السلام عليكم ورحمة الله وبركاته
سبب احتاج رايكم انا حالياً موظف بسكيكو (الكهرباء) بوظيفية مكتبية بعيده شوي عن مجال التخصص وجاني عرض عمل بالمستشفى العسكري بالرياض تشغيل ذاتي كمساعد مهندس ميكانيكي برتب يزيد بحدود 4000 ريال عن راتب سكيكو
ابي رايكم واذا احد يعرف اي شيء عن المستشفى العسكري او عن التشغيل الذاتي
مشكوريين
التشغيل الذاتي مصطلح طلع جديد في المستشفيات واعتقد يقصد فيه تشغيل القطاع معين بشكل ذاتي بدل الاعتماد على مقاول بعقد.
المستشفيات العسكرية بشكل عام معروفة انها افضل مشتشفيات الحكومة.
بالنسبة لك كل مكانيكي ما اعرف عن التكوير حقهم بس اكيد راحة بس الدوام من 7-4
اذا 4 الاف زيادة على راتب سكيكو ( البدلات+الاساسي) فالوضع اغراااااء الا اذا انت مرتاح مره معهم ولا تبي الرياض.
اعتقد عيب الحكومة بشكل عام ان كل حد معيد في الترقيات وراتبك بوقف فياريت تشوف الحد الاعلى لرواتب للمستشفى
موفقين
اشكر لك ردك بالنسبة للدوم نفس الكهرباء ٨ ساعات من ٨ الى ٤ وكل الوظيفيتين بالرياض سكيكو والعسكري وهي بعيده عن السلم الحكومي لهم سلم خاص
واكرر شكري لك على الرد
الله يوفقك يا غالي 
بس حبيت أنبهك على شغلة مهمة … صحيح إن 4000 ريال مبلغ ماهو بسهل … فلو تحسب فرق الراتبين (على مدار عام كامل) يطلع 4000 × 12 = 48000 رس !!
من جهة ثانية … قارن طبيعة العمل هنا و هناك … ترى المستشفيات لها خصوصية تختلف عن بقية الشركات ، أكيد أنك تعرف طبيعة العمل في سكيكو … لكن يبغى لك تعرف طبيعة العمل بالتفصيل الممل في المستشفى .
و لازم تدقق في مبلغ الزيادة السنوية … بعد كل سنة لو كان تقييم أدائك (جيدجدا) … كم راح تستلم كزيادة سنوية في سكيكو و في المستشفى ؟!
حاجة ثالثة … خطط التدريب … هل فيه تدريب للموظف ودورات و … إلخ في الجهتين … لازم تعمل مقارنة .
آخر شئ طبيعة العقد الخاص بالتوظيف … هل العقد في المستشفى مفتوح المدة أو سنوي (يتجدد كل سنة) أو على بند خاص مثل التشغيل الذاتي … إلخ … لازم تسأل HR في المستشفى عن هالشئ … ولا تنسى الاستخارة قبل اتخاذ القرار 
مشكور اخوي حمد على الرد
كل النقاط اللي ذكرتها مهمة علشان كذا معطي نفسي مهله معهم قبل لا اوقع بشوف كل شيء فيها
العقد تشغيل ذاتي كل سنه بسنتها
واكرر شكري لك
اخوي انا جاني قبول للمقابله بالمستشفى العسكري بالجنووب
حبيت اسأل كم رواتبهم الاساسي وبدل السكن والبدلات
خبرتي قرابه سنه
ننتظر من باقي الشباب اذا عنده خبره بالتشغيل الذاتي يعطينا معلومات
بعد اذن راعي الموضوع
لا تبخلوا علينا مما عندكم
الفلوس ماهي كل شئ… هذا جانب واحد من عدة جوانب في الوظيفه