السلام عليكم ورحمة الله وبركاته
للي يستخدموون الغسالات ياناس احترمووا الاخريين !! ، رابع مرة واحد يشيل ملابسي من النشافة وهي مبللة والوقت ماخلص ويحطها مع ملابس واحد ثاني !!
خلاص شفت النشافة فيها ملابس غيرك وقاعده تشتغل ليه الأذيه كل هذا كسل تستنى ساعة !! والله مايصير ياشباب كلكم كبار يعني ودك اخد يطلع ملابسك وانت جالس تغسلها او تنشفها ويرميها مع ملابس غيرك؟ 
ياليت الرسالة توصل
يالله ارزقنا الحلم
من جد وقت الغسيل احس انه وقت معاااارك , كل واحد يبغى يتخلص من اللي قدامه
نصيحه :
الصبر زين
هههههههههههه
والله حالة ،، بس ترا في نشافات كثير معطوبة ، يعني يخلص العداد و هي أصلا ما نشفت الثياب!!
نصيحة / غسل آخر الليل ، أو بعد صلاة الفجر ، هذا الوقت ما فيه أحد
ولا تغسل عند الجمعية ،، الأوريا مخربين الغسالات هناك
والله انا ماغسل في هالمغاسل الا مالايزيد عن 5 مرات من دخلت الجامعه
مايمديني احط الملابس واطلع دورة المياه ولا شي تكرمون ارجع القاها فوق الغسالة ولا فوق النشافه
لكن احيانا يجي واحد كويس مره ويشيلها من الغساله للنشافه
حاليا صرت بما اني من اهل الرياض شريت لي سله وصرت اجمع ملابسي الوسخه فيها وكل مارحت الرياض رميتها على جميلة “خدامتنا” :d
الله يخليها لنا بس
^^
ههههههههه
طيب واللي له اكثر من شهر ونص ما راح لأهله , وش يسوي 
^^^^^^
ياتحمل وغسل بنفسك من المغاسل هذي بس خذ دروسك ولا خذ لك ترمس شاهي وافرش فراشك قدام الغساله عشان ماحد ياخذ ملابسك
أنا كنت اغسل ايام اختبارات الاسلامي واذاكر اسلامي جنب الغساله ههههههههههههههههههه
او كحل مؤقت غسل مستعجل بأي مغسله الملابس المهمه
^^
والله شكلها طريقه الوحيده
اجلس فوق الغساله واذاكر في نفس الوقت 
-----------
يا ليت لو الجامعه تغيير الغسلات الخربانه بغسلات جديده من النوع الامامي , ما راح تكلف ابد , واطلق غساله ب2500 ,
والله نفس الحاله وانا أخوك
مادري هل هي وقاحة والا عدم احترام للاخرين او لامبالة
لكن في الاخير بينصاد (ناويله >>>>ههههه)
^^
المشكله انه ماهو مره او مرتين , تقريبا كل مره
احس انها صارت عاده
اووووووووووووه
اثااريك انت !!
هههههههههههههههههههه
شباب يعني سؤال هو وين صيانة الجامعة المفروض في صيانة مستمره
نصيحه لوجه الله لاتترك ملابسك في الغساله او النشافه بعيده عن عينك
خلك عندها الى ماتنتهي الله يعينك كلها ساعه ونص الى ساعتين وتصبر عاد
افضل شي انك تغسل اخر الليل
علي قولة ايس موكا مالك الا كرسي جنب الغساله او نقط لنا في فرشه ومساند ( استراحه لمن عنده غسيل ) لين يخلص ملابسه تهقون لو نسوي ورقه تحث علي احترام الغير راح تنفع او نصمم بطاقات بالاسم ورقم الغرفه ومن حط ملابسه يعلق بطاقته فوق الغساله ( مكان زي التعليقه ) وش رايكم بالفكره اتوقعها بتحرج اي شخص بيجي ويطلع الملابس
+1
والله مشكلة
انا اقول في حالة ان يشيلها من الغسالة إلى النشافة هذي مو مشكلة وجزاه الله خير على هالعملة
او انه يشيلها من النشافة بعد ما نشفت الثياب هذي بعد ما فيها مشكلة
لكن يشيل الثياب من النشافة وهي مابعد نشفت الثياب فهنا تكمن المشكلة ويضهر معنى للحقد والحسد
نصيحة اخيرة: إذا جيت تغسل ثيابك خذ معك شنطة او سلة وخلها فوق الغسالة إلذ ثيابك في الغسالة او النشافة إذا ثيابك في النشافة
عشان لو جا واحد بن حلال وقرر انه يشيل الثياب يحطها في السلة او الشنطة عشان ما تتسخ مرة ثانية من سطح النشافة لأنه يمكن يكون مغبر او عليه بعض الأوساخ او يمكن يكون اوردي فيه ثياب على النشافة فيختلط الحابل بالنابل
وموفقين لكل خير
اليوم حطيت ملابسي بالغسالة ورجعت بعد ساعة لقيتهم بالنشافة وناشفين بس مافيهم قطعة نظفت!! إيش إلي صار خلال هالساعة الله أعلم!!
وعليكم السلام ورحمة الله وبركاته
أهلاً أخي ايجابي ،
سبق وان ذكروا الشباب ان الحل لجميع المشاكل بغرفة الغسيل هي بتركيب كاميرا قيمتها مع التنصيب
وكامل مستلزماتها حول 3000 ريال … معاها كمبيوتر للتسجيل وكل شي …
وهذي تعبّر عن اقل من 1% من دخل الجامعة من المخالفات لليومية …
لكن انا اشوف بصراحه اننا لابد نوفر المبلغ هذا ليوم الحاجة …
لابد اننا نترك الكسل … وكل واحد يجلس ساعة جنب ملابسه لين تتنشف …
الجامعة مو مقصره أبداً يا غالي … بس احنا نحتاج نترك الكسل شوي …
أتمنى أن تتقبل رايي بصدر رحب
هذا التصرف ينم عن قلة أدب وأنانية تامة…ما دام الغسالة أو المنشفة في وضع التشغيل ما يحق لأي أحد فتحها، فذلا عن نقل ما فيها…
+10000
اوفقك الرأي 100%