لا اريد ان اطيل ،، ولكن اريد ان اقوول نصيحتي لطلاب الثانوي الخريجين
ابتعدوا كل البعد عن البترول ولا يخطر لك ،، نعم انها مقبرة المبدعين ،، كم من مبدع اصحاب براءات اختراع طردوا من هذه الجامعه وايضا كم من شخص ذو عقل وامكانيات هائلة لم يتمكن من الاستمرار كم من نفسية كم من احباط واحساس بالفشل يذاكر طوال الوقت وولا يجني بالدرجات الا القليل …!!!!! ولكن انصحك بجامعة البترول اذا كنت ممن يلحس الكتاب 24 - 24 لا مكان للنت لا مكان للطلعه لا مكان للتعرف على الاخرين باختصار مع نفسك ؟. تصبح انطوائي وكريف بتعدي حتى لو لم تكن على قدرات عقلية جبارة ،، بينما لو تكون صاحب عقلية جباره ولديك وقت للفله والدراسة ما راح تتستمر …
هذي نصيحتي وتراهي مجانا بكرا تدخلون كطلاب مستجدين اوريا وتشووفون الضغط وتشوفون الحياة بالبترول بـ اختصار اجعل اول اهداف الدراسه بالخارج تتخرج ومعدلك طيب بنصف الجهد الذي تبذله بالبترول بالاضافه لانك ستتمكن من اللغه بشكل غير طبيعي بينما بالبترول ستتطور اللغه ولكن ليس بالكثير … كما الطلاب بالخارج ،،
بعلق على شيء, صحيح تدريس اللغة الأنجليزية فاشل
أنا اتكلم وأنا مستواي advanced قبل ماأدخل الجامعة مافي ممارسة اللغة الأنجليزية هنا أكثرها كتابية والكتب فاشلة بقوة.
بالنسبة للكرف تكرف أكثر من الجامعات الثانية لو نفس التخصص وتاخذ درجات أقل
انا خريج الان ولم ولن اندم لدخولي هالجامعة ولو رجع بي الزمن دخلتها مليون مرة خلو كلام المحبطين والناس اللي ما تبي تشتغل عنكم ماحد في هالدنيا يحصل شي بدون ما يجتهد ويثبت نفسه بين اللي حواليه…اما اذا انت انسان ما تفرق معاك تصير حالك حال كل باقي البشر هذا شي ثاني…
اخوي البرنس، اولا : رآيك طبعآ عالعين والرآس، واحترمه واقدره، لكن اذا تسمح لي بطرح رآي انا بعد… اول شيء بالنسبة للطلاب المبدعين وعقلياتهم جبآرة، وتقول بعضهم ما يعدّو!! انا اعتقد ان فيه تناقض الآن، معقولة عقليّة جبآرة وما قدرة عالبترول!!! هذا الشي ممكن يصير اذا جاء مع آشيآء آخرى مثل الاحباط او الاهمال لاي سبب كان مثل اصدقاء السوء…الخ، وعالعكس من ذلك، البترول منها طلع فريق وهج اللي صنع اول سيارة مصنوعة بالكامل بالسعودية، البترول الحين فيها فريق رمال اللي حسب ما سمعت بيطلع بالصيف المسابقة بالمكسيك، ايضآ انا اعرف طالب من البترول رآح دبي في مسابقة واخذ الاول، النقطة الثانية اللي هي الاحباط والاحساس بالفشل، طبعااا اكييييد حتمر على اي طااالب بالسنة التحضيرية، بحكم انه كان متميز في مدرسته وجاء لبيئة اخرى كلها ما شاء الله على قده، يعني كلهم متميزين فعشان كذا ضاع تميزه، لكن من الممكن ان الطالب يحول هالاحساس لـ حس تنافسي يتنافس فيه مع الطلاب الثانين، بالنسبة لنقطة كم من طالب فشل، هذي اكييد، بسألك سؤال، دفعتنا كم بقي منهم؟!!! نعم فيه طلاب كثيير فشلوو هنا وهم اصحاب نسب عالية في الثانوي والقدرات والتحصيلي، لكن ايضا فيه طلاب نجحو وعدّوا، معناه الامر ليس مستحيل، الامر يبيله فقط اعطاء الدراسة حقها… بالنسبة ايضا لـ كلامك عالدراسة 24 ساعة، والله اللي ينظم وقته زين ليلقى وقت دراسة و وقت لعب، صح فيه ضغط دراسي كبيييير وفيه ضغط دوااام كبييير، لكن بتنظيم الوقت والله لتلقالك ساعة عالاقل تكون لك، غير الاربعاء و الخميس اللي عن نفسي ما اذاكر فيها الا في ايام الاختبارات… من ناحية الابتعاث، صحيح، اكيد فيه جامعات برا احسن من البترول بمية مررة، وتحسن اللغة حيكون اكثر بكثيير، لكن تعتمد عالشخص، انا عن نفسي حمدلله قبلت في بعثة سابك، ولا رحت المقابلة الشخصية، ياخي انا انسان ما ابي اطلع بررآ المملكة خوفا على ديني، ياما وياما سمعنا عن مبتعثين الله لا يبلانا يرجع وهو راعي مخدرات او فيه مرض، برضو فيه مبتعثين نجحو هناك وكذا لكن في رايي انت بتروح هناك على شفة حفرة!!! ليش يا حبيبي اطلع هناك، وعندي جامعة ولو بنص المستوى لكنها تضمن وظيفتي وتعتبر على مستوى جامعات المملكة احسنهم، وبالنسبة للانجليزي ما اعتقد فيه اي خرييج بترول يعاني من مشكلة الانجلش، وكثير اخوان قالو ان من ميزات خريجي البترول لغتهم…
ليه المبالغة
لا يكون جامعة البترول قلبت جامعة ستانفورد على غفلة
و لا جامعة MIT على حين غرة ههههههههههههههههه
يا شيخ روح شكلك مزود الفلة شوية على حساب الدراسة هههه
على فكرة جامعة MIT هي الجامعة رقم واحد في العالم
شوف الجامعة على قد ما تعطيها تاخذ اذا تبي النجاح بس ذاكر قبل الاختبار اذا تبي الاي بلص رتب وقتك وذاكر اول باول ساعتين كل يوم كافية جدا انا بالنسبة لي اذاكر قبل الاختبارات القصيرة وقبل المياجر والحمد لله درجاتي جيدة وبالنسبة للسنة التحضيرية اذا مستواك جيد في الانجلش بترتاح وبالنسبة للماث سهلات اذا انت كويس بالماث ويبغالك شده اذا مستواك مو مرة بالثانوي وبالتوفيق للجميع
مشكورين يا اخوتي والله جاني أقوى تحطيم من البرنس 99
بس الحمد لله ردودكم أعطتني طموح بالجامعة ذي
بس انا يا شباب محتار وش اختار تخصصي وكيف أعرف ميولي
خبروني بأسرع وقت الله يجزاكم خير !!!!!!
لا يكون جامعة البترول قلبت جامعة ستانفورد على غفلة
و لا جامعة mit على حين غرة ههههههههههههههههه
يا شيخ روح شكلك مزود الفلة شوية على حساب الدراسة هههه
على فكرة جامعة mit هي الجامعة رقم واحد في العالم
للمعلومية بس إختباراتهم أسهل منا ومافي مجال للمقارنة
للامانه الجامعه فيها صعوبة لكن مهي مستحيله … يا كثر القصص ياجماعة ناس دوافير بداية الترم وسحبوا على المذاكره و ما عدوا والعكس تماما والله اذكر واحد من الشباب كان الاستاذ يستهزئ به ويتريق عليه وانواع الكاي في الكلاس ودخل النهائي وهو ناجح وراح يطقطق وطلع مع اول فرصه من الاختبار لانه تعب وشد حيله بعد توفيق الله عليه ، والعكس واحد من الشباب تحس انه باس من اول كلاس وانسان عقل ورسب في الماده والاثنين اعرفهم واخوياي الراسب لي فتره طويله عنه لاني فقدت دقمه ولا عاد سرت اشوفه نهائيا ، وخويي الي نجح قابلته في كلاس الانجلش مره ثانيه ووضعه اوكي ماشاء الله عليه والله يوفق الجميع
أخونا البرنس 99 مو كأنك زودتها شوي وخوفت أوريات المستقبل
يعني على سالفة الدراسه 24 ساعه لا فله ولا شئ
لو كل الشعب كذا أصلا ما كان أحد رد عليك لأنو الكل مشغول بالدراسه
لكن على قولة الشباب الجامعة يبغالها شدة حيل واللي بينظم وقته راح يرتاح من ناحية المذاكره والفله والحياة الجامعية وكل شئ
خلو كلام المحبطين والناس اللي ما تبي تشتغل عنكم 
؟!!! نعم فيه طلاب كثيير فشلوو هنا وهم اصحاب نسب عالية في الثانوي والقدرات والتحصيلي، لكن ايضا فيه طلاب نجحو وعدّوا، معناه الامر ليس مستحيل، الامر يبيله فقط اعطاء الدراسة حقها…