السلام عليكم
اخواني وش هو افضل بنك بالنسبة لي كطالب جامعي من حيث الرسوم والحد الادنى والخدمات
يعني ابغى بنك خدماته جيده ورسومه قليله والحد الادنى تبعه قليل
طبعا الغرض من الحساب هو ايداع نقود وصرفها وقد احتاج للتحويل لان حساب الجامعه محدود جدا 
ياريت تتحفونا بخبراتكم واي البنوك تفضلون وكم هي رسومها المبدئية والشهرية 
وكمان وش هي شروط عمل حساب ؟؟
وشكرا لكم
انا عندي ساب … وزي مانتا شايف … فرعه قدام الجامعة على طول
وما ادفع رسوم شهرية … والرسوم المبدأية … ما اذكر والله … لكن اعتقد خمسين ريال … لاحظ اني قلت ما اذكر … والحد الأدنى ما اعتقد في … لأنه في حسابي الحين ٠.٦٠ هللة ههههههههههههههه ولا قفلوه 
بنك بطل
السلام عليكم
أخوي افضل بنك بنك الاهلي عنده عرض لطلاب الجامعة اسمه “عالمي”
يعطيك بطاقة صراف + بطاقة ماستر كارد مسبقة الدفع وكله مجانا
بس خذ معك بطاقة الجامعة + ورقة البريد الخضراء"غير مهمة "
ملاحظة: قد يطلب منك 100 لبطاقة ماستر كارد رسوم الشحن " عن طريق ارامكس"
غير ال100 لا تدفع شي لان رسوم الاصدار مجانية حتى لو قلك غير كذا الموظف
وحتى ال 100 حقة الشحن اذا تبغاها تجيك عن طريق البريد السعودي راح يكون الشحن بلاش >>ما انصحك
وعليكم السلام ورحمة الله وبركاته
الانماء حلو ، فيزا مع صراف ، مجاناً واسلامي ، بس يعيبه فروعه قليله جداً … ومافي شي قريب من الجامعة
أفضل شي بالنسبة لك ، الرياض و ساب والاهلي لأنهم اقرب بنوك لك
شوف بأقولك حاجة أنا أفضل الراجحي وأرى أنه أفضل بنك في السعودية والسبب بسيط … انتشار بنوكه وفروعه في كل مكان … يعني تخيل فيه فرعين ما يبعد بينها إلا بضعة كيلو مترات واحد في الشارع التجاري والآخر بعد أشارة تويوتا … بعدين صرافاته في كل مكان وهذا من أهم النقاط عندي … الشيء الثالث إمكانية إيداع مبلغ نقدي مباشرة من مكينة الصراف الآلي وهذي مهمة جداً جداً بالنسبة لي … بيعارضني الكثير من ناحية البنك الراجحي وأقولهم أنهم على حق وأن سلبياته كثير لكن بصراحة أنا أقدر اتأقلم مع سلبياته لكن لا أستطيع التخلي عن إيجابياته … السلبية اللي أراها فيه هي أن إصدار بطاقة رسومه 75 ريال بعكس البنوك الأخرى (بلاش) والشيء الآخر هو أنهم يسحبون 2.5 كل شهر إذا ما أودعت مبلغ في الألف أو الألفين ماني متأكد … غيرها لا أرى له أي سلبية …
البنك الثاني هو الأهلي … أرى أنه من أفضل البنوك حالياً وإصدار البطاقة مجاناً
البنك الثالث سامبا … يعني اللي أعرفه أنه يمديك تحول مكافأتك على صرافة سامبا من الصرافه على طول … وهي خدمة مهمة لأغلب الطلاب … لكن أنا عن نفسي اسحب المكافأة وأروح لبنك الراجحي اللي في الشارع التجاري أو اللي بعد إشارة تويوتا وأودعها …
أمر أخير ما فيه حد أدنى … وشروط عمل الحساب هي هويتك فقط ومبلغ 75 ريال … بس يخلصونها لك في نصف ساعة …
الأهلي تسجل في موقعهم ثم تروح تقطع البطاقة مجاناً … فرعهم في الشارع التجاري
سامبا أيضاً مجاناً … فرعهم عند أسواق المزرعة
والله عرض إبداااااااااااااااااااااااع
وبصراحة أشوف السعب كلهم كنسلوا الراجحي واتجهوا للأهلي لكن ما ألومهم
الراجحي ، أولاً لأن كثير من الناس معهم الراجحي فـ بترتاح بالتحويلات وكذا
وفروعه بالخبر كثيرة ومنها فرع بالدوحة …
ما أعتقد فيه حد أدنى ، وأما عن الرسوم المبدئية 75 ريال
وأما الرسوم الشهرية فـ غالباً ما يأخذون وإن أخذوا بس 2.50
وما فيه أي شروط لعمل حساب أبد ،
سامبا عشان ميزة التحويل المباشر من حساب المكافأة الى الحساب الجاري
حسب تجربتي مع 4 بنوك …
البنك الاهلي سيء جدا ولا تغرك عروضه …
الرياض ساب سامبا … اتوقع انهم افضل السيء
الموضوع يتكرر دائما في المنتدى وتجارب الأعضاء تختلف كالعادة
إبحث في المواضيع القديمة وبتلقى معلومات أكثر عن هذا الموضوع
وأنصحك بسامبا ((فقط)) عشان تحول الرصيد مباشرة من حساب الطالب إلى الحساب الشخصي حتى تتاح لك كافة المميزات للحساب
افضل انو يكون عند الطالب حساب في سامبا، عشان تحول المكافأة الى حسابك في سامبا
زي الويك اند هذا، صراف الجمعية و صراف اكواب ما يصرفو، حولت المكافأة على حسابي سامبا و سحبت من اي صراف برا الجامعة
و شوفلك اي بنك ثاني ترتاحلو، و شوف كلام الشباب اللي هنا
====================
الشيء الثالث إمكانية إيداع مبلغ نقدي مباشرة من مكينة الصراف الآلي وهذي مهمة جداً جداً بالنسبة لي
اعتقد اغلب البنوك اذا ما كانت كلها فيها ذي الخدمة
و تكون بس في الصرافات اللي عند الفروع
سآمبآ
1- تحول المكافئة لحسابك الشخصي
2- نقطه مهمه جدآ …
ساممبا عدد عملائه قليل مقارنه بـ الراجحي , فتشوف تعاملهم معاك ممتآز 
+
تلاقيه فاضي على عكس الراجحي 
انا مرتاح مع الراجحي …عشان التحويلات الخارجيه تجي بسهوله <<نقطه مهمه
وكل الي اعرفهم معهم الراجحي
اول شي تشوفه هو المصدر الثاني لدخلك غير المكافأة يستعمل اي بنك
سواء كان الوالد او اي شخص اخر لانه كذا بتريحه كثير و وقت الازمات اللي يبعدها عنك على طول راح يوصلك المبلغ وبدون رسوم او تعب
وثاني شي تشوف اللي يخدمك انت كطالب
انا استعمل سامبا كحساب رئيسي
والراجحي كحساب توفير + الفيزا المسبقة الدفع حقتهم كويسة
فشوف انت وش وضعك وقرر
أفضل سامبا لعدة أسباب
١- تحويل المكافأة على الحساب من الصراف
٢- موجود فرعين قريبة و هيا فرع في ارامكو و فرع في الدوحة
٣- خدمة العملاء عندهم راقية
^
^
+1
ماعندي أي خبرهـ بأي بنك غير الراجحي …
كل الي أقدر أقوله ابعد عن الراجحي ، صحيح خدماته كويسه ومنتشر ، لكن زحمة
إلا اذا بتفتح حساب تميز 
، يقولون لك طويل العمر ويعطوك شاي كل مارحت لهم هههههه
سامبا أقرب الحلول عشان تصير تقدر تحول بينه وبين حسابك الجامعي
بالتوفيق
طيب سامبا اذا قل الرصيد عن 1000 ريال … يأخذون ضريبة ؟
لا ما يأخذ شيء
الراجحي يأخذ عمولة (2.5 ريال على ما أظن) إذا قل الرصيد عن ال 5000 ريال !
البــنوك زي بعــض (الراجحـي وسامبا والأهلـي)
ونصـيحتي خـذ من البنـك اللي أمـك وأبـوك فاتحـين فيه <<<عشان التحويلات