السلام عليكم ورحمة الله وبركاته
اخواني الاعزاء
ممكن سؤال <<<< تفضل 
بغيت اسأل عن السلف من الجامعه كم الواحد يقدر يتسلف منهم ؟
ووين المكان اللي اروح له ؟
وكيف طريقتهم في رد السلف ؟
وهل لازم تعطيهم سبب مقنع للسلف ولا عادي ؟
وهل يعطونك اياها على طول ولا لازم تنتظر ؟
وشكرا
اتوقع لازم سبب
زي مثلا شراء لابتوب
المكان : تروح لشؤون الطلاب
يأخذونها تقسيط على مكافئتك
فيه سلف نقدية وفيه سلف حاسب
وش تبي انت؟
انا عندي معلومات كافية باذن الله
لكن انت وضح بالضبط وش تبغى عشان اقدر اعطيك ادق الاجابات باذن الله
والشباب بعد ما يقصرون
انا ابغى سلف نقدي <<< فلوس
up
ما أظن يعطونك كاش …
تجيب لهم فاتورة بقيمة الغرض (الحد الاقصى 3500 تقريبآ)
وتنتظر الموافقه على المعاملة (يومين إلى 3 أيام)
تالي يسلمونك شيك بالقيمه
ويللي جربتهم انا في شراء لابتوب
مشكور وما قصرت
طيب كم ياخذون منك كل شهر لاسترداد المبلغ ؟
وننتظر من الاخوان بخصوص السلف النقدي
50 ريال
بخصوص الكاش يبغالك سبب مقنع بالرغم من انهم يعطوك هي في وقت اسرع من الشيك
لا اخوي يعطون كاش
فيه سلفه خاصه للاب توب وهي مثل اللي قلت
وفيه سلفه ثانيه اللي هي تطلب كاش
على كلام واحد من العيال اذا المبلغ بسيط حول 500 ريال تروح تقدم سلفه نقديه
وتكتب اي شي مثلا احتاجها لظروف مالية او احتاجها للضرورة من غير سبب واضح اذا كان المبلغ قليل
ثاني يوم يرسلون لك الموافقه او الرفض
واتوقع ثالث يوم تروح تستلمها كاش من صندوق الطلاب
اتوقع اذا تبي مبلغ كبير لازم تكتب لهم وبكل الاحوال هي لازم تمر على عميد شؤون الطلاب وهو يشوف يوافق عليها او لا
بالنسبه لارجاع المبلغ انت تحدد القسط اللي تبغاه على حسب المبلغ اللي اخذته وتشوف تبي ترجعه على كم شهر
اذا كنت تبغى كاش فلازم يكون عندك اسباب
تقدم من البورتال وبعدين تجيك موافقة او رفض
بالنسبة للقسط انت تقدر تحدد مثلا 150 او 200 ويقدرون يعدلون عليه اذا كان المبلغ المقترض كبير شوي
اذا كان المبلغ اكثر من 500 لازم يكون عندك حساب خارجي( غير حق الجامعة) وتجيب الايبان لشؤون الطلاب وهم يحولون لك المبلغ خلال يومين او ثلاثة
اذا كان 500 او اقل يعطونك اياه كاش في صندوق الطلاب
وبالوتفيق
طيب شباب بالنسبة لسلفة اللابتوب كيف اقدم عليها؟ وهل ابحث عن اللابتوب الي ابغاه واجيب الفاتورة قبل لا اطلب سلفة ولا بعد ؟
وكيف اجراءات سلفة اللابتوب بالتفصيل؟
^^^^^
ياليت احد يرد على استفساراتي 
سلفة اللابتوب التقديم يكون من البورتال نفس السلفة للكاش
لكن تختار سلفة حاسب آلي
لازم تكون عارف سعر اللابتوب اللي تبيه
وتقدم على المبلغ نفسه وتختار القسط المناسب ( ويمكن يعدلون عليه اذا كان قليل)
اذا قبل طلبك تجيب من المحل ( بالغالب مكتبة جرير ) تسعيره للجهاز اللي انت تبيه
وتوديه لصندوق الطلاب
وقتها او (بعدها بيوم- يومين) يعطونك شيك مصدق على بنك الرياض
طبعا انت تروح لـ “جرير” وتشتري اللابتوب بالشيك
فيه محلات اخرى تقبل الشيك اللي من الجامعة لكن مو متاكد وش بالضبط
^^^^
يعطيك العافية اخوي … طيب الحين مافيه الا جرير بس ؟ لان المحلات الي بالدوسري ارخص !
جرير او اكسترا اكيد عندهم
المحلات اللي بالدوسري انت قوله ابي كوتيشن وراح يعطيك مثل الفاتوره وفيه تفاصيل الجهاز مع السعر
وتأكد منهم هل يقبلون شيك من الجامعه او لا
اذا مايقبلون خذ عرض السعر معك وقول لصندوق الطلاب واشرح لهم ان المحل مايقبل الشيك
يمكن يقدرون يعطونك المبلغ على حسابك (طبعا لازم حساب غير بطاقه الجامعه)
اخر نقطه لازم يكون سعر الجهاز 3500 او اقل هذا الحد الاعلى من السلفة
/
طيب واحد اخذ سلفة حاسب والقسط حقها خلص … هل يقدر ياخذ سلفة ثانية لحاسب كمان … ؟
لأني ناوي اشتري حاجة من جرير وابغى آخذها على انها سلفة حاسب …
مشكورين مقدمآ ~
ما اعتقد يوافقون لك لان انت عندك جهاز وفيه طلاب ما عندهم فهم اولى منك
احسن شئ انك تاخذ سلفة نقدية بسبب مقنع
يعطيك العافية m m m اتعبناك معنا
لكن عندي سؤال ثاني الحين انا قدمت على سلفة حاسب الي ومكتوب بـ حالة الطلب (طلب مقبول لم يستلم)
يعني الحين قبلوا الطلب ؟ طيب وش اسوي الان اذا رجعت للجامعة ؟ فين اروح وهل اجيب معي الفاتورة حق الجهاز ولا لا ؟
وشكرا لك