السلام عليكم
اتسائل كل نهاية ترم عن تقييم المدرسين Online Course and Instructor Evaluation
هل تنظر له الجامعة بشكل جيد وتنبه الدكاترة السيئين ام انه مجرد اجراء روتيني كل ترم لا اقل ولا اكثر !!!
اي نعم يؤخذ بعين الاعتبار حسب ماقال لي سكرتير يعمل لدى تشيرمان في الجامعه
ويؤثر في راتب المدرس وبقائه في الجامعه
حتى لو تلاحظ المدرسين الجدد اول مايجوك مايحضروا ويعطوا كلاسات اوف كثير
بعدها بترم او ترمين يتعدلوا حبتين
الايفاليوويشن نوعاً ما مهم , اتذكر قابلت واحد من الدكاترة اللي درسوني في الاوريا في الجبل
ولقيت معاه رسالة من ادارة الجامعة بسبب الايفاليويشن , على كلامه انه اربع طلاب كتبوا ملاحظات سيئة
عنه فالجامعة ارسلت له انذار ,
في دكاترة حريصين على الايفالويشن ويبغوا ملاحظات الطلاب اللي يكتبوها لأنهم يطلعو عليها مباشرة
لكن ما يشوفوا الاسماء وعلى كلام اغلب الدكاترة انهم يستفيدوا منها في السمسترات الجاية
حتى لو تلاحظ المدرسين الجدد اول مايجوك مايحضروا ويعطوا كلاسات اوف كثير
انا بالتقييم ما اضبط الا هالنوعيه 
بس مراعاة للأمانة حط التقييم على ما تشوفه في المدرس
شكل اشبك المدرس عن طريقها ما راح يفيدك ولا راح يفيد طلاب راح يجون بعدك
ومدحه بما لا يستحق غش
تحياتي لكم 
الدكتور يقدر يشوف الاسماء ع فكرة :))))
وعليكم السلام
من اللي اشوفه , الجامعه تأخذ الايفاليويشن بعين الاعتبار , والدليل بعض الدكاتره تشوفه يتغير او يتحسن من سمستر لـ سمستر
+ فيه احد الدكاتره في قسمنا قعد سمسترين و كرشوه الجامعه وان السبب هو الايفاليويشن كما وصلني
أكيييد يؤخذ بالاعتبار.
وبناءاً على تجربة شخصية كمان
أولاً …
الدكتور يقدر يشوف الاسماء , فيه دكتور نسيت اسوي التقييم تبعه وجاني كلمني قالي انت ما سويت التقييم ,
ثانياً …
التقييمات ذي اتوقع لو تمدح في الدكاتره يعطوهم زياده او مكافأه والله اعلم ,
لكن لو تذم فيهم لين بكرا ما صار لهم شي
عندك بالتحضيريه الدكتور اونيل لو تعرفه ؟؟
طبعاً السنه اللي راحت كانت اخر سنه له بالجامعه , هو معمر بالجامعه هنا
كل سمستر الطلاب يخسفون فيه في التقييمات , لانه فعلاً كررره طلاب كثير بالجامعه
ومع ذلك مستمر , وطلع لما خلاص قال يبي يترك التعليم ويبي يسكن مع اهله ,
=)
باختصار
لا
الدكتور تجيه رسالة بأسماء الطلاب اللي سوو إفالويشن واللي ما سوو لكن مايقدر يعرف كل طالب وش كتب
الدكتور تجيه رسالة بأسماء الطلاب اللي سوو إفالويشن واللي ما سوو لكن مايقدر يعرف كل طالب وش كتب
+1
ممكن ينفع الدكتور لكن مايضره
فيه دكاتره في الجامعه لهم 25 سنه وسيئين جدا ودايم يخسفون العالم فيه ولا صار اي شي
نعـم يـؤخـذ بعـين الإعتبــار
نعم يؤخذ بعين الاعتبار…
واللي يقول لا ما وصله الخبر الصحيح…
ليش الدكتور الترم هذا يدرس مادة والترم الجاي مادة ثانية؟
على كيفه ؟ لا
بناءً على تقييم الطلاب له يحطونه للمادة المناسبة…
يعني درس المادة الفلانية وجاه تقييم كويس…
يدرسها الترم الجاي وهكذا…
الين يعرفون المواد اللي يبدع فيها الدكتور…
^^
هذي المعلومة سمعتها من أحد الدكاترة…لكن ما أجزم 100% من صحتها…
يعني تقدر تقول 70% صحيحة : )
^^
تراها يالحبيب كل دكتور يكتب المواد اللي يبغاها وبناءً عليه يدرس المادة ( أتوقع له ثلاث خيارات أوكذا … )
ومن وجهة نظر إذا الدكتور أجنبي ممكن تفرق خصوصاً إذا كان جديد ، لكن إذا كان سعودي ما راح يصير له شيء أبد
طيب ليه في دكاترة من دخلنا الجامعة واحنا نسمع سب وشتم فيهم…ووصلنا السينير وللحين الدكاترة هذولا يدرسون ؟؟ ممكن احد يفهمني !
+1 (أتفـق معك كلـمة كلـمة) 
اتوقع انه ياثر يا شباب
لا ن بعض الدكاتره يسوي نفسه حبيب وقت التقييم
و اذكر دكتور الفزيكس ( باكستاني ) كان يهتم فيه كثيير