.
.
السسسلآم عليكم و رحمة الله و بركاته
جاني عرض اليوم من سابك
توظيف في شركة كيميا
لكن
كونتراكتر مع شركة ثانية
على كلام موظف HR
الرواتب ما تقل عن الأساسي لـ Direct Hired في سابك و يمكن أعلى
الترسيم و تصبح موظف رسمي في سابك في سنة
المقابلة الثلآث الجاي
مع ٣ مانجرز
أبعرف آيش سلبيات الكونتراكت
و آيش الآيجابيات ?
هل تستحق المجازفة ?
أو الآنتظار لـ وظيفة رسمية أفضل !!
أحتاج أرائكم " لـ ذوي الخبرة "
لـ آتخذ القرار و أبلغهم الموافقة من عدمها غدآ
آفيدوني أثابكم الله 
توكل على الله و أقبل الوظيفة
كثير من موظفي الكونتركت مع سابك تم ترسيمهم بعد فترة
بعض الأحيان تكون رواتب الكونتركت أعلى من الوظائف الرسمية
و إذا كان العقد مع أحد الشركات القوية مثل ( فلور , هالبيرتون , سامسونج ) فتلك فرصة ممتازة لأخذ خبرة معهم
و تفتح لك باب القبول في كبرى الشركات مستقبلاً أو الإنتقال للعمل معهم في مشاريع جديدة و برواتب مغرية جداً
ما شاء الله اولا …
اخوي انا صارت لي نفس حالتك بس مع كيان … مع شركة متعاقدة معها اسمها السويدي …
اول شي سمعت نفس كلام الاخ رستم … لكن انصدمت بعدين ان الراتب اقل بالفين !!!
وان الترسيم مو اكيد … بس الشغل يكون في نفس كيان …
وانت استخير وشوف … الفرص هالايام قليلة … والله يوفقك ^ ^
لا يا اخي لا تقبل اسحب عليهم … اولا الشركات الكونتراكتر اللي تطلب التوظيف عن طريق سابك كلها سيئة جدا و وشركات فلور وهاليبرتون وسامسونج تطلب التوظيف بنفسها وليس عن طريق سابك هذا من ناحية … من ناحية اخرى كلامهم عن الترسيم بعد سنة خرابيط اسمع مني اشوفهم قدامي كل يوم مساكين عيونهم طالعة … قدم على سابك عن طريق الويب سايت تبعهم وفي اليوم المفتوح بتلقى ممثل عن كل شركة من شركاتهم عط كل واحد منهم السي في تبعك وقدم بالشركات الاخرى … اذا دقو عليك دايركت هاير روح لكن كونتراكت حتى لو راتبها مقارب شف لك شركة ثانية هذي مالها ضمان مستقبل وظيفي … وبالتوفيق
و الله الشركات اللي ذكروها لي
شركات يملكها سعوديين
الشعيبي , جال , YTP أو شي زي كذا
و خلال المقابلة ذكروا لي مسمى الوظيفة Enviromental مع آني Chemical
.
.
+ 
برضه السويدي من الشركات اللي ذكروها لي
بس دام الوظيفة كونتراكت
لآزم يكون راتبها مرررررضي جدآ
هذا شرط آساسي عندي
بس وش المميزات اللي وفرتها لك الشركة ?
البيسك سكن مواصلات نهاية خدمة تأمين طبي … الخ
+
كلامك صحيح بخصوص الشركات
أنا أصلآ مقدم عن طريق الموقع
و دقوا علي بعد ما قدمت بـ يومين
و رتبوا المقابلة بعد ما قدمت بـ أسبوعين
و الله يسسسسهل
.
.
إذا معدلك فوق 2.5 فعليك بالصبر وستجد إن شاء الله فرصة Direct Hire في سابك أو في غيرها
إذا كنت تبحث منذ فترة طويلة (أكثر من أربعة أشهر على التخرج ) ولم تجد عملا فتوكل على الله
وعليك بالاستخارة أولا وآخرا
انا جاني اتصال اليوم من شركة غاز يقولي تعال لمقابلة بس رح اكون عن طريق كونتراكت مش دايركت وقايل لي بعد ان الشركه اللي انا شغال فيها حاليا معاها جولوبال كونتراكت مع سابك وينصحني اني ازبط اموري من شركتي الحاليه وهم رح يطلبوني منها.
انا حاليا في شركة استشارات هندسيه في الخبر لي سنه تقريبا الراتب مو ذاك الزود بس الحمد لله واتوقع ما رح يكون فيه تغيير في الراتب اذا صرت مع سابك كونتراكت عن طريق الشركه.
طولت عليكم … سوالي هل انا لو رحت رح يجيني ترسيم والا لا؟ هل السالفه تستاهل المغامره؟
مع العلم ان ما عندي دوام يوم الخميس حاليا واذا رحت لسابك رح يكون فيه دوااام…
وشكرا
أخوي كروكليوم عندي استفسار وياريت ما تبخل علي فيه .
كيف قدمت على الشركة ؟ لأني جربت أقدم على سابك بس ما قبل لأن المعدل اقل من 2.5
ياريت لو تقدر تفيدني
مرحوم الوالدين
.
.
هلا بك
بالنسبة للترسيم
نسبة كبيرة جدآ رآح يتم ترسيمك
في ظرف سنة
و الراتب ما راح يكون أقل من رآتب سابك
هذا اللي قالوهـ لي
.
.
يب
المعدل فوق المطلوب
و استغربت آنهم قالوا لي كونتراكت
و لما حضرت الآنترفيو
قالوا يمكن كونتراكت و يمكن دايركت
للحين ما يدروآ " هذآ كلآم المانجرز "
و آنتظر ردهم الحين
.
.
و ما تفرق معي
كونتراكت ولا دايركت
لآني أصلآ من الغربية
و ماني جالس هنا كثير
خبرة و أمشششي
.
.
قدمت عن طريق الموقع
عـــآدي
آذا معدلك تحت الـ 2.5
أرسل الـ CV لآحد تعرفه في أي شركة من شركات سابك
و هو يحولها لـ الهيومان ريسورس
أو في يوم المهنة
كان متواجد شخص من الهيومان ريسورس
و يأخذ الـ cv للي أقل من 2.5
و واحد من الشباب كيميكال
تحت الـ 2.5 حضر معي المقابلة
هو أرسل الـ cv لشخص يعرفه في سابك
و سوا لها فوروورد لـ المسؤول في الهيومان ريسورس
سابك ما عندها مشكلة في توظيف أقل من 2.5
لكن عن طريق الكونتراكت
تأخذ خبرة و يشوفوا أدائك خلال سنة أو سنتين
آن كااان أوكي يرسسسموك و تصير رسسسمي
و آن كنت مبزوووط
الوجه من الوجه أبيض
خلك ع الكونتراكت أو شوف غيرهم
.
.
بالنسبة لكلامهم سنة سنتين كلام فاضي مو اكيد ابدا … لأني حاليا موظف في سابك واشوف الشباب اللي كونتراكتر ماكلهم الهم لهم فوق الثلاث سنوات … ثانيا الراتب اقل من راتب سابك بحوالي الف الى الف وخمسمية يعني مافي امل يصير اعلى … ثالثا دام معدلك فوق 2.5 اصبر بيجيك منهم عرض اكيد على دايركت هاير لأني سمعت يبغون كيميكال كثير … رابعا نصيحة لوجه الله لا تقبل وظيفة انفايرومت او سيفتي اينجنير تحت اي حال من الاحوال الا اذا انت مضحي بالعلم اللي اخذته خلال خمس سنوات وتبي تنساه وتجلس شغال على بيبر وورك …لأن هالوظايف مالها اي دخل بتاتا بالتخصص ولا حتى نص بالمية … لذلك لا تقبلها الا اذا انحديت على الوظيفة لأن هذي بعد سنتين ثلاث تضرك ماتنفعك … الله يوفقك
كلام جدا منطقي وانا جاني اتصال في نفس وقتك تقريبا دقوا علي وقالي الباكستاني انا من سابك << مستحيل بكستاني في الهيومن ريسورسر عموما قالي كونتراكتر انا هنا ما تحمست وقالي تعال الفناتير مقابلة قلت يالله يا رجل روح وش بتخسر… المهم قابلني نفس الشخص البكستاني وشخص اخر سعودي موظف رسمي في سابك قسم IT مع العلم باني تخصص مالية …\\
المهم خلال المقابلة لم يذكر اسم الشركة الكونتراكتر ابدا ولم يقابلني اي احد فيهم؟؟!! حتى لو اني لم اسئل عن الشركة ماكان قالي اسمها وهي الخثلان؟؟!! 
بالنسبة للراتب بلسانة قالي اقل من راتب سابك بالف او الفين ومافي بونسس طبعا … 
غير انه الترسيم على حسب البيرفورمنس حقك…؟؟ طيب اي برفورمانس راح يعجبك وتحولني دايركت؟؟ 
يعني الشغلة مافيها شي مضمون…
انا سحبت عليهم بحكم انه لسة توني فرش قرادويت والحمد الله معدلي فوق ال 3 انتظر فرصة افضل من هذه!!
التوفيق للجميع