أمس عملت مقابله مع سابك في المبنى الرئيسي بحي الفناتير.
طبعا تخصصي Computer Science
في البدايه توجهت للمبنى ودخلت عن طريق مكتب الزوار بعد ما شيكوا على اسمي, توجهت لإدارة التوظيف في الدور الأرضي. رحبوا فيني بحرارة واخذوا مني صور لكل أوراقي من شهادات وخلافه واعطوني نموذج توظيف عشان اعبيه وطلبوا مني الانتظار في غرفة الانتظار. في هالوقت بدأ توافد الأشخاص اللي راح يقابلونا وبدوا يدخلون الغرف وكل اللي بالغرفه مترقبين بخوف وقلق وتوتر
بعد كذا جا مسؤول التوظيف وناداني (اول واحد). ودخلت غرفة المقابله وكان فيها 4 أشخاص.
كانت المقابله حبيه وخفيفه وما اعتقد انها تجاوزت النصف ساعه أغلبها كانت عن عن الأمور الشخصية ومحاولة معرفة ردود فعل تجاه الأحداث. ايضا سالوا عن نقاط القوه والضعف والمهارات وغيرها. بالاضافه الى مشروع التخرج وفترة تدريب ال COOP
بعدها سالوني بعض الاسئله التقنيه اتضح لي من خلالها انهم يبون يعرفون أنسب مكان لي في الاداره.
بعد كذا خرجت من المقابله وجاني مسؤول التوظيف وقالي اروح ل(المركز الاوروبي للغات والتدريب بالجبيل) عشان اختبر اختبار تحديد مستوى اللغه الانجليزيه وكان عباره عن 3 أقسام Writing - Listening - Grammar .
الان وصلنا للحته المهمه بالنسبه لي
للمجربين, ما هو دور اختبار اللغه في تحديد القرار بخصوص التوظيف؟
السؤال الاخر, متى راح يتصلون علي عشان يبلغوني بقرارهم؟
الهدف انهم يعرفون اذا تعرف انقليزي او لا بكل بساطة لابد عشان تدخل سابك يكون مستواك في الانقلش على الاقل لفل 3 …واذا انت خريج بترول بتحقق بالاختبار لفل 5 او 6 وهو اعلى لفل في سابك … واذا انت مرة مو حول الانجلش بتطلع بـ لفل 4 فلا تقلق الاختبار سهالة وزي اختبارات الاوريا اذا ماكان اسهل
مرة يقولون خريجي البترول وأمريكا مايحتاج يمتحنون ومرة يمتحنونهم من باب مع الخيل ياشقرا!
العادة انهم يمتحوننك قبل الدخول للمقابلة وبناء عليه تتحدد امكانية دخولك للمقابلة.
طبعا اول مرة اسمع ان فيه احد امتحنوه بعد المقابلة!
بخصوص الامتحان فهو إن شاء الله تعالى سهل بالنسبة لخريجي البترول.
القرامر كله اختيارات ومستواه اعتبره عادي (بس مايضر لو تذاكر p: )
الليسننق مثل الجامعة من زمان: يجيبونلك كلمات واختر الكلمة اللي سمعتها والمناسبة طبعا لسياق الجملة. الجملة يا تكون منفصلة ( يعني كل سؤال بجملة) أو ضمن قطعة…الخ*
ذاكر من باب الإحتياط :)) بس إن شاء الله ناجح. أغلب خريجي البترول وأمريكا يجيبون المستوى الخامس وهو أعلى من المطلوب
يا أخوان شكلكم ما فهمتوني. انا اختبرت الانجليزي مباشرة بعد المقابله في نفس اليوم. والاسئله مثل ما ذكرتوها بالضبط. مع اني مش خريج البترول لكني اشوفها سهله خصوصا الاستماع والكتابة نوعا ما. الجرامر لا باس فيه لكن يحتاج (مراجعه) لا أقل ولا أكثر وأحس اني جبت فيه العيد نوعا ما خصوصا ان الاختيارات متقاربه.
بوشخاط
ما عندي فكره عن ال Support يا ليت تعطيني فكره اوسع عن هالموضوع والوظائف
انا طلبوا مني اروح للفناتير لان مكتب التوظيف هناك والمقابلات تكون هناك, فأتوقع الكل او الاغلبيه يروحون هناك لكن ما ادري
مادام إختبروك إنجلش معناها بيشيكون على مستواك إذا عديت ليفيل 3 خلاص بياخذونك
بالنسبة لكون المقابلة في مبنى الفناتير فهذا شي عادي كون إدارة التوظيف مقرها هناك والأصل إن كل المقابلات تتم هناك سواء كانوا بيوظفونك بسابك أو الشركات التابعة بس بعض الأحيان لظروف عمل مسئول الشركة ياخذونك تسوي المقابلة عنده
طبعا العرض بيقدمونه إذا هم وافقوا عليك بعد ماتجي نتيجة الإمتحان والسالفة عادة ماتطول (من أسبوع ل10 أيام) بس إجراءات روتينية تاخذ مسارها الطبيعي
انا تمت مقابلتي من شهرين تقريباً , خريج ماستر it , و اتوقع اني اديت بشكل جيد جداً في المقابلة …
قالوا اسبوعين بالكثير نرد عليك سواءاً ايه او لأ … و دقيت عليهم اكثر من مرة و عشرين ألف ايميل والى يومك هذا لاحس ولا خبر!!
اليوم جانا موظف جديد مسوين معاه مقابلة بشهر أكتوبر 2011 ولا أرسلوا له العرض الا قبل اسبوعين بس!! اتوقع الأمر طبيعي . اتكلوا على الله وإن شاء الله كل أموركم تتيسر والله يوفقكم وايانا وجميع المسلمين
