السلام عليكم ورحمة الله وبركاته
تحية طيبة للجميع 
صراحة فيه موضوع دايم يدور ببالي بما اني كملت بالجامعة حول 5 سنوات
اكيد لاحظتوا في هالفترة تطور عمراني وبالمباني وهذا شي تشكر عليه الجامعة والدولة على ماقدمت لنا 
الفكرة اللي ببالي ان الجامعة تطورت عمرانيين لكن اكاديميا خلال دراستي ال 5 سنوات او حتى تقدرون تقولون في خلال 10 سنوات
ما فيه شي تغير بالسياسة الاكاديمية ابد الا شي واحد
ان اغلب المواد صارت كومن وهذي لها ايجابيات وسلبيات طبعا
الايجابيات
1- العدل بين الطلاب في الاسئلة
2-توزيع الدرجات يكون متقارب للجميع
السلبيات
1- ان لكل دكتور اسلوبه التعليمي ولما ماتكون كومن راح تخوض تجارب مختلفة من دكتور لاخر لان كل واحد له اسلوبه بالاسئلة والشرح وهذا شي يرجح ماتكون كومن افضل
2- ان الكومن تظلم الطلاب اللي عند مدرسين شديدين او مايعرفون يشرحون
مالكم بالطويلة
فكرتي الجديدة
ان الجامعة بدل ما تخلي كل الدرجات على الاختبارات وحل اولد اقزام وجيب قريد
انهم يحطون مثلا في السليبس للمادة
اضافة
(بحث علمي او مشروع صغير ويكون مفيد وفي لب المادة ومتعدد الفقرات ومختلف الصعوبة ويربط بين المادة كمفهوم الى شي تقني وعلى ارض الواقع)
ويكن هالبحث مثلا عليه 10 او 15 درجة اضافية
يعني
باختصار تضاف على مجموع الطالب ولا تحسب كافرج او تدخل رسميا في درجاتك
يعني مثلا طالب مجموعه 60 من 100
وسوا عمل نهاية الترم وناقشه الدكتور وطلع استفاد وفاهمه وقيمه 8 ياخذ 68 ويصير زاد قريد
و طالب ماسوى العمل مثلا وجاب 80 ياخذ 80 زي ماهي
بحيث ماتدخل بالافرج
يعني مجموع درجاتكم الطبيعية بدون العمل للجميع مثلا الافرج طلع 60
خلاص يضيف للي جايبين هالبحث او المشروع من 10
ولا يغير الافرج
يعني بونص باختصاااااااااار 
شرايكم بهالفكرة
تحياتي لكم
