السلام عليكم ورحمه الله…
كيفكم شباب… يا رب تكونوا بخير
عندي استفسار لاهنتم…
ممكن احد يدلني على مستشفى نفسيه في الخبر وتكون حكوميه؟
واذا ماكان في الخبر يا ليت الدمام
لانه في علاج فلست من كثر ما اشتريه وابغى اصرفه على حساب حكومتنا الرشيده 
في انتظاركم…
تحيتي
اتوقع تقدر تاخذه من اي مستشفى حكومي
لان في واحد اعرفه كان ياخذ الادويه من مستشفى العسكري
^^
يعطيك العافيه يا الغلا
لكن ما اتوقع راح يصرفولي الدواء بدون تقرير من الدكتور 
مشكور على المرور
عندك يالغالي مستشفى الدمام المركزي فيه قسم خاص نفسيه
اسال الله تعالى ان يلبسك ثوب الصحة والعافية
1
ربي يسعدك يا الغلا دوم
ما قصرت والله
وياليت لو كمان توصفلي اذا ما فيها كلافه 
مستشفى الجامعة مافيها !!!!؟؟؟؟
فيه عندك المستشفى التعليمي الخبر بس تحتاج تحويل من عيادة الجامعه اظن له
وان احتجت شي وانا اخوك راسلني على الخاص وابشر بعزك
مستشفى الدمام ع شآرع المالك خالد 
خطآك السوء
ما تشوف شر
خطاك الشررررر
الله يدفع عنك البلا ويغنيك عن حاجه الادويه 
الله يدفع عنك البلا ويغنيك عن حاجه الادويه
وياليت لو كمان توصفلي اذا ما فيها كلافه
مستشفى الدمام ع شآرع المالك خالد
إسمحولي ازيد الوصف شوي !
إسم مستشفى الدمام المركزي هذا إسمه القديم وأحيانا متعارف عليه بس إسمه الحين ( البرج الطبي)
الوصف بالتفصيل
تطلع من البوابة الشمالية حقت الجامعة و تطلع من الإشارة يمين
إنسى المخارج كوولها وادعس سيييييييييدة ، الطريق هذا بويديك للدمام على طول ، مو متأكد ممكن حول 15 كيلو لين ما توصل أول إشارة
إطلع من أول إشارة سيدة
والإشارة اللي بعدها سيدة
راح تقابل حفريات الإشارة اللي بنهاية الحفريات هذي تلف منها يسار <<< صرنا نوصف بالحفريات ههههه
راح تلقى استاد الأمير محمد الرياضي على يمينك ، إنت في الطريق الصح ! الحين حاول تمسك طريق اليسار لإن أول ما تطلع يسار من الإشارة تمشي شويه راح يكون فيه سيارات على يسارك جاية من نفق ، وكمان لإن الطريق قدامك راح يتفرع ، إما تطلع فوق الكبري أو تبقى تحت ، إنت إطلع فوق الكبري وإمشي سييدة
بعدين يتفرع الطريق مرة ثانية ، إما تبقى أو تنزل النفق ، الحين لا ،،، لا تنزل في النفق وخلك على اليمين ، الإشارة لف منها يمين ، يسمونها إشارة المعجل وتلاحظ محلات جوالات هناك
إمشي سيييدة ، الإشارة اللي بعدها سيدة كمان (( لا تغلط وتلف يسار لإن شكل التقاطع غريب شوي ))
لما توصل الإشارة اللي بعدها راح تشووف البرج الطبي وآآآضح على يسارك
وأي سؤال أنا حاظر ، بالتوفيق
(( تقدر تدخل خرائط جوجل وتكتب بالبحث البرج الطبي وتشوف مكانها ))
بعد اذن الاخ فواز ، عندي لك وصف اسهل
تطلع من الجامعه من بوابة ارامكوا ومن الاشاره تروح يمين وتسيد مثل ما قال الاخ فواز الى اول اشاره
من الاشاره (اشارة جرير او تسمى سابقا نباتات) هذي تلف يسار ، تمشي حوالي ٥٠٠ متر وبتجيك اشاره ثانيه ( اشارة مستشفى الولاده ) تلف يمين
وخلاص بعدها تصير تمشي سيدا بتجيك اشارة الخطوط الاربعه و تتعداها وتجيك اشارة النفق (اشارة المعجل ) وتتعداها
بتصير البناشر (شارع الكفرات و الجوالات ) على يمينك تمشي شوي بتجيك اشاره تتعداها بتجيك اشارة المستشفى او البرج الطبي وبكون على يسارك
الوصف صح طويل لكن حاولت اخليه لك دقيق
^^^^^^^^^^
10000000+
وشرحك تمام يا فواز بس الله يهديك انت جالس توصف لاهل الدمام
هههه
يعطيكم العافية على التعزيز
والله عاد أوصف الطريق اللي أعرفه 100 % ، الطريق الثاني ما أروح له واجد فما أعرفله !!!!
حلو إستفدت أنا من الوصف الجديد
يسلمووا
Eng.Ammar
ابو دجانه
•°•أبـ فيصل ـو•°•
bblue
Alhntoshi
محمد بن سعيد
فالح ]
جزائكم الله خير… وتقبل الله منكم…
---
فواز المميز
s27xxxx
تواضع امير
الله يسعدكم يا رب
ما قصرتم والله
وربي يوفقكم دنيا واخره
اسال الله ان يلبسك ثوب العافيه
لكن من ناحية التحويل انا اخذت من مستشفى الجامعه تحويل وعلى طول اعطوني بدون تاخير وتختمها من الاستقبال علي مستشفى الملك فهد الجامعي بالخبر …لكن ماادري عن النفسيه يعطيك ولا لا. . بالرغم اني اخذت انف واذن وحنجرة من قبل دكتور عام فلا اتوقع يدقرون بالذات ان مستشفى الدمام فيه قسم نفسيه
بالعافيه للجميع
الله يلبسك ثيآب الصحة و العآفية