السلام عليكم ورحمة الله وبركاتة
بحكم التجربة الي مريت فيها وانا في الصف الثالث ثانوي كنت ابغى اي واحد يعطيني اي معلومة عن ابتعاث سابك
او عن جامعة البترول
فمن هذا المنطلق الي عنده سؤال عن ابتعاث سابك انا في خدمتكم
وبرضو انا درست في البترول شهرين ( ايام الزمن الجميل 
)وبعدين رحت لسابك يعني عندي خبره نوعاً ما في البترول
وفي الختام لاتنسوني من صالح دعائكم
اخوكم ابونايف
أخوي حسب ما أعرف سابك تبعث فقط ل4 جامعات أمريكية هي Texas @ Austin, UPenn, Boston, and Venderbilt. فهل توزيع الطلاب لهذي الجامعات حسب التخصص؟ إذا كان نعم، فطلاب Mechanical Engineering أي جامعة؟ وطلاب Electrical Engineering أي جامعة؟ لأن حسب ما لاحظت أن طلاب Boston يدرسوا Finance
سؤال ثاني، بعد التخرج بشهادة Bachelor، وفرضا حصلت على قبول لدراسة Masters أقدر أكمل؟ ولا لازم أرجع السعودية وأشتغل؟
إذا كنت أقدر أكمل ماسترز، هل لازم في نفس التخصص؟ أو أقدر أدخل ماسترز تخصص مثل Engineering Management?
درجتي في القدرات 94، هل تعتقد أنها جيدة لسابك؟ وأيش هي معايير القبول، هل يقدموا اختبار انجلش/ماث مثل أرامكو ولا كيف؟
أوكي، هل أنت تعرف مقر العمل (سواء الجبيل أو ينبع) قبل الابتعاث ولا؟
سؤال أخير، هل سابك ترسل طلاب لبريطانيا؟ وهل تعرف أيش هي جامعاتها هناك؟
ارهقتك بالأسألة أخوي المعذرة! فأنا بحثت في كل مكان ولا لقيت أجوبة، سابك نوعا ما غامضة… انتظر الأجابة منك مع جزيل الشكر…
أنا طالب في الثالث حالياً …
درجتي في الثانوية 99 والقدرات 86 والتحصيلي بإذن الله في الثمانين كتوقع وإن شاء الله 90 ليش لأ …
وودي أقدم على إبتعاث سابك … هل فيه إمكانية وكيف ؟ وهل من الممكن قبولي بهذه الدرجات ؟
وش المميزات اللي يقدمها لي هالإبتعاث وش الشيء المميز فيه ؟
وألف شكر لك … والله يكثر من أمثالك … اللي أمثالك يستاهلون كل خير …
الله يوفقك بحياتك وآخرتك قل آمين …
1- كلامك صح بس هذا كان صح زمان الان الوضع تغير ياطويل العمر الجامعات الي تبتعثلها سابك يدرسونك فيها شي اسمه سنه تحضيريه تدرس فيها انجليزي وماث وفيزكس وكيميا على حسب تخصصك طبعا مثلا اذا كنت تخصص اداري ماراح تدرس الفيزيا والكيميا راح يدرسونك اشياء غير . اما نظام توزيع الطلاب علي الجامعات فهي تعتمد على اللغه لانهم بيسون لك اختبا تحديد مستوى وكل سنه يحطون جامعه معينه الي فيها الناس التوب في الانجليزي مثل جامعتي الآن upenn العام كان فيها التوب في الانجليزي السنه هذي دفعتنا الوسط في الانجليزي جابوهم هنا طبعا الجامعه هذي Venderbilt الغوها من القائمه حطو بداله جامعه كولومبيا الي في نيويورك . اما بالنسبه لدراستك الجامعيه وانت تدرس في السنه التحضيريه راح تبدا تقدم على الجامعات طبعا راح يعطونك سابك لسته فيها اكثر من 44 جامعه وانت تقدم على الي تبغى منها وبعض المرات سابك يحددون لك جامعات معينه تقدم عليها.
2- انت راح توقع عقد انك راح تدرس بكالوريس وملزم انك ترجع تشتغل خمس سنوات في سابك ماتقدر تقدم استقاله فيها اما بالنسبه للماستر فهي على حسب متطلبات الشركه يعني يمكن الشركه اذا شافوك كويس يخلونك تكمل ماستر بس نادر الشي هذا يحصل بس برضو اذا كملت ماستر راح تصير ملزم تشتغل عدد السنوات الي درستها على حساب سابك وبرضو سالفه نفس التخصص او لا هذي تعتمد على متطلبات الشركه . وعلى فكره راح تلقى في العقد ان سابك غير ملزمه انها توظفك اذا رجعت وهذا الشي نادر يحصل او بالاصح ماقد صار وبرضو فيه طلاب يتمنون الشي هذا على شان يقدرون يكملون ماستر
3- ما شاء الله درجتك في القدرات روعه ما شاء الله سابك معايير قبولهم مافيها اختبارات ولا شي بس عندهم مقابله هم الي يعتمدون عليها في القبول وعندهم اختبار تحليل الشخصيه هم يسوون معك المقابله عشان يشوفون هل هم مرسلين رجل يقدر يعتمد على نفسه ومن هذا القبيل والدرجات برضو لها تاثير ولكن فيها طلاب جابو نفس درجتك واكثر ولا انقبلو لانهم كانو فاشلين في المقابله الشخصيه اما بعد ماتنقبل يسوون لك اختبار انجليزي علشان يشوفون يحطونك في اي مستوى في الانجليزي .
4- بالنسبه لمقر العمل الجامعات مقسمه الى تير 1 تير 2 وزي كذا الين تير 4 كل ماصارت جامعتك من التير 1 تقدر تختار مكان العمل يعني لك الاولويه بس ماتعرف مكان العمل قبل لاتدرس بعد ماتقدم على الجامعه وصارت من التير ون فممتاز يكون لك الاولويه انك تختار بعد ماتخلص دراسه.البترول اتوقع سابك منصنفينها من التير 2 .
5- ايه نعم سابك ترسل لبريطانيا بس بالنسبه للتخصصات الي هناك مااعرف وشي ولا حتى الجامعات.
لا ابد والله ياخوي لا ارهقتني لا شي انا ماحطيت هالموضوع الا عشان اجاوب على اسئلتكم
آمين
والله مثل ماقلت لاخوي الي قبل انهم اهم شي تجيب المتطلبات الي طالبينها سابك في الدرجات وانت ما شاء الله جبتها بس باقيلك التحصيلي الي هو العام كانو يبون فوق 75 السنه هذي مدري صراحه
وبعدها عاد اهم شي المقابله .
بالنسبه لمميزات سابك اشوف انه من افضل الابتعاثات الي موجوده في المملكه يعني فيه اعتناء بالطالب بشكل غير طبيعي مميزاتها انك ضامن وظيفتك اذا خلصت الدراسه باذن الله وايضا انك راح تقدم على جامعات من افضل جامعات العالم وبرضو في السنه التحضيريه راح تدرس الماث والفيزيا والكيميا على ايادي دكاتره وبروفيسورات لهم صيتهم في امريكا
اتمنى اني افدتك اخوي والله يوفقك
يعطيك آلف عآفية يَ EBRAHEMOO 
فعلاً آلطلآب يحتآجون من يجآوب عَ آستفسآرآتهم ,
وآعتقد مرّيت بً التجربة هذي 
,
بس عندي آستفسآر ! - > قلنآ لـ طلآب الثنوي بس خخخخخخ 
,
وبرضو انا درست في البترول شهرين ( ايام الزمن الجميل )وبعدين رحت لسابك يعني عندي خبره نوعاً ما في البترول
مُمْكن تقولنآ كيف طريقة قبولك ؟! 
تمّ التقييم
اوكي اخوي انت قلت انو سابك تسوي المقابلة عشان تعرف “هل هي بترسل رجل ولا لا”. طيب أنا الصيف الماضي رحت برنامج Pre-college في أمريكا، تعتقد لو قلت لهم عنه في المقابلة بيزيد من فرصتي قبولي؟
طيب، أنت قصدك هالسنة صارت الجامعة التوب في الإنجلش هي Columbia والثانية UPenn? صراحة كولومبيا معروفة جامعة مستواها خرافي.
ألف شكر لك يالغالي … ردودك كافية ووافية … الله لايحرمنا منك
بس بخصوص المقابلة … هل هي صعبة وتحتاج لشخص متحدث باللغة الإنجليزية … ؟
وتحدث لنا عن المقابلة بتفصيل شوي …
ثانياً … هل هناك إختبارات قبول أم فقط تحتاج للقدرات والتحصيلي والمقابلة ؟
>>
هلا والله اخوي فالح
انا انقبلت في ابتعاث سابك قبل البرنامج التعريفي الاول بيوم واحد لاني كنت في قائمة الانتظار 
حتى كنت في كلاس الانجلش ودقو علي في البريك وعلى طول ماصدقت قلت اوكي .
هلا والله اخوي
1- هذا الشي لو تقولهم عنه راح يزيد من امكانية قبولك ان شاء الله بقوه لان بما انك قد رحت لامريكا فهذا شي يريحهم
2- بالنسبة للجامعات كل جامعه فيها ناس توب بالانجليزي وناس نص ونص وناس صفر في الانجليزي كولمبيا هذي فيها الصفر والتوب . بس على فكره لما يرسلونك للجامعة هذي هذا مايعني انك انت طالب من طلابها حتى المشكله ان اذا قدمت عليها ماراح يكون لك اولويه بحكم انك دارس فيها الي يعني الاسم فقط + الدكاتره الي راح تدرس على يدهم الماث والفيزكس والكيمستري .
العفو والله ياخوي
المقابله اسهل مما تتخيل اهم شي لاترتبك بالنسبه للانجليزي انا ماسألوني بس فيه ناس سالوهم ، الشي الثاني حاول تتكلم عن انجازاتك مشاركاتك مع المدرسه ترى هذا شي مهم خاصه في قبول الجامعات في امريكا ،
ليس هناك اختبار قبول فقط الاشياء الي انت ذكرتها
اتمنى يااخوان اني قدرت اجاوب على اسالتكم وان اصبت فمن الله وان اخطت فمن نفسي .
مافيه اختبار قبول
جزاك الله خير يا غالي استفدت كثثثير من اجوبتك
بس لو سمحت تعرف شيء عن الابتعاث الداخلي لهم؟؟ لانو عندي شوية اسئلة وابغا اسئلك لو تعرف شيء عن الابتعاث الداخلي
السلام عليكم
وياك ان شاء الله
والله ياخوي ودي افيدك بس للاسف ماعرف عنه شي
ولكن نصيحه الخارجي افضل
وعليكم السلام ورحمة الله وبركاته
اهاا ^^
جزاك الله خير يا غالي ^^
السلام عليكم
ياشباب على فكره ترى التقديم فتح وحطو دول جديده تبتعث لها الي هي المانيا والصين
والله يوفق الجميع ان شاء الله
واي سؤال في عمليه التسجيل انا حاضر ياشباب
الله يوفقك انشالله …
بغيت اسال المقابلة الشخصية
كيف هي يسالو عن ايش
يعني نبذه عنها يالغالي
… وماهي افضل الدول للابتعاث…
وشكرا كثير
شكرا لك اخوي , وجزاك الله خير
بس ابسأل : الورقه اللي يعطونك في المقابله تعبيها لمده 10 دقايق !؟
وش فيها بالظبط ؟؟؟؟
اخوي
انا تحصيلي 74 وسابك طالبين 75 تتوقع اقدر ادخل او لا
؟؟
وهل فيه طريقه اقدر ادخل بها الابتعاث
هلا والله اخوي
والله شف الاسئله تختلف بس طبعاً فيه اسئله ثابته وفيه بعض الطلاب خلوهم يتكلمون بالانجليزي لكن الشي هذا ماحصل معاي
راح اقولك انا وش الاسئله الي سالوني اياها واسالوها كل الشباب تقريبا
س/ ليش اخترت سابك ؟
س/ وش طموحك ؟
س/ وش التخصصات الي تفضلها ؟
س/ هل سبق لك ان سافرت خارج المملكه ؟
س/ هل انت مستعد انك تسافر وتخلي اهلك لمده 5 سنوات ؟
س/ اذا جاتك بنت ولابسه مثلا شورت وقالت لك ساعدني في حل الواجب وش تسوي ؟
واهم شي انك ماتكون مرتبك حاول تروح بالحالك للمقابله لان هم يبغون يشوفون هل انت شخص تستطيع التاقلم مع الدراسه خارج المملكه ولا لا هذا الشي الي يبغون يعرفونه .
بالنسبه للدول والله مالي علم فيها ولكن انا افضل امريكا .
واتمنى اني افدتك يااخوي
هلا والله اخوي
والله وانا اخوك مااذكر ورقه ولكن الي اخبره اختبار تحديد شخصيه ولكن اظاهر انهم بيشيلونه السنه هذي لان اغلب الطلاب ماعملوه بالطريقه الصحيحه فلذلك اذا جاك ركز في التعليمات واسال .
والله شف لو انت جايب 75 ممكن تدخل لان اهم شي انك تجيب الشروط الاوليه هذي لان هذي مايمشي في الواسطه هذي كلها بالكمبيوتر تعمل فعشان كذا الله يعوض عليك وانا اخوك وراح تلقى ان شاء الله الي يناسبك باذن الله .
اتمنى يااخوان اني افدتكم واي سؤال انا مستعد
طيب هل آستعديت للمقآبلة آلشخصية ؟ يعني قريت عنهآ أو شي فآدك في آجتيآزهآ ؟
وهل صحيح أن إذا ابتعثوك وجبت معدل أقل من 3 من 4 رآح يطردوك ؟ وهل طردوآ طلآب في سنتكم ؟
ووش تنصحني لو طلع لي سي بي سي و سآبك ؟ علماً أن أبي أدرس هندسة صنآعية …
هلا والله اخوي
والله لااستعديت ولا شي اهم شي ادخل عادي وامورك تمشي
لا مش صحيح انه اذا جبت اقل من 3 لا اذا جبت اقل من 2.75 وبعدين مايطردونك على طول يعطونك انذار واذا ماعدلت من وضعك انذار ثاني والثالث طرد
والله انا لسى في السنه التحضيريه والحمدالله ماطردو ولا راح يطردون ان شاء الله
اصلاً قليييل الي سمعنا انهم انطردو عشان مستواهم الدراسي اما انه ينطرد عشان غياب او مشاكل ثانيه
والله انا انصحك بسابك لاني جربت سابك واعجبتني ولا ادري عن السي بي سي صراحه
وفيه تخصص هندسه صناعيه في سابك
واتمنى اني افدتك اخوي
ابتعاث سابك باين عليه محترم ،و الشروط الحمد لله كلها متوفرة وقدمت وعلى الله التوفيق
بس دايم أسمع عن الواسطات والتمييز في نواحي غير دراسية في هذا الابتعاث فهذا اللي مخوفني
على العموم يعطيك العافية ماقصرت ، اهتمامك لأخوانك الطلاب في هذا المرحلة الحرجة دليل على خلقك الرفيع
يعطيك العافيه ياخوي على دعمك لي
بس حبيت اقولك شي بالنسبه لابتعاث سابك فهو لايخلو من الواسطات زي اي ابتعاث في المملكه
ولكن النواحي الغير دراسيه هذي الي تقولها هذي عرفنا ليش سابك تركز عليها لما جينا لامريكا
لان الجامعات الامريكيه اخر ماتنظر له درجاتك اول ماتنظر له النشاطات الاصفيه الي سويتها في دراستك
عشان كذا حاول تذكرها قدامهم بالمقابله وبرضو من النواحي الغير دراسيه هم يبغون طالب يعتمد على نفسه بعيد عن اهله فعشان كذا ممكن يكون اخر مايفكرون فيه الدرجات
ويعطيك العافيه مره ثانيه واتمنى اني افدتك