أخواني الأفاضل أتاني عرض وظيفي من البرنامج الوطني للإلكترونيات والضوئيات بمدينة الملك عبدالعزيز للعلوم والتقنية أريد أعرف المميزات و الحوافز المالية وكل شيء يتعلق بها علما أن الوظيفة سوف ستكون على كادر أعضاء هيئة التدريس (معيد) وعملي الحالي بالشركة السعودية للكهرباء وعند الأهل بالخرج والعرض سوف يكون بالرياض.
أيضا هل وظيفة معيد في جامعة الخرج أفضل أم معيد في مدينة الملك عبدالعزيز للعلوم والتقنية؟
أرجو من لديه أي خبرة ومعلومة عن هذه الإستفسارات ألا يبخل علينا وشكرا....
اخوي اهم شي معدلك اذا جيدجدا تتعين اكاديمي باحث بمرتبة معيد
واذا جيد تتعين بنظام عقود
الراتب مع البدلات للهندسة الكهربائية تقريبا 11500 هالراتب للمهندس فرش بدون خبرة
ومدينة الملك عبدالعزيز للعلوم والتقنية محتاجين هندسة كهربائية عدد كبير جداً
طبعا أتكلم عن الهندسة الكهربائية لان ع كلامك بشركة الكهرب اتوقع انك مهندس
طبعا اول م تتوظف يتم تدريبك لمدة ست اشهر بعدها تكون مؤهل للعمل بالمشاريع
أيضاً فيها ابتعاث لإكمال الماستر لكن بشرط إكمال سنتين لديهم ويكون فيها تقييمك ممتاز لكن حسب علمي ان إدارة الابتعاث لديهم من أسوا الإدارات كل قسم اتوقع لديهم صلاحية ابتعاث 10% من الموجودين يعني كل 100شخص يتم ترشيح عشرة ومن ثم ابتعاثهم
برضو سنويا يطلعونك دورات تدريبية
بالنسبة الدوام راح يكون من 7.30 الى 3
مقر المركز اللي بتشتغل فيه مقابل مبنى السنة التحضيرية لجامعة الملك سعود شمال طريق تركي الاول
لكن هذا مبنى خاص ببرنامج الاتصالات والإلكترونيات والضوئيات يعني مستقل
لكن يعتبر تابع للمدينة الموجودة جنوب تركي الاول اللي يفصل بينهم طريق الملك عبدالله بن عبدالعزيز
طبعا هالوصف للي م يعرف الموقع
أنا أؤيد تكون معيد في جامعة الخرج افضل بتقول ليش لان دوامها مرن متى م كانت عندك محاظرة تعطي الطلاب وتمشي لبيتك يعني تزبط جدولك مع الطلاب وتخلي الأربعاء أوف وهيك
برضو تكون قريب من اهلك بعكس المدينة تلتزم بدوام ثابت
أيضاً ابتعاث الجامعة متى م جبت قبولك تبتعث بعكس المدينة لازم يكون تقييمك ممتاز خلال سنتين
يعني تكمل ماستر وترجع للجامعة طبعا العبئ التدريسي يختلف من شهادة لأخرى
معبد بكالوريوس تدرس الطلاب معامل اتوقع معمل واحد فقط
محاضر ماستر تدرس 16ساعة أسبوعيا
دكتور 12ساعة
وكل م ارتفعت بشهادتك تقل سأعاتك وما يزيد عليها يعتبر أوفر تايم
بالنسبة الرواتب التقريبية
معيد 11500
محاضر 17000
دكتور 26000
الرواتب جميعها مع البدلات بالاضافة لسنواتوالخدمة المحسوبة ضمن فترة الابتعاث لانك مبتعث. موظف
الله يوفقك ويكتب اللي فيه خير لك
الامر راجع لك لكن معيد: بالجامعة افضل من وجهة نظري *
اخوي محمد البكيري
بالنسبه لرواتب اعضاء هيئة التدريس اللي انت ذكرتها
وش البدلات اللي انت حسبتها؟ وهل حسبت خصم التامينات 9% و الا ؟
والله م لي علم بالبدلات لكن عرفت هالكلام من زميلي محاضر باحدى الجامعات الناشئة
طبعا اللي يصير معيد بجامعة ناشئة يعطونه بدل جامعة ناشئة لين ينتهي مبنى الجامعة الجديدة
يعني المعيد تقريبا يوصل 12700 لانها جامعة جديدة
لحد يقول بطلع اكمل ماستر وارجع اقدم على وظيفة محاضر بالجامعة انا مو مؤيد لهالشي
لانك اثناء ابتعاثك تحسب لك سنوات خدمة تساعدك في زيادة الراتب اثناء انهاء البعثة
بتخسر هالزيادة يعني توظف اول شي واطلع عن طريقهم
اذكر قال ان راتب الدكتور الاساسي اول م يتوظف 22500
ولكن مع البدلات وسنوات الخدمة يوصل تقريبا 26000 قد يزيد قليلا لانها تختلف من تخصص لاخر
والسبب انه طلع ماستر ودكتوراه تقريبا 8 سنوات وتم حسابها كسنوات خدمة
أخووي أولا ماااشااء الله تباارك الله ،، ثاانياا اعذرني اني رااح اسألك بعض الأسئلة عوضاا عن اني اجاوبك وذلك لاني مااعندي علم عن المدينة ولكن في نفس الوقت احلم بااني اتوظف فيهااا … عندي كم سؤال واتمنى ماتنزعج منها …
1- متى قدمت عليها ؟ ومن وين ؟
2- متى تم الرد عليك ؟ وهل فيه اشتراطات معينه للقبول من معدل وغيره ؟
3- هل يقبلون تخصص هندسة ميكانيكية او لا ؟
وشكرا ،
^
راتب المعيد اول ما يتعين ٦٠٠٠ او ٧٠٠٠ اساسي نسيت بالضبط كم ومع البدلات مثل ما ذكرت من ١١ الى ١٢ تقريبا
ومن ناحية الدكتور الراتب الاساسي اول ما يبدآ ١٢ الف بس مع البدلات يوصل ٢٢ الى ٢٥ تقريبا
تقريبا البدلات توصل ٩٥٪ من دون بدل جامعة ناشئة
ومن ناحية صاحب الموضوع … تعتمد الشغلة على ميولك هل تفضل البحوث اكثر من التدريس ؟
لان مدينة الملك عبدالعزيز كل شغلك ابحاث وفيه احتمال يكون لك عقد تدرس فيه بجامعة الملك سعود كم كورس
واحد من الشباب جاه عرض من مدينة الملك عبدالعزيز وراح يبدا معاهم ٦ شهور بس وبعدين يبتعثونه يكمل ماستر ودكتوراه
فتاكد من الناحية هذي … يمكن تغير نظام انك لازم تجلس سنتين
و من ناحية الجامعة … فهو مجال اكاديمي بعد ما تخلص دراستك تبدا التدريس ويكون فيه عدد من البحوث مطلوبة
منك … وكل ما تزيد بحوثك يتغير مسماك الاكاديمي الى ما توصل بروفسور
طبعا يبتعثونك على طول تكمل ماجستر ودكتوارة
بالتوفيق يارب
طيب أيهما أفضل شركة الكهرباء عند الأهل أم العمل في المدينة بالرياض ؟؟؟؟
تقريبا الراتب متساوي…
والله الامر يرجع لك لكن انت حبرتنا بين معيد بالجامعة او باحث بالمدينة. او بشركة الكهرب
لكن بقولك مقارنة اللي تميز قوة خبرات القطاع الخاص
الاولى
شخص عمل في مدينة الملك عبدالعزيز للعلوم والتقنية لمدة ست سنوات وقدم بعدها على هيئة الاتصالات وتقنية المعلومات وحصل على راتب تقريبا 15الف بمالمقابل تكفلو بدراسته للماستر mba في المملكة
>>لو أني مكانه م رح اقبل العرض اقلها يزيدون راتبي وانا بدرس ع حسابي mba وانضم لبرنامج المنح الداخلية
بكون استفدت اولا من زيادة الراتب + إكمال دراستي بدفع جزء بسيط من المبلغ
شخص عمل في شركة شلمبرجير في مقرها بامريكا لمدة سنة بعدها قدم على هيئة الاتصالات اول راتب كان 24الف ما شاء الله *
جميعهم electrical engineering والاول خريج البترول والمعادن
لاحظ ان هيئة الاتصالات تعطي رواتب اعلى للقادمين من القطاع الخاص *
لكن يا أخوي مافيه مقارنة بين شلمبرجير وشركة الكهرباء هذا جانب والجانب الآخر الوضع المعيشي بالرياض أصبح مكلف و أقصد بذلك الإيجارات و خلافها !!
بمعنى لو عملنا مقارنة بين الشركة والمدينة ما التي من بينهم سوف ترجح كفتها حاليا و مستقبلا ؟
معك حق م فيه مقارنة
بالنسبة للرياض وايجاراتها ارتفعت مع ارتفاع اسعار الاراضي
اللي يسكن شمال الرياض مو زي اللي يسكن شرق لان الشمال معروفة بارتفاع أسعارها
المقارنة
ماديا العلاوة بالسنوية بالشركة اعلى من المدينة يعني بعد 5سنوات احسب كم بتوصل وقرر بنفسك
اما علميا: المدينة افضل بحيث انك تشتغل على المشاريع فيها وتتنوع المشاريع بحيث تكسب خبرة علمية وعملية بالاضافة لفرصة إكمال دراساتك العليا
برضو تستفيد من دوراتها المقدمة خريج البترول اللي حكيت عنه سابقا عمل بالمدينة له خبرة ست سنوات والآن رئيس احد الأقسام ما شاء الله
*
القرب من الأهل مهم جداً ومايحس فيه الا اللي يفقده
برأيي الطموح هو أهم عامل هنا في تحديد اختيارك, اذا تساوى الخيارين المدينه وجامعة الخرج اذاً برأيي خلك بجامعة الخرج بما ان فيها الابتعاث اللي انت تبيه + توفير مصاريف النقل للرياض والايجار والمطاعم والمشاوير الطويله بالمدينه + تشوف اهلك كل يوم وماتتغرب عنهم تعيش لحالك
بالرياض حتى تعيش مبسوط يبيلك تحسب حساب 4000 ريال شهرياً للايجار وغيره من المصاريف اللي ذكرتها لك
وش صار معك الظاهر هونت 
اذا سويت مقابلة شخصية معهم
ياليت تفيدنا عن طبيعة المقابلة والأسئلة
وفي اي قسم كانت 
ياشباب كيف طريقة التقديم على مدينة الملك عبدالعزيز ؟ وهل يقبلون هندسة ميكانيكية وكم المعدل اللي يبونه ؟