لا لا, الذي جعلني أدرس واكافح في جامعة البترول, إنه الشركات هي التي تأتي للطلاب, والشركات يريدون ويطلبون الطلاب الذين من جامعة البترول أكثر من الجامعات الثانية, واللي صاير يشهد بذلك, لكن إذا صار معدل الطالب اللي في جامعة الملك سعود شبه كامل, ومعدل طالب البترول ما جاب نصف المعدل, فأكيد أولى طالب الملك سعود, وأكيد إن جهد طالب الملك سعود أكثر,
وأخوي مهندس في جامعة الملك سعود, ومن وضعه إن كمية الدراسة متشابه لنا حنا , فالهندسة بشكل عام (يبيلها شغل), ولكن حنا ننكرف أكثر بشوي, وهذا اللي خلا طالب جامعة البترول مميز…
لا تخاف طالب البترول مميز وهذا الكلام معروف … وإذا تبي تتأكد ادخل على قسم المتخرجين وشوف التجارب واحكم … ولا يهمونك بعض الأعضاء لأن كل ردودهم سب في الجامعة لأنهم ما هم كفوا للجامعة للأسف …
اخوي اعطيك نصيحة لوجه الله لا تضيع وقتك هنا و تندم في الاخير
واذا على سالفة اننو ارامكو و سابك تفضل البترول ياخي روح جامعة من الارامكو تبعث طلابها لها
و الله انها اسهل من البترول بمراحل
للاسف سياية البترول اننو لو صعبو الاختبارات و تخرجلك عدد قليل كل سنة حتصير الجامعة من احسن الجامعات
يعني الواحد فوق انه يضيع سنة في السنة التحضيرية و هي اصلن ما لها اي فايدة غير تصفية الطلاب اخر حاجة تلاقيه تخرج بعد سنة زيادة كمان بسبب الضغط
و ذا لسة مو مقتنع اسال اي واحد لو كان بامكانه انه يحول لجامعة ممتازة في امريكا من غير ما يخسر ساعات واجد حيحول وللا لا حقلك اكيد بحول
من الي قالك ان سنة الاويا ما لها داعي
بالعكس هذا النظام احسن الانظمة في العالم
لو مافي هالنظام في هالجامعة كان كلنا تبن في الفرش من على طول دراسة جامعية بدون اي مقدمات او تهيئة
بصراحة انا استفدك كثير من مرحلة الاوريا وساعدتني اني اتخطى صعاب المرحلة الجامعية
اتفق معك ان سياسة البترول في تصعيب الاختبارات
خاطئة او خلنا نقول ما عاد تنفع في هالزمن…
اما سنة الاوريا بالعكس سنه مهمه وتختصر عليك اشياء كثيرة
واذا عالضغط والتخرج المتأخر …اثنين من عائلتي واحد متخرج من استراليا والثاني من بريطانيا
وكلهم تأخرو بالتخرج…واحد خذا سمستر زايد والثاني كملها سنه كاملة
يعني القضية مو عندنا بالبترول بس وانا اشوف انها ترجع لقدرات الطالب نفسه مو للجامعه
اشوف بعض الشباب يقولك ان الجامعه هنا غير والشركات تجيك … طيب شي طبيعي . اللان اقولك ليه …
اذا معلك 2.2 من 4 … هل الشركه فعلاً بتجي تدور عليك ؟ الشركات يجو هنا يدوروا على طلاب معدلهم 2.7 وفوق … وشي ثاني الطالب اللي يجيب في جامعه البترول 2.2 يجيب في جامعه ثانيه 4 وفوق جامعه البترول تصعب الاسئله , والشي الوحيد اللي فعلا ممكن تستفيده من الجامعه ذي هي لغتك الانجليزيه انا مابقولك اطلع ولا تكمل ومن هالكلام لكن بقولك اذا انت مرتاح ودرجاتك كويسه كمل وربنا يوفقك وقبل تسوي اي شي استخير ماعليك من كلام الناس بيجيك واحد ويقولك لو طلعت بتندم والجامعه ذي مافي غيرها … ويمكن تسمع كلامه وتوصل السنه الثالثه وبعدين ماعاد تتحمل وممكن يجيك واحد ويقولك اطلع ولا تكمل وبعدين لما تطلع بتضيع وتتخبط ولا تعرف وين تقدم ولا وش تسوي وراح تندم لذلك اقولك ماعليك في كلام الناس استخير ربك وسوي اللي تقدر عليه خصوصاً بجامعتنا , فيه ناس تكبر الجامعه بشكل مو طبيعي وبنفس الوقت فيه ناس تحطم ويقولوا الجامعه النجاح فيها مستحيل ومدري كيف
لكن كل شي بتوفيق الله , وماعليك بكلامهم للمره الاخيره , الاستخاره الاستخاره الاستخاره والله يوفقـك ياخوي …
اخواني اللي يقولون اننو السنة التحضيرية فادتهم
انا ما انفي هذا الشي بس من وجهة نظري الماث و الفزكس اللي هم اهم شي في التحضيرية المعظم او بالاحرى الكل ماخذهم بالثانوي
اخوي اولا… الاحساس بالضغط في السنة التحضيريه شيء عادي…وكلنا مرينا فيه…لكن مع الوقت بتعرف كيف تتأقلم…
ثانيا…نوعية الضغط بين الاوريا و الجبل تختلف…و احس ان اكبر ضغط في الاوريا هو الدوام الطويل و المحاضرات المملة…لكن في الجبل الضغط في شوية تحدي لك… وتحدي لذكائك و اجتهادك…بالعربي في الجبل تنضغط في اشياء تستاهل الضغط بعكس الاوريا…اتمنى ان الفكرة وصلت لك…
من ناحية الوظائف انا ما اقدر افيدك لكن اتوقع ما فيه فرق كبير…فالطالب المجتهد مرغوب مهما كانت جامعته لأن الشركات غالبا تبحث عن المهارات الشخصيه المؤهلة للعمل…اما المعرفة فهم مستعدين يقدمونها لك…
و مع احترامي للطلاب اللي يقولون الجامعة صعبة و معقده…الا اني اراها بصعوبة مقاربة للجامعات الثانية و تتفوق على الجامعات الثانية بطاقم تدريسي اتحدى ان تجد مثلة في الجامعات السعوديه…
لا تفرط بالجامعة…على الاقل خذلك ترم واحد في الجبل ثم احكم…
جامعة البترول تمثل النخبه ولها ثقل في الميزان الوظيفي وزي ماقالوا ,خش قسم الخريجيين وشوف الفرق , اذا بتكون منهم حياك الله بس له ثمن انك تكرف وفي المقابل الجامعة موفره لك كل السبل لتسهيل كرفك خخخخ
, وكل شي اصلا يبي له مذاكره حتى لو تتخصص تربيه فنيه
انت قدها وقدوود ولا تسمع للسلبيين الي يقولون صعبه ومستحيل تااخذ قريدات ,.ترى ذولا مايمثلون و مايتكلمون الا عن انفسهم , صدقني انت وانا وكل واحد غييييير عن الثاني
انا دخلت هذي الجامعة وكنت زيك اخذ نصايح خاطئه وماتمثل الا انفسهم من ناس سلبيين والمشكلة الي كان ينصحني كان عايد الماث 001 ب F حق الاوريا ومصورها انها علم الذره وانك اذا طلع ب c فأنت دافور , تدري وش صاار !! طلعت من الماث 001 بـ A
بعدها زللللب العالم وخذ نصيحتك بنفسك من تجاربكـ موب من السلبيين
ما فيه شي سهل … ركز بدراستك والباقي على ربك وخل عنك الكلام
ناس كثير يتمنون يدخلون البترول وما حصلوا الفرصه اللي بيدك الحين
شوف يا اخوي … حضورك + حل الهومووركات + المذاكره قبل الميجر = اونر
انا قرأت الموضوع وحاب اعلق ع جمله قالها صاحبنا nobleman بعد اذن صاحب الموضوع اخوي ذكر في رده للموضوع ان جامعه البترول تمتلك طاقم تدريسي من الطراز الرفيع … اتمنى ان تعيد النظر في جملتك ، وخذ ع سبيل المثال مدرسين الفيزياء في الجبل كم مدرس يستطيع ان يوصل المعلومه لنقول 3 ؟؟؟ فقط؟؟؟ من كم مدرس .!!!!اتفقنا في الفيزياء ، شوف مدرسين المآث طبعا مع الاحترام للجميع اوك طيب روح لمدرسين الانجلش الكثير منهم يتفنن في اضاعه الوقت يتفنن فن لم القى له مثيل وكأن الطلآب السعوديين مايفهمون هالحركات امثال انطونيوا الليسون ونيكولاس وغيره وغيره ولا انكر من وجود اساطير في التدريس امثال قودن مكآي الخ في التحضيري وفي الجبل هالمدرسين طبعا ـ اوك شوف بعض المواد التي وضعتها البترول والمعادن فقط لتملئ جدول الطالب في السنه التحضيريه ستدي سكلز … آسف خرجت عن الموضوع الي انا اريد التحدث عنه اتمنى ان تعيد النظر في كلمتك اخوي واعتذر للجميع ولصاحب الموضوع , وبصرآحه لو آردت ان تناقشني في انظمه الجامعه؟؟؟ والظلم الواضح والصريح لدينا في جامعتنا الموقره سوف اتعب وانا اعدد لك صرأحه ولكن؟؟ حسبي الله ونعم الوكيل على من تسبب في ذلك .شكركم ع تفاهمكم.
بس من وجهة نظري الماث و الفزكس اللي هم اهم شي في التحضيرية المعظم او بالاحرى الكل 
ماخذهم بالثانوي