هع هع
جا دور الاوريا ينصحكم الحين
الله يالدنيا سنتين وانا بالمنتدى مررووا بسسرعة
من ثاني ثنوي وانا اسئل عن الجامعة وادخل منتداها والحمدلله ربي
حقق لي طمووحي
عني انا كنت ساحب على المدرسسة سحبة غير طبيعية
شطحة … ذاكروا واتعبوا بس فلوها لان بالجامعة راح يتغير يومك الف بالمية ماعاد
فيه وقت لاي شي خاصة دوام الاوريانتيشن بالقوة تلحق مذاكرة ونوم ودوام
وبما ان القدرات مجربينه اتوقع ثلاث مرات او مرتين فعندكم خبرة فيه
لكن راح اتكلم عن التحصيلي … انا اعني اشوفه اجمل تجربة
تمزج الخوف بالدفرة بالطموح بتعب 12 سنة
اكبر غلط سويته في حياتي اني اشتركت في دورات التحصيلي
حتى كتبها ماستفدت منها
انا اذكر اني سجلت في رائز … ثلاث اسابيع ضيعت نفسي فيها اطلق شي كان عندهم
الدونات بس والباقي كله … امكن فيه ناس استفادوا لكن ماتوقع ذيك الاستفادة
لان الانجلش ماكات يعتمد على الدراسة الا بنسبة 25% والباقي على انجليزيتك
<~ لاتخافون ترا نصب الشعب داج
انا في حاجة فاتتني بسبة الدورات وهي اني اسويلي جدول واذاكر منه
انا بديت من يوم الثلاثاء الاربعاء مذاكرة الي بعد الاختبارات وانا كنت ماعرف ولا شي
حتى اني كنت اضغط على نفسي مرات ومرات اتحطم واقول 5 ايام ماتكفي بطبيعة ان
اختباري كان الاثنين … لكن كنت اذاكر مذاكرة واحد اول مرة يفتح الكتاب
( اكببر خطا ) لاني كنت ساحب بالثانوي وكملتها انا مابديت مذاكرة من بدري
الاربعاء
باليوم الاول ذاكرت الماث … وبما اني اعرف الاشياء الاساسية
مثل الاقواس والاسس والجذور … فركزت على التفاضل والتكامل
قمت الساعة 2 الظهر <~ كان عندي اخر اختبار مدرسة
بديت اركز على الاشياء الرئيسية وما احاول اني اتعممق جدا بس الاساسيات القوانين
ونمت يومها الساعة 1 بالليل
الخميس الساعة 9
قمت افطرت سميت بالله وبديت اذاكر فيزكس
والفيزكس اذكر اني ركزت على القوانين والتعاريف
و اسم القانون <~ مثل قانون نيوتن وكذا
الكيم . يوم الجمعة
الشي الوحيد الي اذكر اني استفدته من رائز
انا احب الكيم وفاهم فيها وفاهم بالكيمياء العضوية وهذا
ساعندي كثيير فالاختبار واذكر اني خلصت بدري ذاك اليوم
واخذت باقي اليوم بريك … ماذاكرت شي ثاني عشان مااتخربط
السبت والاحد … احياء *
قمت اذاكر الساعة 8 الصباح واذكر اني تعمدت اخليه اخر شي
عششان هو الوحيد الي يعتمد بشكل كبير ع الحفظ
اجمل شي سويته اني ماركزت على سنة معينة ( اعلمكم السالفة بالاخير )
لكن تركيزي كان على وظيفة الشي ومكانه وعلى الوراثة
* لاحظتم اني ماوضعت الانجلش والسبب ان الانجلش يعتمد فقط
بنسبة 25 % على القواعد و75% على لغتك <~ بس لاتخافون
ثثلاث ارباع الطلاب لغتهم ضعيفة
يوم الاختبار …
صليت الفجر افطرت روقت شوي ( لاتذاكر شي ابد ) قعدت لين ماجا وقت الاختبار
رحت للاختبار قعدت اسولف مع اخوياي وضحك الخ <~ لكسر حاجز الرهبة والقلق
دخلت الاختبار وكننت مروق لابعد حد … حسيت اني اديت
ااداء مو على قد مذاكرتي بس كنت متاكد درجتى ماراح تنزل عن 80
الاختبار ماكان كل مادة لحال الا الانجلش …
الانجلش زي ماقلت مايعتمد على مذاكرة الال بنسبة 25% الي هي قواعد
الفيز والكيم … ركزوا على القوانين لانهم راح يجيبون اسئلة
متوسطة بس تعويض مباشر اسماء القوانين مثل قانون نيوتن كولوم الخ
التعاريف برضه مهمة … 50% من الكيم كيمياء عضوية
اما الفيز اذكر انهم ركزوا على المرايا وعلى اللي عند ثبات التيار والاشياء هذيك
الماث ركزوا على الهندسة الفراغية والتفاضل واالتكامل
الاحياء … وهذا الي الي لعب في الطلاب لان كل الي جابوه من ثاني ثانوي
ولاجابو ولا شي الا مسالة ثنتين من ثالث
طلعت وبنيتي خلاص ان هذي الاجازة والي بيكتبلي
الي فيه الخير لي والحمدلله اني قدرت اخلص 12 سنة
وذاكر انهم قالو النتايج السبت لكن النتايج طلعت الجمعة المغرب
والحمدلله طلعت نتيجتي 83 عالية مقارنة بمذاكرتي وانا
ماتوقعتها من نفسي لان طموحي كان اني مانزل عن 78
طلعت من رهبة وقتها ودخلت برهبة ثانية الي هي بنقبل بالجامعة ولا لا
لكن الحمدلله نسبتي كانت مرتفعة جدا عن الافرج الي حطوه
وصدقوني نتيجة التحصيلي ورسالة القبول بالجامعة
تنسسسيك كل التعب الي تعبته
اخيرا راح اذكر اخطائي وعدة ملاحظات
**\* اكبر خطا سويته اني مابديت اذاكر من بدري**
وماكان عندي الا خمس ايام بس وخمس ايام
قليلة لشخص ذاكر عادي كيف واحد مافتح الكتاب ولايعرف شي
* التوتر والارتباك ياشباب انا من النوع القلق لدرجة ان ليلة
التحصيلي رحت مواصل وتعبان ماجاني نوم وهذا اثر على ادائي
فنصيحة نصيحة حاولوا انكم تكسرون حاجز القلق
* سماعي لكثثثير من المحبطين ادري انها اكثر كلمة تنقال
بس ماراح تحسون فيها الا لاجربتوها واتاكدوا انكم تقدرون على كل شي
الملاحظات :
* الصلاة ثم والدينكم فالجنة باذن الله قبل التوفيق في الدنيا
كنت اطفش والديني لكن والله انك ماراح تحس فيها الا لاذقت طعم
الغربة وقعدت لحالك … تبي التوفيق برهم
* المذاكرة لاتذاكر بس حق ثالث ثانوي بعضهم يقول ثالث 50 ثاني 30 اول 20
بقوله انت نصاااااااااااااااب
اذكر دفعتنا يوم الاحد ركزوا على ثالث وحنا الاثنين على ثاني والثلاثاء على اول
وثاني ثانوي فانتبهوا ولاتحاولون تسمعون للكلام هذا
* من ناحية الكتب فعليكم بكتاب تحصيل 2 و تمارينه لان فيه اشياء نسخ ولصق
انا الاشياء الي ماكنت افهمها منه ارجع لكتاب المدرسة
واذكر العيال كانوا يمدحون رام 2 لكن انا ماجربته …
* اخيرا ان شاء الله اشوفكم اوريات عندنا واستهبل عليكم 
<~ تراه مايعاني الحين ابد هههههههههههههه
ان اخطات فمني ومن الشيطان وان اصبت فمن الله وحده
واسمحولي على القصور
,
)
