السلام عليكم
كما في العنوان
وش رايكم بالشركة للمهندسين
تخصصي هندسة صناعية
اتكلم عن وظيفة بالادارة مو المصنع
كيف التطوير والتدريب عندهم و بيئة العمل
واخيرا بالنسبة للمهندسيين الصناعيين وش رايكم بالتوجه للعمل في هالمجال ؟
مشكورين مسبقاً
أهلا أخي العزيز أنا كمان كلموني يوم الثلاثاء أو الأثنين اللي راح ماني فاكر…بس كنت بعزاء أحد الأقرباء فما رديت
أنا الرقم اللي كلمني من الرياض…بس أنا من الشرقية و ما ودي أروح الرياض أو الخرج! ممكن تقول لي وين مكان الوظيفة اللي عرضوها عليك؟! على فكرة ترى شركة دانون قوية و لها فروع في جميع أوربا
بالتوفيق
كلموني بعد بس ما اخذت معاهم كثير مثل kfupm boy ما ودي بالرياض
غالبا بيكون البوزيشن : Demand Planner
تشتغل شغل ال 402
واحد من الشباب سوا انترفيو من قبل يقول سواليف وسهالااااات
بيسألونك عن التخصص وكذا يعني سو مراجعة بسيطة قبل
كيف التقديم عليهم ؟
اخوي انا بالنسبة لي اتكلم عن مصنعهم بالخرج
البيئة فيه جيدة و يوحي لك بأنها شركة محترمة
الشركة عبارة عن تحالف بين الصافي و شركة دانون الفرنسية و على حد علمي يوجد اسكان بالخرج
اما الادارة الله أعلم!!
انا اتدربت عندهم بالمصنع اللي بالخرج
بصراحه الصافي كشركة موش ولا بد لكن دانون مصنعها عالي الدقه وكل اللي فيه اقل واحد دبلوم
طبعاً يعتمد قبل اي شيء على البوزيشن اللي بيعطونك اياه
ويوجد إسكان فيها لكن ما ادري هل يعطون بسرعه والا يسون قلق بخصوص ان الاجانب لهم هيبة هناك
انا كلموني قبل فتره… اللي فهمته ان الوظيفه تحت الـ hr
انا كلموني قالوا فيه عدة وظائف شاغرة
رحت سويت كم مقابلة وكانت ممتازة ولله الحمد وطلبوني لوظيفة وحتى الان يكلموني ويعطون بعض المغريات ممكن اذكرها بوقت لاحق
مثل ما ذكر " دكتور / مجنون " الوظيفة تحت الـ HR
الوظيفة في الحقيقة MIS
انا حريص على الشغل يكون في مجال التخصص فكنت مستغرب منهم لكن مع الاخذ والرد ومع الاسئلة فهمت منهم انهم يعملون بفكرة الـ HR مو بالمفهوم التقليدي لكن عندهم الـ HR يعملون كـ Business Partner مع كل اقسام الشركة
ايضا عندهم في القسم تقريبا 8 مهندسين كلهم صناعيين أو جلّهم …
وانا قابلت بعضهم في المقابلات …
جاهم قبل سنتين مدير جديد للـ HR كان في صافولا وهو مهندس كيميائي معاه ماستر هندسة صناعية ومعاه MBA والرجل عنده خبرة كبيرة جدا فمن جاء موظف 15 نصهم مهندسين في الـ HR
الشركة قريبة مني والبكج جيد
وش رايكم ؟
خصوصا في مستقبل الـ HR اذا احد عنده خبرة …
على فكرة الشركة multinational وفيها 30 جنسية تقريبا
هي شراكة بين الصافي ودانون الفرنسية ودانون هي اللي تدير الشركة
هل عندهم وظائف في الشرقية أخوي؟!
طيب وش رايكم وش افضل هي والا المراعي والا نادك ؟
واللي يعرف شي عن وظيفة qbd بالمراعي يا ليت يفيدنا
واللي اسمعه ان البكج للثلاث شركات هذي حول 11 وبعضهم يطلعونك انتدابات مدري الكلام صحيح او لا