السلام عليكم
كيفك اخواني ان شاء الله طيبيين
طبعا انا من طلاب ثالث اثانوي وبإذن الله ابتداءاً من السنة القادمة وانا من طلاب البترول
لكن عندي شوي استفسارات والله محيرتني
وهي
1- ايش الفرق بين برنامج ارامكو للابتعاث الجامعي وبرنامج صدارة لان بصراحه كل واحد فيهم له مميزات مغرية اكثر من الثاني
2- هل من الافضل اني ادخل البترول عن طريق برنامج ارامكو للابتعاث الجامعي والا ادخل الجامعه عادي مثلي مثل باقي الطلاب
امم هذا اللي اذكره الحين واذا تذكرت سؤال ثاني بسدحه هناآاآ 
و عليكم السلام و رحمة الله و بركاته
أخي العزيز ميمو 12/ نرحب بك طالب في جامعة الملك فهد للبترول و المعادن ( طبعا مقدما )
بخصوص برنامج صدارة ( للأسف ما عندي معلومات عنه ) أصلا أول مرة أسمع فيه !!!! وش هو ؟
أما بالنسبة لبرنامج أرامكو أو ( cpc ) فأحب أعطيك معلومة خطيرة عنه :
ألا وهي على الرغم من أن البرنامج لديه مميزات كثيرة و مغرية إلا أن لديه مشكلة جد خطيرة !!!!!!!!!!!!!!!!!!!!
و هي أن ليس بيدك تحديد التخصص الذي ترغب دراسته , شخصيا اعتبر هاذي سلبية
لأن مو معقول احد يجبرك على تخصص من غير ما يسألك او يعطيك نبذة عنه
نصيحة / اذا تبي الجامعة ادخلها كطالب عادي أحسن عشان تختار تخصصك بكيفك وانت مرتاح .
أتمنى أكون افدتك
حياك الله يالغالي ومنور الموضوع والله
بالنسبة للموضوع هذا انا ادري فيه وقريته في أكثر من موضوع بالمنتدى
صحيح هي مشكلة لكن قبل ما اسوي كل شي قلت بستشيركم وبعدها وقت التقديم
بإذن الله بصلي استخارة احسن وان شاء الله ربي راح يختار لي الافضل
بس حبيت اعرف شوية معلومات عن الـcpc
يعني مثلا اختبار القبول اللي تقدمة ارامكو هل هو صعب ؟
وعن ايش المواضيع او المواد اللي فيه ؟
وهل البرنامج يجبرك على الابتعاث الخارجي ؟
لأني مأجل فكرة الابتعاث شوي !
واعتذر على الاطالة
أختبار قبول أرامكو ليس بتلك الصعوبة إذا وإذا فقط كانت لديك أنجليزية جيدة…
كثير من الطلاب طلعوا حلين ممتاز في قسم الرياضيات لكن الأنجليزي منعهم من دخول البرنامج…
برنامج صداره تدريبي
يعني تتخرج فني ووتوظف على طول
اما ال cpc فهو ابتعاث لخارج المملكه وتحصل على شهاده بكالريوس
برنامج ال cpc لايبعثك الى جامعه الملك فهد من الاساس لكن تقدر تتفاهم معاهم او تجيب لهم عذر مادري ايش الطريقه بالظبط
لكن اذا دخلت الجامعه بعد ماتخلص 60 ساعه ومعدلك عالي تقدر تنظلم لابتعاث ارمكوا الداخلي
جزاكم الله خير ع المعلومات
اخوي ماستر٧
وبالنسبة للانجليزية الحمدلله انا ممتاز فيها وماعندي اي مشاكل معها نهائياً
يعني ان شاء الله الموضوع سهالات بإذن الله
^^^^
اخوي محمد الله يعينك علي تحملني شوي جزاك الله خير
طيب كيف انظم لابتعاث ارامكو الداخلي مباشرة بدون خرابيط الـcpc كلها >_<
امم وبالنسبة لقصة الـ60 ساعه هل تقصد ان لازم اكون طالب عادي بالجامعه وبعدها اقدم على ابتعاث ارامكو الجامعي والا ايش بالضبط ؟
الكل يدخل برنامج ارامكو الابتعاث الجامعي لغير الموضفين
السلام عليكم
ياشباب انا نسبتي بالثانوي 99.70 ان شاء الله وبفضل الله
والقدرات 82
هل تتوقعوون انقبل للاختبار تبع ارامكو واذا انقبلت هل نسبتي اللي فوق تفيدني بالمفاضله او لا
حسب ما أتذكر ان نسبة القبول للاختبار
90+ ثانوي
+80 قدرات
انت محقق المطلوب … بالنسبة للاختبار لازم تكون فاهم رياضيات + انجليزي الثانوي
وان شاء الله ما تواجه أي صعوبات
عيب أرامكو انهم هم اللي يختارولك التخصص … فلو فبالك تخصص حاول معاهم انهم يعطوه لك … طبعا كل ما حققت درجة عالية كل ما أعطوك التخصص اللي تبغاه
اما المفاضلة … حسب علمي مافيه مفاضلة في نسبة الثانوي … المفاضلة في درجات الاختبار حقهم
بالتوفيق
اشكرك شكرا جزيلا
والله انك شنب
شف أخوي أنا طالب في الجامعة مبتعث من أرامكو إبتعاث داخلي السنة الماضية
اولاً : بالنسبة لإختبار القبول هو مكون من رياضيات و إنجليزي
الرياضيات مركز على مواد ثالث ثانوي و إذا أنت مذاكر زين للتحصيلي فما عليك خوف إنشاو الله
الإنجليزي مكون من قرامر و فوكاب و ريدينق وهو صعب شوي و طويل لكن يمديك تضبط وضعك فيه
ثانياً : بالنسبة للتخصصات … هم يعطونك الحرية في إختيار التخصص على حسب تبديعك في إختبار القبول مثلا كنت من أفضل 50 طالب خذوا الإختبار رح تكون لك كل الحرية في إختيار التخصص و أما لو كنت من أفضل 100 يعطونك عدة خيارات و هكذا
ثالثاً : بالنسبة للابتعاث الداخلي الشركة نفسها ما تشجع على الابتعاث الداخلي لكن بإمكانك الدراسة في جامعة البترول إذا أصريت عليها و حطيتهم قدام الأمر الواقع
أنشاء الله نوكون أفدناكم
بالتوفيق
شف أخوي أنا طالب في الجامعة مبتعث من أرامكو إبتعاث داخلي السنة الماضية
اولاً : بالنسبة لإختبار القبول هو مكون من رياضيات و إنجليزي
الرياضيات مركز على مواد ثالث ثانوي و إذا أنت مذاكر زين للتحصيلي فما عليك خوف إنشاو الله
الإنجليزي مكون من قرامر و فوكاب و ريدينق وهو صعب شوي و طويل لكن يمديك تضبط وضعك فيه
ثانياً : بالنسبة للتخصصات … هم يعطونك الحرية في إختيار التخصص على حسب تبديعك في إختبار القبول مثلا كنت من أفضل 50 طالب خذوا الإختبار رح تكون لك كل الحرية في إختيار التخصص و أما لو كنت من أفضل 100 يعطونك عدة خيارات و هكذا
ثالثاً : بالنسبة للابتعاث الداخلي الشركة نفسها ما تشجع على الابتعاث الداخلي لكن بإمكانك الدراسة في جامعة البترول إذا أصريت عليها و حطيتهم قدام الأمر الواقع
أنشاء الله نوكون أفدناكم
بالتوفيق
السلام عليكم
معليش عالمداخلة
بس تقريبا كم احتمالية انهم يوافقوا على الابتعاث الداخلي
وكيف أصريت عليهم يعني ايش قلتلهم
والله يوفقك
يا ليت تعطينا معلومات عن ابتعاث صدارة
انا افكر في ابتعاث سابك الداخلي “ناوي اشتغل في سابك”
شباب يعني اهم شي الانجليزي اهم من الرياضيات
اركز تركيز تام فيه وابد من الحين
ودي تعطوني نصيحه للاستعداد للانجلش
^ يعطيك العافيه اخوي … بس سمعت انه ارامكو تضم طلاب بعد التحضيرية اذا معدلاتههم عاليه ؟! صحيح ذا الكلام ؟ 
لي عوده باذن الله للاجابه عن بعض الاستفسارات 
ماتحس انك طوووولت 
ماتحس انك طوووولت
هههههه معليش يالغالي والله ظروف الاختبارات النهائيه
بالنسبه للاستفسارك عن الانجلش
انا جربت اختبار ارامكو وكان قسم الرياضيات سهل واتوقع اي طالب انقبل راح يجيب درجه عاليه فيه
الانجلش كان شوي صعب وخبصت فيه وهذا الظاهر سبب عدم قبولي
على العموم الاستعداد للانجلش امر مطول ويعتمد على مستوى لغتك الحالي
حاول انك تشتري كتاب قواعد الانجلش وتراجعها كلها وتفهمها زين
ايه واتدرب على طريقه حل القطع واسئلتها
على العموم في النهايه محد داري وين الافضل له …ابذل الاسباب وتوكل على الله
بالنسبه للاستفسارات السابقه عن ارامكو الصراحه ماعندي علم بالظبط
يفيدونكم طلاب الابتعاث ان شاء الله
واي استفسار اخر انا تحت امركم
والله أخوي قلتلهم أنا ما أقدر أسافر لأني أكبر أخواني و الوالد مشغووول مرة في الدوام
يداوم معظم الوقت في مدينة أخرى بالبداية ما أقتنعوا لكني أصريت على موقفي و بالأخير وافقوا
لكن الغريبة أني كنت أتوقع بس أنا و طالب أو طالبين اللي رح ندرس في البترول لكني تفاجأت أنه أكثر من 10 طلاب ابتعثوا ابتعاث داخلي أسبابهم الله أعلم
وهي برضوا الشغلة تجي بالواسطة 