السلام عليكم ياشعب
انا جاني اتصال من الشركة المذكورة (زجاج جارديان) للمقابلة الشخصية تخصص هندسة كيميائية.
فياليت اي احد عنده اي معلومات عن الشركة (موقعها,ميزاتها) او اي واحد سوى مقابلة معهم يفيدنا عن طبيعة المقابلة والاسئلة.
ارجو الافادة ياشبااااااااااااااااااااب
اهلا وسهلا
المقابلة عبارة عن 3 مقابلات الاولى مع واحد سعودي عادية والثانية مع هندي عادية واهم مقابلة الثالثة كلها اسئلة تكنيكال وانصح تراجع مواد الهيت اكشينجر والسيبيريشن يسألك واجد فيها وخلك واثق من اجاباتك حتى لو خطا لايحس فيك انك متردد على فكرة ترى الهندي اخلاقه زفت للمعلومية بس انت خلك واثق من نفسك وبالتوفيق لك
مشكووور وماقصرت على المعلومات ياأخ yousef-88 ,كلامك يدل انك مسوي المقابلة من فترة بسيطة ^_^,وبالنسبة للمقابلات هل هي كلها في وقت واحد ولا لا؟
نعم كلها في وقت واحد ركز على اخر مقابلة انت بس وراجع الي كتبته فوق صح نسيت بيسالك بعد في السينير بروجيكت من الاسئلة الي اذكرها ارسم الشيل هيت اكشينجير واشرح كيف يعمل وانواع الديستليشن وانواع الترايس مع شرح بسيط هذا الي اقدر اخدمك فيه اخوي موفق ان شاء الله
مشكووور وماقصرت…صراحة افدتني كثير,الله يوليك العافية
ويعافيك خيي
الله يوفقك اخوي في مقابلتك
مالهم رابط الواحد يرسل لهم لاني شايف ما شاء الله الشركه عالميه ومافيه ايميل معين نرسل له السفيات؟
اخوي كونان انا شكلي مقدم على الشركة من يوم المهنة مش من الموقع
ويش صار على مقابلتك 4u
مقابلتي يوم الاربعاء ان شاء الله
ايش سار معك اخوي ؟
هلا فيكم
قابلوني شخصين الاول سعودي والثاني هندي (production engineer),المقابلة الاولى كانت مع السعودي عبارة عن سوالف واسئلة شخصية, الثانية كانت مع الهندي وتطرق فيها عن التخصص اشوي وعن المواد اللي تحبها واللي ماتحبها وعن الهيت ترانسفر والسيبريشن بروسس. بس الغريب المضحك انه خذ الترانسكريبت حقي شاف اني دارس مادة الحقوق IAS 322 (هيومن رايتس )وقالي يالله تكلم عنها (هنا عاد ام البلشة…>>>ياخي ايش يترجم هاذي المادة بالانجليزي ^_^) واللي عرفته عن الشركة انه مجالها اوبريشن بحت يعني مافيها ديزاينيق…هذا اللي صار معي تقريبا … بس نقعوني من 9:30 الى 11:15 
كم الراتب البيسك للفريش؟
وايش هيا المميزات والبدلات
بالتوفيق