السلام عليكم ورحمة الله وبركاته
مساء الخير
اخواني حبيت استفسر عن شركة فيلوسي velosi
حسب ماسمعت من الشباب انها شركة متعاقده مع ارامكو طبعا , وتقوم باعمال التفتيش والفحص !!
سؤالي
احد سبق وعمل فيها مقابله , وكيف طبيعة مقابلتهم واسئلتهم , وماهي مميزات الشركة بالنسبة للمهندسيين , وهل فيها مجال للتطوير
بانتظار النشااااااما
ملاحظة :
تخصصي هندسة معمارية
فمدري كيف راح تكون طبيعة المقابله … بانتظار ارائكم ومشورتكم وياليت لو تزودونا بمعلومات عن الشركة
وحبذا لو يكون هناك من عمل مقابله معهم سابقا
الله يوفقنا واياكم لكل خير
خريج من 4 اشهر بلا وظيفه 
الله يرزقك بالوظيفه الزينه 
والجميع يارب
شكرا لك اخي الكريم
اعرف 3 شباب سعوديين فيها مو مرتاحين وما يبون يكملون فيها, شغلتها الرئيسية كواليتي كونترول واشوورانس في السفل , ميكانيكال والاليكتريكال. اغلب موظفيها من الهنود والفلبينيين. المسمى الوظيفي civil inspector,mechanical inspector الخ. من رايي انا اشوف انها افضل من الجلسة بالبيت…
مشكور اخوي ناروتو عالمعلومات
اليوم عملت المقابله وكانت دردشه , يبي يشوف مستوى الانقليزيه لا اكثر
وطبعا شغل الشركه مثل ماتفضلت
قالي خلال كم يوم بيجيني رد اذا بغوني … دعواتكم نتوظف
تعبنا جلسة بالبيت
صباح الخير وأتمنى لك التوفيق ودامك تعبت من جلسة البيت
أنصحك تتوظف مع فيلوسي وراح تكسب خبره في الانسبكشين
اعتقد إن المشروع هو اثراء بالظهران صاحب الميزانيه الخياليه 
وهو كذلك اخي بايسن في حال تم قبولي بالشركه
الله يوفقنا واياكم لكل خير
أخوك,
مبروك وعقبال الجميع بأحسن الوظائف
الله يبارك فيك ويخليك لعين ترجيك
الى الان ننتظر الرد , دعواتك يالطيب
ربي يوفقنا واياكم جميعا لما يحبه ويرضاه
بما انك هندسه معماريه جرب شركة الهوشان وstx construction
وسجل في موقع البير السابع (موقع توظيف)
وسجل في الغرف التجاريه عن طريق مواقعها وصدقني رح تكلمك شركات واجد
انا مجرب التسجيل في الغرف التجاريه من سنه تقريبا ولازالت الاتصالات تجيني الى يومك هذا بس خلاص انا الحمد لله راضي بوظيفتي الحاليه.
موفق انشاء الله
بيض الله وجهك أخي وعزيزي m.a.s
والله يكثر من امثالك
باذن الله سيتم التسجيل الان بالغرف التجاريه
لك خالص الود…
الله يكتب لك هالوظيفة وحاول تأخذ خبرة على قدر ماتقدر ولاتفكر في شي ثاني غير الخبرة
على فكرة شلون طريقة التقديم الله لايهينك
مشكور عالدعوات الطيبه
طريقة التقديم
ارسل السيفي للايميلات التاليه
بالتوفيق
هذا ايميل شركة الهوشان
info@hoshangroup.com
طالبين مدني هاليومين
وإن شاء الله انهم يبغون معماري
بالتوفيق اخوي
بارك الله فيك يابوعبدالله
تم ارسال السيفي
شباب كيف الشركة هذي
موفق
الشركة باختصار:
متعاقدة مع ارامكو
شركة انسبكشن وفحص
كويسة كالخبرة
تطوير بطيء نوعاً ما
تخبط اداري
رواتب المهندسين الفرش في حدود المعقول تقريبا فل بكج 10500
تطول على ما تروح السايت “متى ما ارامكو قالوا جيبوه”، قعدت في مقر الشركة 4 شهور قبل لا ينقلوني السايت
اتكلم لك من واقع اني اشتغلت فيها سنة ونص تقريبا
موفق,
مثل ماقال الأخ …
لكن من واقع خبره اذا عندك خيار ثاني أفضل لاتجي الشركة…
أهم يوظفون السعوديين ك متدربين ويودونهم السايت بعدها يحددون لهم مقابله مع موظفين ارامكو اذا عدو المقابلة , يكوون من متدرب الى مفتش معتمد من ارامكو ويزيد الراتب بعدها بين ١٥ بالمية الى ٢٥ بالمية … عاد يمكن تجتاز المقابلة في ٦ شهور في سنة في سنه ونص … خلالها انت موظف الشركة راتبك على الشركة لكن مجرد ماتعدي المقابلة يصير راتبك على ارامكو … وفي شخص في ادارة الشركة … وأفهم يافهيم
اي سؤال لاتتردد