السلام عليكم ورحمة الله وبركآته …
والدي توفى يوم الاثنين المآضي الله يرحمه …
ومآ اعتقد اني اقدر ارجع أداوم إلا يوم الاحد ممكن …
المشكلة الفترة هذي زي ما تعرفون فترة مياجر فـ وش طريقة العذر …؟
( مياجر كثيره راحت علي )
ولو مثلاُ عندي ميجر يوم الأحد هل يأجلونه لي … بحكم أني مآ قدرت استعد له بسبب الوفآة ؟
أو كيف ؟ وكم هي فترة العذر …؟
يآ ليت تفصلون في الموضوع
الله يعطيكم العافيه والله لا يريكم مكروه …
وكيف الوضع بالنسبة للادفايزر ؟
أحسن الله عزاك وغفر الله لميتك
الله يرحم والدك ويسكنه فسيح جنّاته
الشباب يفيدونك أن شاء الله
الله يرحم فقيدكم ويتغمده بواسع رحمته…
انا بقولك وش صار معي وان شاء الله تستفيد…قبل حوالي 3 اسابيع توفي جدي الله يرحمه…واظطريت اغيب حوالي 3 ايام عشان اوقف مع ابوي في العزاء…
المهم يوم رجعت الجامعة جبت معي صورة شهادة الدفن ودخلت على عميد شؤون الطلاب وكلمته وحولني لادارة الطلاب او مدري وش اسمها…هناك اخدوا شهادة الوفاة وشافوها وقالوا نعطيك اكسكيوز ليوم واحد وهو يوم الدفن…قلت والايام الثانية وش اسوي فيها…قالوا كلم المدرسين وان شاء الله يتفهمون…بس النظام ما يعطي غير يوم واحد…
اخدت العدر وتوكلت على الله… 
اسف اني طولت…بس هادي هي الاجراءات…والله يوفقك ويعينك…
يوم وآحد !!!
يمكن عشآنه جدك … طيب والوالد نفس العذر !!
يوم وآحد قليييل جدآ وخصوصا عندي اختبارات راحت علي
إذا ما يعطوني الا يوم واحد راح اضطر احذف الترم ولا حول ولا قوة الا بالله !!!!
يآ رب تسهيلك يآ رب
مافيه شيء رسمي تقدر الجامعة تفيدك فيه
كل ما في الموضوع أنك تكلم مدرسينك وبس
وعاد على حسب المدرسين بعضهم يكون متفهم ويختبرك في وقت ثاني
وبعضهم ما يعطيك وجه ويقولك دبر حالك
عالعموم أحسن الله عزاك
والله يرحم فقيدكم ويسكنه فسيح جناته
إذا مرررررة ما زبطت معاك حاول تأخذ عذر طبي من مرض قوي زي العنكز أو أنفلونزا الخنازير طبعا إذا كنت واصل لأنو بيددونك أسبوع يمكن
بس صعب تمرض نفسك بالقرب من الناس اللي عندهم هذه الأمراض
لأنو عملية ظهور المرض يمكن تحدث بعد أسبوع أو اثنين من انتقال الفيروس
ُ
المهم الله ييسر لك
تبيه يدعي المرض عشان اكسكيوز 
يا صآحب الموضوع , كلمـ مدرسينك في البداية وإن شاء الله يتفهمون الوضع ويؤجلون المياجر
وحاول تآخذ عذر الوفاة بأقرب فرصة وأستغل الويكند والله يسهل أمرك .
عظم الله اجرك واحسن الله عزاك
الله يغفرله ويرحمه ويسكنه فسيح جناته
الله يوفقك ويسهل امرك ويفرج همك
عظم الله اجركم … والله يرحمه ويغفر له … والله يعينك على الطردي ورا الاقسام …
عظم الله أجرك أخوي بيبي انجنير
بالنسبة للموضوع
يا أخي وش هالجامعة اللي ما تقدر الظروف الانسانية والاجتماعية؟؟؟
طالب متوفي أبوه ونفسيته تعبانة وغير كذا بيحضر العزاء والدفن ولا يعطونه إلا يوم واحد؟؟؟؟
تبونه ما يشد عزاء أبوه ولا يحضر الدفن كرمال عيون KFUPM strict Policy !؟
قلنا أعذار طبية ومرض ما قبلتوها لانكم تبونها من العيادة وما تعطى إلا ليوم واحد
هذي وش حجتكم فيه؟
دايم تقولون في عباراتكم الجوهرية الجامعة تسعى والجامعة تهدف والجامعة تتفهم والجامعة تراعي والجامعة تهتم بمصلحة الطالب وتوفر له بئية مناسبة للدراسة والاستذكار والاستفادة من الخدمات المقدمة وما أدري إيش
ألحين الرجال يكفيه هالصدمة اللي هي موتة أبوه تقومون تصدمونه بقراراتكم
أقول لك لا تذل نفسك للدكاترة عشان اختبار
أخذها بالحق هالإجازة الاضطرارية
روح مدير شؤون الطلاب أول
ما وافق روح لعميد شؤون الطلاب ثانيا
ما وافق روح لوكيل الجامعة للشؤون الأكاديمة ثالثا
ما وافق روح لمدير الجامعة في مكتبه رابعا
ما وافق أكتب عنهم في الجرايد خلهم يعرفون وش قد هياطهم اللي فرحانين فيه بيلاقي مسخرة من الناس الثانيين
والاختبارات معوض فيها اخلص النية بس انت وربي بيوفقك
الشركات والدوائر الحكومية يأخذون أعذار إجازة عن الدوام لمدة 3 أيام لفقدان أحد من قرايبهم (أب أو أم أو أخ أو أخت أو ابن أو ابنة)
الله يكون بعونك أخوي
احسن الله عزاك وسهل امرك
ترى يوم ما يكفي اشبك انت؟
فإذا على هذه ما يقدر يأخذ إلا يوم
والا الواحد يفكر بالاساليب الملتوية
أعظم الله اجركم ياخوي ورحم الله والدك ويسر الله لك امرك …
حاول تخليهم يعطونك يوم الاحد الي فيه الميجر اجازة الوفاة (عشان تقدر تعيده ) … والباقي ماتفرق كثير اذا عندك رصيد غيابات … كلها يوم واحد الي هو السبت , ماراح ياثر عليك باذن الله
الله يجزاكم خير على تفاعلكم …
للحين مآني متأكد لما ارجع الجامعة يصير خير …
بروح لعميد شؤون الطلاب واذا كان يوم واحد راح احذف الترم والله يعوضني
والحمد لله على كل حال والله يجزاكم خير جميعا
والله لا يفجعكم باحبابكم يا رب
اذا والدك المتوفي يعطونك 3 ايام من تاريخ الوفاة …
وهالكلام من تجربة لأحد الشباب …
والله يرحمه ويغفر له …
احسن الله عزاءك ورحم ميتك
رح بشهاده الوفاة لعمادة شؤون الطلاب وصدقني راح يتفهمون وضعك لانه ابوك اللي توفى الله يرحمه
واذا مرة مرة كلم مدرسينك وانا متاكد انهم بيقدرون وضعك وورهم شهاده الوفاة
الله يسهل امرك
جزاكم الله خير …
3 أيام غير كافية للاسف …
والحمدلله أنه شبك معها الويكند وصارت 5 … يعني مضطر ارجع السبت …
ولو أنه مآ عندي ميجر كان ما رجعت الا يوم الاحد … لأن الواحد يحتاج فتره
بعد الوفاة وانتهاء العزآء … لازم فيه فتره نقاهة وتسليه للشخص
يحاول يبدا حياته من جديد ويحاول يتماشى مع حياته الجديدهـ …
يا ليت الجامعة ينظرون في هالقرار بالذات ان البعض والدهـ مو اي شي في حياته
والده = الكل × الكل … يعني 3 ايام حقت عزآ … طيب متى الواحد يحاول ينسى ويحاول
يسلي نفسه وينسى محبوبه …!!!!
لآ حول ولا قوة الا بالله …
الحمدلله على كل حال
والله يجزاكم خير يا اخواني مآ قصرتوا الله لا يريكم مكروه
^^^^^^^^^
الله يعينك حاول تواكب وضعك ووتشوف اللي تقدر عليه
كلم كل المسؤوليين اللي تقدر تكلمهم في الجامعة من أكبر رأس إلى أصغر مدرس
لعلك تطلع لعذر كويس
والله يرحمه ويدخله الجنة ويرزقكم الصبر والسلوان
احسن الله عزاك و الله يرحمه ويسكنه الجنة ويصبرك و يصبر اهلك ويعنكم
انا لله و انا اليه راجعون .