اخواني موظفي شركة الزامل للصناعة (عفوا كتبت الصناعية في العنوان بالغلط) عملت مقابلة من فترة وأتوقع يجيني عرض بكرة لأن جاني اتصال اليوم يطلبني للحضور مرة أخرى بكرة في يوم المهنة عندنا في لندن وحاب أعرف رأيكم في بيئة العمل في الشركة وهل تنصحوني أقبل بالعرض أو أدقق على حاجه في العرض أو مثلا أطلب تغيير حاجه أو أطلبهم مثلا العمل في ادارة معينة ؟ اتمنى تفيدوني لأن ماودي أتندم بعدين لو كانت بيئة العمل فيها تعسف أو ظلم أو عدم احترافية . هل حقوق الموظفين مكفولة وهل التعامل فيه احترام بين الموظفين … هل لو طلعت بالمستقبل راح يكون فيه مشكلة او اخلال بالعقد ؟
راح أكون فعلا شاكر ومقدر لكل نصيحة من أي شخص والله يشرح صدر كل من يرد علي وكل من يفيدني.
تخصصي هندسة الكتروميكانيكية.
ياجماعة الخير اللي في الزامل أو سبق جاهم عرض منهم تكفون ردوا علي بأقرب فرصة لأنهم بيرسلون العرض قريب وأبغى أعرف كم يعطوني مدة للرد على العرض وهل بيئة العمل احترافية ومحترمة وهل الحقوق محفوظة ومافيه ظلم ؟ أتمنى أحد اذا أحد يعرف أو يعرف أحد يعرف يرد علي
إذا تتكلم عن الأمان الوظيفي فهناك امان وظيفي في الزامل , فلا تخاف!
و إذا عرضوا عليك عرض مادي حلو أقبل ليش لا و لما يحصلك شركة أقوى تقدر تتركهم عادي خلال مدة ثلاثة أشهر من بداية العمل بدون أي تبعات أما بعدها فيجب عليك أخطارهم قبلها بشهر
الله يعطيك ألف عافية ويحرم وجهك على النار اخوي kfupm boy
انا اللي ودي أعرفه هل بيئة العمل طيبة وفيه احترام بين الموظفين وهل الشركة تعطي دورات في مجال العمل وهل فيه خبرة جيدة عندهم بمعنى شغل بروجكتات ومشاريع الواحد يطبق فيها اللي تعلمه ولا بس على المكاتب وشغل اداري؟
لأني قريت بأحد المنتديات من أحد الموظفين يقول انه كره نفسه بالزامل وماصدق يطلع بس ماأدري أي شركة كان وأي ادارة وهل كلامه صحيح.
هلا بك اخوي
اولا اتمنى لك التوفيق اينما ذهبت
انا خريج مصر تخصص اتصالات و الكترونيات و كنت احد طلبه البترول سابقا
المهم انا الان اعمل في مجموعه الزامل للصناعه في شركه مكيفات الزامل قسم وحده منتجات التحكم
اتمنى يكون ردي شافي و كافي لك و لكل من يسال عن المجموعه
اولا مجموعه الزامل للصناعه تندرج تحتها عده شركات و هي الزامل للحديد و الزامل للمكيفات و الزامل كول كير و الزامل للزجاج و الزامل للتغليف الصناعي و لكن الثلاث شركات الرئيسيه هي الحديد و المكيفات و كول كير( الصيانه و قطع الغيار)
فانت ممكن تكون تابع لمجموعه الزامل الصناعيه نفسها او في احدى الشركات المندرجه تحتها
مثلا ممكن تكون بقسم منع الخسائر فهذا القسم تبع مجموعه الزامل الصناعيه
فيه نظام تدريب و تطوير الخريجين السعوديين لمده سنه و بصراحه التدريب يعتمد على القسم اللي انت فيه و تعاونهم معك يعني قسم الموارد البشريه مايسوي لك شي اثناء التدريب يعني انت و قسمك و بكيفكم
المجموعه عملاقه و بصراحه راح تتعلم و ترتاح للشغل فيها و فالاخير تعتمد على رؤسائك و القسم نفسه
بالنسبه للرواتب للمهندسين حديثي التخرج فيكون الراتب الاساسي 8500 ريال و بدل السكن 25% من الاساسي يعني 2125 ريال و بدل النقل 1000 ريال ثابت مايزيد
المجموع الكلي 11625 و بعد خصم التامينات 10700 ريال
كل سنه فيه لك تقييم و على اساس التقويم تاخذ زياده على راتبك و بونص سنوي ايضا
البونص فالزامل ممتاز جدا و يصل الى 7 رواتب يعني افضل من سابك و غيرها
مثلا في قسمي السنه الماضيه اقل واحد اخذ ثلاث رواتب بونص
انا اقول وقع العرض معهم و اذا جاتك افضل منها فمنت بخسران شي اسحب عليهم و رح للافضل
بالنسبه للي تخصصهم اداره اعتقد المرتبات الاساسيه حوالي 7000 الى 7500 ريال و السكن 25% و النقل 1000 ريال ايضا
اتمنى اني وفقت في اعطاء نبذه عن الشركه و انا حاضر لاي استفسار
التقديم على الشركه من الانترنت او من خلال ايام المهنه اللي تعقد فالجامعات او الحضور للشركه و تسليم السيره الذاتيه للاستقبال
مقر الشركه فالمنطقه الصناعيه الاولى بالدمام الشارع السابع تقاصع شارع ابن زهر
ياهلا بك وغلا والله 
الله يعطيك ألف مليون عافية ويجزاك خير على المعلومات المهمة واللي فعلا أحتاجها
اخوي اسمحلي أثقل عليك شوي وأسألك كمان شوية أسئلة لأني والله كنت ناوي أسافر للسعودية مخصوص عشان أقابل أي موظف بالزامل يفيدني عن الشركة قبل لا أقبل عرضهم لكن الحمد لله انك شرفت موضوعي.
اخوي أولا ودي أعرف أوقات الدوام وهل فيه اجازات في الاعياد ورمضان وغيرها غير الاجازة السنوية؟ تقدر تفيدني بمدتها الله يسعدك؟
هل الرواتب في كل الادارات هي نفسها لجميع المهندسين؟
هل الخبرة في الشركة جيدة ؟ بمعنى هل المشاريع الهندسية فيها شغل وتصميم وتيم وورك بحيث اني أقدر اتقوى بتخصصي ؟
تقدر الله يعافيك تعطيني نبذة عن طريقة برنامج الخريجين اللي مدته سنة؟
انا أدري اني ثقلت عليك بالأسئلة فعشان كذا أنا اترك لك الخيار للإجابة عن اي سؤال بحسب استطاعتك حتى لو سؤال واحد فقط وراح أكون لك والله شاكر ومقدر .
هل ممكن ترسلي رقمك على الخاص اخوي ودي ادردش معك اذا وصلني العرض واخذ رايك في مكالمة وحدة فقط ماراح أغثك اكثر هههه .
هلا بك اخوي خذ راحتك ما شاركنا فالمنتدى الا لنفيد و نستفيد
اولا الدوام من الساعه 8 الى الساعه 6 من السبت الى الاربعاء و الخميس و الجمعه اوف
طبعا من 8 ال 6 هذا الرسمي و عاد انت و قسمك بعض الاقسام ياخذون بريك ساعتين و يطلعون الساعه خمس المهم الحضور عندنا ما يدققون عليه كثير اهم شي انتاجك
بالنسبه للاعياد فيها اجازه لاتقل عن 6 ايام و فيه اجازه اليوم الوطني
الرواتب هي نفسها او في معدل الراتب اللي قلت لك يعني الاساسي من 8000 الى 9000 ريال
الخبره جيده جدا و الزامل اسم كبير و معروف و فيه تصميم و تيم وورك
برنامج الخريجين موقفينه حاليا و احسن لك و من صالحك لاترتبط باي برنامج خلك مباشره مع قسمك
اتمنى لك التوفيق
اذا جاك العرض كلمني
الله يعطيك العافية والله أفدتني كثير كثر الله من أمثالك
حياك الله اخوي و لو واجبنا