السلام عليكم ورحمة الله وبركاته
أخواني الشباب من مبدأ قول المصطفى عليه الصلاة والسلام (لايؤمن أحدكم حتى يحب لأخية مايحب لنفسه) أحببت أن تشاركوني تجربة المقابلة مع شركة شنايدر إلكتريك وحتى يستفيد منها اخواننا المتقدمين عليها .
طبعاً في بداية المقابلة المقابل راح يعرف عن نفسه (إسمه البوسيشن … ) ويخبرك في البداية عن وضع المقابلة إنها تكون 15 دقيقة وأنه راح يكون مستمع وراح تكون فيه بعض الأسئلة
المقابلة طبعاً جداً عادية (نسيت أذكر إنها بالإنجليزي ) مافيها تقريباً ولا سؤال تكنيكال ماعدا سؤال واحد كان عن الـ switchgear ماذا تعرف عنه (الواضح أنه حتى هو مايعرف عنه شي نسيت البوسيشن حقه وشو المعذرة ).
باقي الأسئلة كانت قدم نفسك و ماذا تعرف عن شنايدر إلكتريك ؟ و ماهي طموحاتك أهدافك وأمنياتك بالحياة ؟ تعرف أحد سبق أن عمل بالشركة ؟ (<<< شباب وش الهدف من السؤال هذا ؟ ) . أخر سؤال كان على شكل إستفسار قالي أنت سعودي طبعاُ ! قلت إيه قال سعودي سعودي ( وجهي صار ) مرة ثانية قلت له تحتاج البطاقة تتأكد قال لا خلاص بكفي ( <<< بالإنجليزي طبعاً بس عشان أوضح لكم جنسيته )وسأل إذا عندك مانع تنقل من مكانك ؟ عندك مانع تشتغل بالرياض ؟ تقريباً هذاي كل أسئلته
المهم شباب أنا اللي أبي أعرفه كيف وضع الشركة لمهندسين الكهرباء ؟ اللي حسيته أنهم يوظفون السعودي فقط لأجل السعودة وأنا بصراحة محتار شوي خصوصاً إني متوظف قريب من أهلي وبراتب كويس الحمد لله واللي خايف منه إنهم يكرشوني قبل الثلاث شهور وبعدها لا بلح الشام ولا عنب اليمن فاياريت تنصحوني شباب خصوصاً إني أديت المقابلة بشكل جيدجداً.
Salam.
Thanks for sharing information
.
This is an International Electric company ( Mainly in Power & Control)
It supply all kind of plants and industries with electrical devices and equipments
I don’t know alot about it and. I hope you provide us more info about training and benifit soon
But in term of experience, I beleive it’s very good for you if you want to specialize
in Power & Energy engineering
اخوي الغالي … لازم تحط في بالك عدة اشياء قبل لا تفكر … هل تنتقل لهم … أو لا
من ضمن هذه الأشياء : الراتب الأساسي - مقدار البدلات - عدد أيام الإجازة السنوية - عدد أيام العمل في الإسبوع (5 أو 6 أيام) و هل هي ثابتة أو بنظام الورديات Shifts - كم ساعة تعملون في اليوم الواحد ( من كم تداومون إلى كم تطلعون ) - طبيعة العمل نفسه - نظام البونس (إن وجد) - نظام الزيادات السنوية - سياسة التدريب (مهمة جدا) - مكان العمل … و غيرها الكثير و الكثير .
اللي أشوفه أنك إذا استلمت العرض حقهم - بإذن الله - إنك تعمل جدول مقارنة بين العرض الوظيفي الحالي اللي أنت فيه … و بين العرض الوظيفي اللي جاك من شركة (شنايدر إلكتريك)
و لا تنسى الاستخارة قبل اتخاذ القرار … و السؤال عن هذه الشركة
اليوم رجع إتصل علي اللي عمل المقابلة وقال بأني قبلت لديهم ببرنامج إسمه أتلانتس (اللي فهمته منه عن البرنامج هذا إن مدته ثلاث شهور تدريب على مختلف أقسام الشركة وكل أسبوع راح يكون فيه تقييم لأداء المتدربين) وقالي أن البرنامج راح يبدأ يوم 18 فبراير
طبعاً ماقالي شي عن الراتب وبصراحة أنا ماسئلته بس متوقع أنه راح يكون أقل من راتبي الحالي من 800 إلى 1000 ريال
فـ أنا حاب أستفسر من أصحاب الخبرة ومن اللي سبقوا عملوا لدي الشركة تنصحوني فيها أو لا ؟ خصوصاً إن المتوقع أن راتبي الحالي أعلى + قريب من الأهل + متوقع أن ساعات الدوامي الحالي أقل (8 ساعات ونصف) لكن بالنسبة للتدريب والدورات في عملي الحالي ليس بالمستوى المطلوب
أما شنايدر فحسناتهم هي الخبرة القوية وقد يكون لديهم تدريب ودورات تطوير قد تكون علي مستوى عالي أما الجانب الأخر لهم فقد يكون مظلم إلى حد ما حتى الآن وقد يكون معاكس لإجابيات عملي الحالي
ماأدري شباب تشوفون الدعوة تستاهل المغامرة إني أترك عملي الحالي بمميزاته وأنتقل للعمل بالرياض فقط لأجل الخبرة القوية ؟ أم أبقى على عملي الحالي مع العلم بأن الخبرة لدى عملي الحالي قوية لكنها ليست بقوة خبرة شنايدر
المفروض اذا عديت المقابلة وعطوك خبر انك انقبلت تقدر تناقشهم عن الراتب وتاخذ وتعطي فيه
والشيء الثاني اذكر واحد هنا وضح ان فيه شركتين متشابهات بالاسم
شنايدر الكترك وشنايدر
انتبه بارك الله فيك ومبروك مقدما والله يوفقك
شوف بالنسبه الى الانتقال من شركه الى اخرى الفلوس ماهي المهمه بس , عندك زي ماقلت القرب والبعد والراحه عدد ساعات الدوام والاهم الخبره المكتسبه من الشركه وش هي بالضبط … انت ماعليك اذا كانت الشركه الفلانيه تسمع ان خبرتها قويه ومن الكلام الفاضي هذا, اهم شيء انت وش تبي؟؟؟
اسأل عن مجال خبرتك في الشركه,يعني خبرتك وش بتكون فيه بالضبط , هل لخبرتك مجال بعدين وبتحصل فرص ومميزات كبيره او لا هذي اللي المفروض تسأل عنها خصوصا اذا بتنتقل لشركه الفرق في المميزات بسيط زي ماقلت 1000 ريال فرق بالراتب
الخبره واكتسابها ومقدار امتيازك فيها يعتمد عليك انت بس ماهو على الشركه, حتى لو كانت شركه جباره
بالنسبه للشركات الاجنبيه ايوه توظيفها كلها سعوده والا وش تبي في زيادة المصاريف وتوظيف السعوديين اذا بيفيدون, بيفيدون ابناء بلدهم والا لا؟ الدوله فارضه عليهم الشيء هذا
بس انت ماعليك ,اهم شيء انك تستفيد من قعدتك معهم اقل شيء سنتين عشان تأخذ خبره محترمه (وهذا الكلام ينطبق على اي شركه) لأنك لو ماستفدت عندهم ,هم مستفيدين لانك ساعدتهم في السعوده…
المهم الله يوفقك ويكتب لك الخير
ايوه … غريبه قبلوك وماناقشت معهم الراتب والمميزات ولا ارسلوا لك عرض وظيفي, هذا اشياء مهمه ولازم تناقشها معهم قبل توقيع العقد لأن جوابك بالقبول او الرفض يعتمد على الشيء هذا
انا اللي سمعته عن طريق واحد من زملائي هو خريج هندسه كهرباء و يعمل حالياً في شركه شنايدر إلكتريك يقول انهم يهتمون بخريجين البترول من ناحيه التوظيف في البدايه يكون في برنامج تدريب 6 اشهر و بعدين يوظفونك في احد اقسام الكهرباء و بصراحه يمدح بالشركه من ناحيه الراتب و يقول عندهم بونس سنوي و زياده سنويه بالاضافه لتأمين صحي و تأمين على السيارة يعطون دورات تدريبه خارج المملكه و من ناحيه الخبرة يقول انه استفاد كثير والحين ما عاد فيه دوام الخميس.
والله يوفقنا وياكم لما فيه الخير
)وسأل إذا عندك مانع تنقل من مكانك ؟ عندك مانع تشتغل بالرياض ؟ تقريباً هذاي كل أسئلته
I hope you provide us more info about training and benifit soon
و الله يوفقك ،،
(اللي فهمته منه عن البرنامج هذا إن مدته ثلاث شهور تدريب على مختلف أقسام الشركة وكل أسبوع راح يكون فيه تقييم لأداء المتدربين) وقالي أن البرنامج راح يبدأ يوم 18 فبراير