك اللي يحبون مساعدة الناس لوجه ربهم.
واللي عنده اضافات لا يبخل علينا
وعليكم السلام ورحمة الله وبركاته
بغيت أوضح شغله بسيطه في أرامكو على سبيل المثال
ممكن تتوظف مهندس صيانه وبعد سنتين تنقل إلى إدارة المشاريع وتصير مهندس مشروع وبعدها بفتره تصير مهندس أعمال <<< وهذا حال الأغلب
يعني لا تعتقد إذا دخلت الصيانه لين تتقاعد وأنت فيها
ومثلاً سوبرفايزر تبع وحدة المهندسين يترقى ويصير رئيس قسم الصيانه وووو,
وفقك الله لكل خير
تحياتي
إضافة قيمة أخوي عمر أشكرك جزيل الشكر
وفعلا أنا خوفي إذا دخلت قسم أنحبس فيه. وصراحة نظام أرامكو ممتاز جدا بانهم بعد كل فترة طويلة يغيرون قسمك.
إذا جاء اسم أرامكو يجي بعده على طول (لاحظوا بعده هههههه) اسم سابك. هل شركات سابك تعمل بنظام شبيه بنظام أرامكو؟
من وجهة نظري ومن اللي احتكيت فيهم
أنا أرى أن مهندس المشروع أفضل من ناحيـة الترقيأت هذا أولا
ثأنيا : من ناحيـة إن الشغل مايكون روتيني ممل مثل ماهو عليه في قسم الصيانة !
يعني مهندس المشروع تشوفه مايجلس في مكانه ، يوم هنا ويوم هنا ويوم ميتنق ويوم تشوفه في السايت ومرة تشوفه جالس !! يعني مافيه روتين ممل !
الشباب جزاهم الله خير ماخلو شي ماقالوهـ
جزاكم الله خير يا شباب
معلومات قيّمة تشكرون عليها
مثل ما قال الأخ عاشق طيبة الأمر يعود لتقييمك ونظرتك لنوع الفائدة اللي ترغبها
وبنظري ان الخريج الجديد الأفضل انه يهتم بالأمور التقنية وطبيعة العمل في السايت قبل ما يفكر بالمنصب الإداري
ما شاء الله, الأخ عاشق طيبة فصلها بالكامل
وبإختصار
إذا كان توجهك الشخصي هندسي - إداري , مهندس المشروع هو الأفضل لك .
إذا كان توجهك الشخصي هندسي - تقني , مهندس صيانة هو الأفضل لك .
ولكن كل القطاعين فيها ضغط لأنك بتكون في قسم حساس بالنسبة لأي شركه , و الله يعينك لو إشتغلت في شركه المشاريع فيها ما توقف والظغط كبير, لو يعطونك 12 - 14 ألف ريال كمجمل راتب شهري يمكن ما يوفي التعب والضغط النفسي إذا كنت من النوع المهتم بالعمل 
وعادة في الترقيات مهندس المشروع يقدم على مهندس الصيانه لأن خبرته في إدارة المشاريع تحتسب في صالحه لإدارة اقسام و قطاعات.
وبالتوفيق.
خذي مني مهندس صيانة عشر سنوات
الصيانة في الشركات هي القسم “الوسخ”
و موظفيه كثير و مضاربة على الترقيات و الدورات و التقييم عذاااااااب
اكثر ناس بتكرف و اقل ناس بتتكرم لأن جهدهم غير ضاهر
مهندس المشروع افضل و شغله ظاهر و الإدارات العليا في الشركة تراقب انتهاء المشروع و تعمل حفلة و تكرم العاملين عليه و يظهر في مجلة الشركة و تغطية اعلامية
اما الصيانة المهندس مهما اجتهد و بذل من جهود و حافظ على المعدات في احسن حال في الخدمة فلا احد يشعر فيه و لكن بمجرد حدوث العطل الكل يهب ضده و يذم فيه. يعني في المدح مالك نصيب لكن في الذم يجيك من كل جهة.
الله يديكم العافيه
موضوع ودود قيمه تشكرون عليها
in projects, there are a project engineer and design engineer
the design engineer requires lots of field experience to be able to design and capture the project scope.
to get this field experience you have to work in maintenance for one of two years
to work as project engineer, you have to have a good background in design
in SABIC Engineering and Project Management, the requirement of the project engineer is 7 years experience or 10 years experience (for non Saudi)
However, Saudi fresh graduates are exceptional and they work as project engineers
my advice for you is to work in maintenance for 1 or 2 years and then you can work as project engineer or design engineer (but it is always better to be a project engineer)
مهندس المشاريع يترقى افضل اي من اي مهندس
موفق
الشباب ماقصروا صراحة وانا رايي انه مهندس المشاريع افضل من الصيانة الا ماندر …
غير كدا حط ببالك انه مهندس الصيانة يشتغل في بلانت وترقياته معتمده على وجود شواغر فوقه عكس المشاريع وفي ارامكو على حد علمي يوقف قريد مهندس الصيانه على 13 فقط …
ومن جهه اخرى مهندس المشاريع شغلته متعبه وتنقلاته كثيره ومافيها استقرار ممكن يعجبك الوضع ببدايه حياتك بس بعدين تتعب وتبغى تستقر وعائلة …
وزان الامور والله يوفقك
مزيد من الاراء يااخوان
+1
فعلا هدا قالوله لي ارامكو وقت المقابله مع pmt قالولي ترا مافي استقرار حدك ينتهي المشروع خلاص نسلمه ونروح على مشروع ثاني واحتمال كبييير راح يكون بمدينه ثانيه فلازم يكون عندك استعداد انك تنقل كل كم سنه
ثاني شي اشوف انهم عليهم ضغط كبييير لانهم يتعاملو مع اكثر من جهه وهما يكونوا حلقه التواصل بينهم ( الكونتراكتور واللايسنسور وموظفي الشركه اللي مسويتلهم المشروع)
وكل واحد يجيك يشتكي على الططرف الثاني او يطلب منه بعض الاشياء كلها لازم تكون عن طريقهم