أنا طاب سفمور مخلص 38 ساعة ( في ترمين )
وحاليا منزل ترم 11 ساعة وناوي أسويله دروب
تخصصي هندسة صناعية طبعا اخترتها لأني أحس إني ضايع
حاولت أجمع بين بريستيج المهندس ( عقدة حرف الميم ) و أبعد عن التقنية والقرف اللي
صاير في الكهرباء والميكانيك وأفتح لنفسي خيارات كثيرة في المستقبل
بس اكتشفت إني مستحمس بزيادة و عرفت إن معظم الناس تدخل تخصص واحد بحياتها
فقلت بختار من الحين الشي اللي بعيش معاه أحسن ما أندم بعدين
وساعد في ذلك كون الهندسة الصناعية خاوية ما لها تعريف معين أو علم معين تعلمني اياه
حاليا أفكر بتخصصين :
الأول “علوم اكتوارية” الإيجابيات :
1 - تخصص جديد بيحسسني إني مميز و بتعب فيه
2 - له اختبارات معترف فيها عالميا
3 - ممتاز من ناحية الرواتب السلبيات :
1 - بخسر 12 ساعة + الترم الحالي = ضياع أكثر من نص سنة إذا مو سنة
2 - كل مجالاته مملة وسامجة و أنا لا أرى نفسي كإنسان رسمي ونظامي
الثاني “علوم الحاسب” الإيجابيات :
1 - عمله لا يختلف في معظم بقاع الأرض
2 - بتحمس معاه كوني أقدر اطبق الأشياء اللي فيه مباشرة مع التعلم السلبيات :
1 - سمعت إن الدراسة فيه ضغط ومشاريع
2 - زحمة جداااااا مما يخوفني من الناحية الوظيفية في حال ما تميزت فيه
3 - التطور السريع الحاصل يحسسني إني بصير بلا قيمة بعد 10 سنين مثلا
تجاربي ومواصفاتي :
السلبية : أؤخر الأشياء للديد لاين وعادة ما أترك البسيط منها ، أكره الزحمة (أحب أتميز)
أعتمد على الغير لما أهمل لكن وقت الجد ما أثق بعمل الفريق
يضيق صدري من الأشياء التقنية و ما زلت أكره الكتب اللي ما فيها صور ههههه << اطلع برة الجامعة
من ناحبة البرمجة : مادة الـ ICS 103 كرهت الشق الثاني منها وما ذاكرت ما بعد الميدترم نهائيااا وجبت C
من ناحية الماث : جبت D في ماث 102 و مذاكرته ما تجاوزت 15 ساعة طول الترم ويعتبر أكثر كورس مكروه عندي
الإيجابية : حبيت ماث الأوريا ، عديت مواد الفيزيكس بسهولة ، أتحمل ضغط الدوام
أحل مشاكل الـ “applications” والكمبيوتر بسرعة
أهدافي :
1 - أبي اشتغل برة ( مو سعودي وما حبيت البيئة هنا )
2 - أبي بيئة عمل مو سامجة يعني فيه غرابة ومتعة بالشغل مو شي يضيق الصدر
3 - ما أبي أقنع الشركات في المقابلة مستقبلا بقدراتي أبي شهاداتي تدل على قوتي
4 - أبي شي يفيد المجتمع ويكون لي معنى بالحياة مو أشتغل في مصنع نفط مثلا
لكم الحرية في السب والتغزل والتقييم والضرب والنصيحة والسؤال والتحقيق
باختصار خذو حريتكم أي شي بيفيدني
والأفضل تحاولو تبعدو عن الكلام التقليدي
و حس انك تريد تخصص يفصل على مقاسك… فالهندسة الصناعية ما لها تعريف محدد و الميكانيكا مملة و هلم جرا…
تبي الفله و الوناسه و السهر و الاحتفالات… خلك لاعب كرة قدم…
انا ما اقول هالكلام استهزاء و لا سخريه…لكن يبدو ان غبر جاد و قاعد تنكت و تقول كلام ماله اي تبرير منطقي بل انت عاطفي بامتياز و ارجع لموضوعك وشف كم مره استخدمت كلمة ممل و بايخ وقرف واحب واكره و متعه…
علشان تمشي في الجامعة لازم تجتهد في المواد المكروهه و المملة قبل المواد الممتعة…
4 - أبي شي يفيد المجتمع ويكون لي معنى بالحياة مو أشتغل في مصنع نفط مثلا
ههههه طيب مصنع النفط مايفيد المجتمع مثلا !!
بالنسبة لمشكلتك اذا انت مو حاب التخصص الي انت فيه ولا تقدر تكمله ( ركز على انك ماتقدر تكمله اكثر من تحبه ولا ماتحبه ) فاطلع منه والله يوفقك في التخصص الثاني الي بتختاره سواءا علوم اكتوارية او علوم حاسب
لكن انصحك بـ علوم اكتوارية …
لعدة اسباب ( منها انت ذكرتها في موضوعك )
جديد في الجامعة ( وغالبا راح يكون فيه تساااهل كاول سنة له واول دفعه )
مطلوب عالميا
راتب ممتاز
راح تتميز فيه كثير ( لانك من النوع المحب للتميز ) وش تبغى اكثر من كذا تميز راح تكون من اوائل الطلاب الي يدرسون فيه … بعكس التخصص الثاني بتفقد هالميزة والي احس انها مهمه جدا لك
اخوي شيل من راسك فكره انك تتأخر ترم وتخسر 12 ساعه ومن هذا الكلام بسبب تغيير تخصص اهم شي تدخل تخصص 1- تحبه , 2- له مستقبل وظيفي, 3- لديك القدره على دراسته اذا توافقت هذه الثلاثه في تخصص, فتوكل على الله وحول عليه وخلينا نمسكها وحده وحده,
1-مستقبل وظيفي: بالنسبه للعلوم الاكتواريه, فاله وظيفه ومكانه وراتب مميز جدا وخاصه “في الخارج” ويعتبر هذا التخصص الاقوى في الدخل خارج السعوديه (خاصه في كندا) يبدأ من 25000 ريال شهرياً (راتب اساسي) ويصل الى 300 الف ريال سعودي طبعا زي ما انت شايف رواتب خياليه وفرص مضمونه
2- القدره: اذا كنت ضعيف في الماث والاحصاء, فانصحك من الان تغسل يدك من هذا التخصص فلا تضحك على نفسك وتدخل تخصص مميز وانت صغيف في اساسه فاذا كنت قوي في الماث فهذا شي ايجابي
3- حب التخصص: اذا كنت تحب تطبيق مهاراتك الرياضيه في اداره الاعمال فهذا التخصص المناسب لك لانك راح تستخدم الماث في حساب المخاطر والارباح و و و و
اخيراً اذا ما كنت تذاكر في ماث 102 وجبت d فهذا لا يعني انك غير قادر على دخول التخصص لان الd جاك بسبب الاهمال وليس بسبب عدم قدرتك
الله يوفقكم دنيا وآخرة وشكرا على الاهتمام
هذا الوقت قاعد أقرى كثير بالمنتديات عن الاكتوارية
بس المشكلة الحين بالثقة + الأهل
الأهل مستغربين عن الشطحة وإني بترك حرف الميم وأضيع سنة
وما زلت أحاول أقنعهم طبعا ما حد منعني لكن ضميري شوي
والثقة ما لي غير الدعاء و تشجيع الغير
بحاول أستفيد من ردك وأقول
“خليني واقعي وأدرس أشياء مكروهة عشان الفلوس دامني ما انولدت غني”
خلاص ما أبي السهر والاحتفالات ، أبي فلوس الحين
شكرا على الاهتمام
يب كنت مستعجل بالبداية ونزلت 17 وسويت دروب لين صارت 11 بسبب عدم الدراسة
ولنفس السبب يمكن أسوى دروب الترم
موقفي من الماث محايد الجبر ممتاز فيه ، الكالكولاس بحاول أطور نفسي فيه لأني سحبت عليه
و لو سويت دروب عندي خطة أراجع ماث 102 و أذاكر 201 ومادة من مواد الإدارة
اللهم امين, وياك يا رب
شوف اخوي, انا يوم جيت احول اهلي سووا لي ازعااج
يقولوا “تدخل هذه الجامعه وما تطلع مهندس؟” !!
لكن ما اهتميت بقدر اهتمامي بالتخصص اللي ابغاه
وفي الاخير انا اللي راح اتوظف مو اهلى
اذا تبغى التخصص ادخله بدون ما تسمع لكلام الناس
وفي موضوع مثبت في هذا القسم عن هذا التخصص
فيه كل شي عن التخصص
واذا حاب تنكلمني على الجوال اعطيني خبر
ما اقدر أقولك إني أحبه لكن أشوف نفسي محايد نوعا ما
بالنسبة للقدرة ما أدري إذا أنا ماكل مقلب لكن دائما كنت أعتقد إني ممتاز بالماث
الكالكولاس 102 ضعف ثقتي شوي ويا رب كلامك صح وإنها بس مسألة مذاكرة
