انا اقول اذا كانت مياجرك الاولى لكل المواد اقل من الافرج … فاحذف الترم … خصوصا انك ما نزلت الا 12 ساعة يعني ما فيه ذاك التأخر القوي …
وزي ماقلت استخر ربك وشاور اللي يهمهم امرك في الجامعة… ولو قالوا لك كمل فكمل وشل فكرة الحذف من رأسك … لأن الفكرة اذا كانت موجودة فتراك بتحذف عاجلا او آجلاً, بالتوفيق لك,
الله يفرجها عليك
انا اخالف الشباب اللي فوق لا تحذف الترم حتى ولو تاخذ اف في هالماده اذا وضعت هالترم قود ستاندنيج
بس كلم الدكتور بطريقه حلوه وكلم دكتور ثاني في نفس القسم خله يكلم لك دكتورك انا مره سحبت على اختبار وكلمت الدكتور وعيا لا يعيده لي بس رحت عند خوي الدكتور طبعا دكتور ثاني في نفس القسم وشكيت عليه وراح كلم لي الدكتور وعاد لي الاختبار وكان اسهل من اسئله الاختبار اللي سحبت عليه
والله يا طويل العمر اني فقدتك في الاختبار وقلت يمكن انك في آخر القاعة لكن المكتوب لابد منه
المادة زيما تعرف باقي لك فرصه في الc و d ولا تنسى البونص اللي واعدنا فيه من 5 الى عشر درجات
انت تعرف وضعك من ناحية التاخير ولو كنت مكانك ما حذفت …هات c ولا اتأخر أكثر وكلم الاستاذ اكثر انا مستغرب انه ما وافق رغم انه طيب نوعا ما
ولا يضيق صدرك وتخربها في مياجر 2 القادمة فلعلها خير لك والله يوفقك
20 % وفي يدك 80 % إذا قدرت تجيب نسبة تحقق لك درجة النجاح بالمادة (بناء على مستواك وجهدك المعتاد بدون وضع تأملات) فاستمر بالمادة أما تحس أن مجهودك العادي ما يشفع لك تجيب درجة تأهلك أنك تنجح لابد في هالحالة تتخذ احد القرارين 1- تشد حيلك وتركز عليها حتى تضمن النجاح والحصول على درجة كويسة 2- تسحب على المادة ولا تذاكرها لأنك راسب بس تلتزم بحضور الكلاسات عشان لا يجيك دي إن، وتركز بالمواد الثانية وتجيب فيها قريدات عالية إللي بدورها بتعمل لك تعويض بسبب نزول معدلك من هالمادة
حذف الترم كاملا ما أنصح فيه إذا كان مستواك طبيعي حتى الان في أغلب المواد أما إذا وضع معدلك نازل ودرجاتك هالسمستر نازلة احذف ومالك إلا هي كأفضل الحلول
قدر الله وما شاء فعل …
كلم الدكتور مره ثانيه … انشببببب له … بين له انك مهتم…
وجب لك عذر يكون صحيح مو تاليف وان شاء الله يتفهم وضعك…
واذا على انك تعدي الكورس باقي ميجر 3 والفاينل و الهومورك اللي عليه 10 بالميه
بالتوفيق
شكرا لكم شباب
شكرا على كلامكم ونصيتحكم ودعائكم ووقفتكم معي
بارك الله فيكم … ووفقكم جميعا
رحت للدكتور وبعد طول نقاش واخذ ورد وايميلات واتصالات… وترجّي وتبطّح وتسلتح
وافق أسوي ميك أب … وانتهت المشكلة الحمد لله
رغم انه صلخني بأسئلة تستهبل ! بس الحمدلله حمدا كثيرا طيبا … خلاص توبة والله ما اتعودها
… اذا مره احذف الترم