اخواني موضوعي وموضوعكم هذا يهمنا جميعا سواء اللي خذوا تدريب واللي مقبلين على التدريب سواء الصيفي أو التعاوني (Summer trainnig/ Coop) فأرجو من الجميع المشاركه والتفاعل
احب نناقش الموضوع من عدة جوانب اهمها
بالنسبة للي تدربوا :
*اسم الشركة اللي تدربت فيها؟
*هل تدربت على الشي اللي درسته؟
*هل استمتعت في التدريب او ممل او متعب؟
*كيف تقيمك للتدريب بشكل عام ؟
*ماهي ابرز الصعوبات اللي واجهتك؟
*نصائح او توجيهات او اقتراحات للي مقلبين ع التدريب ؟
للي ماتدربوا :
*وش تطمح في التدريب يعني وش تتوقع من الشركة اللي تدربك ؟
*وش افضل الشركات اللي ودك تتدرب فيها… ؟
ملحوظة مني: قد يكون التدريب مفتاحك للوظيفة في مكان تدريبك فأحسن اختيار المكان وأرهم من نفسك خيرا.
*وش تطمح في التدريب يعني وش تتوقع من الشركة اللي تدربك ؟
ما عندي خلفية عن الموضوع، لكن بشكل عام أتمنى أن يكون في البداية شرح مفصل لسير العمل ثم تسند لي مهام في مجال تخصصي (تساعدني على فهم التخصص)
*وش افضل الشركات اللي ودك تتدرب فيها… ؟
أرامكوا - سابك - شركة الكهرباء - ولو حصل شركة إتصالات ما نقول لا
*اسم الشركة اللي تدربت فيها؟ الشركة الوطنية لصناعة البسكويت والحلويات (تيشوب والبطل) سنة 2008
*هل تدربت على الشي اللي درسته؟ لا كان عملي في ادارة المشتريات لكن ما كنت اسوي شي بسبب ان عملهم روتيني جدا وكله طلبيات وكل شخص مسؤول عن شغله … اشتغلت بس اشياء بسيطة
*هل استمتعت في التدريب او ممل او متعب؟ ممل جدا
*كيف تقيمك للتدريب بشكل عام ؟ انا استغليت وقتي بالشغل على الريبورت وكانت التجربة عادية*ماهي ابرز الصعوبات اللي واجهتك؟ ما في صعوبات
*نصائح او توجيهات او اقتراحات للي مقلبين ع التدريب ؟ غالبا لا تتوقع انك بتحصل شركة مثالية الا ما ندر … نسبة كبيرة منهم تروح عندهم وتتسدح ولا تسوي شي ولا تتوقع ان اللي درسته بتقدر تطبقه على ارض الواقع ولكن في الاخير يعتمد عليك وعلى مدى قدرتك على ربط العمل بما درسته سابقا
ميكانيكال
*وش تطمح في التدريب يعني وش تتوقع من الشركة اللي تدربك ؟
أن تكون في الرياض و من جد يصير تدريب ماهوب تسليك
*وش افضل الشركات اللي ودك تتدرب فيها… ؟
ما عندي مشكله في اي شركة
*اسم الشركة اللي تدربت فيها؟
أرامكو السعودية - قسم عقود المقاولين - يوليو 2009 - فبراير 2010
*هل تدربت على الشي اللي درسته؟
تخصصي يسمح لي بأن أعمل في أشياء ليس لها علاقة مباشرة بما درسته، وأحاول الربط بين كل مادرسته من مواد لأطبقه على أرض الواقع
*هل استمتعت في التدريب او ممل او متعب؟
بالنسبة لي، كان الدوام من سبعة الصبح إلى أربعة العصر، ممل من ناحية كثرة الالتزامات بسبب نقص في عدد الموظفين… وتأتي بعض الأوقات أجد فيها المتعة.
*كيف تقيمك للتدريب بشكل عام ؟
تقييم بشكل، استفدت كثيرا من التدريب التعاوني بحيث تعرفت على طبيعة عمل الشركات بعد ماكنا عايشيين مابين نظرية وأخرى وإثباتها ونفيها… تعلمت كيف أقدم العروض وأشرح للمقاولين مع الشركة… كيف استخدم الايميل وكيف أرد على الاستفسارات وهذا ساعدني كثييير أول مابدأت وظيفتي الحالية.
*ماهي ابرز الصعوبات اللي واجهتك؟
أبرز الصعوبات وتقريبا هي موجودة ومستمرة مع أغلب الشركات، لاتوجد خطة واضحة يقدر الطالب يمشي عليها ويعرف إلى أين هو متجه.
*نصائح او توجيهات او اقتراحات للي مقلبين ع التدريب ؟
حاول أن تطبق ماتعلمته…
تعامل التدريب التعاوني كما لو أنك موظف… صدقني راح تفيدك التجربة في المقابلات الشخصية وراح يسألونك وش اللي سويته في الكو أب
أيضا لاتأجل كتابة التقرير إلى النهاية، فهذا سيزعجك كثيرا كثيرا…
أحد مفاتيح التعلم وصقل الموهبة " السؤال " اسأل ولاتستحي وتقول ماحد راح يسمع وجهة نظري، أنت سووي اللي عليك وراح تجد النتائج المفرحة عاجلا أم آجلا.
شكرا أخوي على طرحك للموضوع، وخليتنا نرجع لذكريات الكو أب…