السلام عليكم ورحمة الله وبركاته …
عذرا ً … لو ماكان هذا القسم المناسب لاستفساري …لكني ماشفت مكان افضل …
أبغى استخرج بطاقة صراف بنك الرياض … وعندي استفسارت :
- ايش الأوراق المطلوبة ؟
- هل فيه حد ادنى لفتح الحساب ( راح احول عليه مبلغ بعد يوم او يومين ) ؟
- تنصحوني ببنك ثاني (اخترت الرياض لأنه اقرب شي للجامعة)
-هل أقدر احول مكافأة الجامعة عليه ؟
- متى وقت دوامهم ؟
ويعطيكم الف عافية … جزاكم الله الف خير …
وعليكم السلام ورحمة الله وبركاته
تحتاج فقط بطاقة احوال + معلومات صندوق البريد اللي بالجامعة وهو رقم الصندوق والرمز البريدي
مافي ليميت معيّن للحساب او تخلّيه صفر ماحد قالك شي …
التحويل من بنك لبنك يتطلب مبلغ 30 ريال عمولة تحويل ، وفي بعض البنوك 60 ريال
ومادري هل بطاقة الطالب تسمح لك تحول لبنك خارجي ولا لا …
تحتاج تفتح حساب في بنك سامبا لو تبغى تحول من نفس المكينة بضغطة زر … وبدون رسوم
لكنه بنك سيئ جداً ولا انصحك فيه …
تقدر تسحب مكافئتك من صراف سامبا ثم تروح تسوي ايداع عن طريق صرافة بنك الرياض للايداع
ويصير تسحب ببطاقة الرياض من اي مكان …
لكن كـ ملحوظة مهمة … بنك الرياض اللي عند الجامعة مافيه صرافة ايداع …
لكن فيه بنك ثاني قريب بعد … على طريق الملك عبدالله … قبل برج الدوسري ( حق الأجهزة الالكترونية )
فيه مكينه ايداع هناك تقدر تسوي ايداع في الحساب منها …
بالتوفيق
أنا طلعت بطاقة بنك الرياض من الفرع اللي عند الجامعة ( عند ٥٤ )
لازم تجيب تعريف من الجامعة بأنك طالب من مبنى ١٧ شباك المكآفات + بطاقة الأحوال
و لا يشترط إيداع أي مبلغ ^ـ^
لا يشترط إيداع أي مبلغ ،،،
وما تقدر تحول من بطاقة الجامعة ،،،
أنا عندي بطاقة الرياض مطلعها من فرع الجامعة ،،
وزي ما قالوا الشباب ،،، إثباتك وتعريف ،، وتعرف معلومات صندوق البريد
يعطيكم الف الف عافية …
جزاكم الله الف خير …
سوال اخير … التعريف من وين اطلعه ؟؟؟
مبنى 17
شباك 5
انصحـك بالأهلـي والراجحـي
بعد اذن صاحب الموضوع ,
كم الرسوم الشهرية لبنك الرياض ؟
^^
مابه شيء اسمـه رسـوم شهـرية
ولابنـك فيه كذا (متأكـد من الراجحـي والأهلــي وسامبـا وسـاب)
جزاكم الله الف خير …وجعله في ميزان حسناتكم …
وماقصرتوا …
…(f)
الراجحي يسحب شهريا 2.75 ريال من الحساب اذا كان اقل من 1000 ريال
اهـآآ
معلـيش اجـل … ماكنـت ادري بهالشرط
الرسوم في الرياض كل 6 شهور ،،، إذا قل معدل معدل الإيداع عن 6000 ريال ،، يعني 1000 في الشهر ،،،
بس كل 6 شهور ،، يعني ممكن في الشهر الخامس مثلا تودع 5000 وانت مودع 1000 من قبل خلاص ما يسحبوا
وعليكم السلام ورحمة الله وبركاته
أنصحك ببنك سامبا، لأن مافي رسوم شهريه أو سنويه تقتطع من حسابك ويمديك تحول عليه مكافآتك من الجامعه ويوفر البنك خدمات سداد والخدمات الحكوميه. 
+1
^^^
+2
من دخلت الجامعة وانا اتعامل مع سامبا
اول سمستر كنت الراجحي عذبوني موظفين ما يعرفون اي شي بنظام البنك
فتحت بسامبا ومرتاح بضغطة زر احول المكافئة والاون لاين حقهم عسل
وفتحت محفظة اسهم ببلاش
نقطة مهمة
حاول يكون عندك حساب بنفس البنك اللي والدك يستعمله حتى لو ما كنت تاخذ منه مصروف بعض الاحيان تصير لك ظروف وتحتاج مبلغ ضروري فلو كان بنفس البنك ما تتعب الوالد انه يطلع من البيت بالتلفون او بالنت يحول لك وبدون رسوم
شكرا شباب … الحمدلله … اليوم فتحت الحساب … وراح استلم البطاقة خلال 48 ساعة …
يعطيكم الف عافية …