السلام عليكم ورحمة الله وبركاته
قدر الله علي وعدت 002 إنجلش … والحمد لله على كل حال …
بالنسبة لسؤالي:
هل تنصحوني آخذه في الصيف ( للي عنده تجربه ) …
أو آخذه ترم عادي …
أنتظر ردكم … لأني راح آخذه بشوركم بإذن الله …
موفقين
خذه صيف و افتك و لا تتأخر عن دفعتك 
دوامه ٨ ساعات لكن انجلش يعني سواليف الله حيه
دفعتي بكيفها … أنا ما همني التأخر …
هو الموت إنجلش كويزات وميد تيرم وفاينل وتوفل وca يلعب بدرجاتك لعب …
ولا باقي المواد هي اللي سواليف …
طيب أنا أبغا أحد جرب الصيف ينصحني …
الإنجلش في الصيف ضغط دوام…
وعلى حسب 093
الواجبات قليلة…
أغلب الشغل يصير في المحاضرة…
لو تنزل موضوعك في التحضيرية وتشاور طلاب 210 أحسن…
بالتوفيق
والله على حسب نفسيتك
إذا والله مستعد تشد حيلك الشهر الجاي فهي أريحلك
أنك تخلصها بشهر وثلاث أسابيع أحسن من ترم كامل يعني تختصر نصف الوقت
إذا أنت منت رايق فهي مي نهاية العالم برأيي أنك تأخرت عن الدفعه
مع أنها ممكن تخليك تضطر بعدين تشتغل صيفيات
بالتوفيق
الله يعينك على مصيبتك 
+ إما إنك تأخذه في الصيف وتلحق دفعتك
وترى الصيف يدرسك أكثر من مدرس ودوام من الساعة 8 إلى ما بعد 4
وتكرف كرف مو بصاحي بس تدرس نفس المنهج تبع 112 يعني ما يغيرونه لك
+ أو إنك تأخذه الترم الجديد وتقعد طول الترم (4 شهور) بدون مكافأة 
واحتمال كبير إنك تدرس منهج جديد عليك مع العايدين اللي ما أخذوا شيء في الصيف
ومع الأوريات الجدد المعدين 001
نصيحتي لك: خذ المادة في الصيف واكرف ولا أنه تنقطع مكافأتك والترم الجديد تبقى على مادة وحدة واللي هي انجليش 002
شد حيلك والله يوفقك 
ونسيت أبلغك
ترى المدرسين جدا متساهلين في الصيف من ناحية القريدات
انا اخذتة بالصيف قبل ثلاث سنوات
احسن مافيها ان المدرسين ماهم فايقين والطلاب ماهم فايقين فالشغلة كان فيها تساهل نوعا ما
كان المتعب بس الدوام غيره لما ارجع الغرفة الكتاب على حطتة ولا اسوي شي واصلا هما ماكانوا يعطونا وجبات
مادري عاد اذا ذحين تغير الوضع
والله يالطيب انا خذت انجلش 002 في الصيف … بس ع نظام الانجلش القديم اعتقد ماكان عندنا غير كتاب واحد …
اول اسبوع صراحه تعبت مع الدوام … وبعد الاسبوع الاول أقلمت نفسي ع الوضع وكان الصيف حلو ومناسب …
وكانت ميزة الانجلش وقتها ان شغلتنا كلها بالمحاضرات والمدرسين متساهلين معاانا لأنهم عارفين ان الدوام من 8 إلى 4 فماكانو يعطونا واجبات الا نادراً … يعني كنا اذا خلصنا دوام مايصير عندنا شئ …
كان عندنا دكتورين … يجينا الدكتور الاول اول ساعتين … وبعدها يجي الدكتور الثاني … وبالفترة المسائية نفس الشئ …
الترم الصيفي قصير … تقريباً 7 أسابيع , (ترى اخر يوم دوام بالجامعه 14 رمضان) … و بإذن الله راح تتأقلم مع الووضع وتمشي امورك بعد الاسبوع الاول …
نصيحتي لك خذ ترم ولا تفوته ابد ابد …
يعني ايجابياته … انك ماراح تتأخر عن دفعتك … وتضيع ترم من عمرك بالتحضيريه …
بتقولي مايهمك انك تتأخر عن دفعتك … ترى بتصير اغلب فترتك في الجبل تنزل المواد اللي من المفترض تاخذها ترم اول بالترم الثاني , وهالشئ بعض الاحيان بيخليك ماتحصل دكتور جيد …
وايضاً ماراح تكون تحت ضغط نفسي … لأنك اذا لا قدر الله رسبت في الصيف اعتقد يعطونك فرصه تنزل الترم اللي بعده … بس لو ماخذت صيف راح تنقطع عن المكافأه بالترم الجاي … وراح تكون تحت ضغط لأنها اخر فرصه لك …
وفوق هذا كله نسبة اللي يرسبون في الصيف في الغالب تكون قليلة والمدرسين يكونون متساعدين في الدرجات …
بعض الشباب معاانا كانوا نفس الوضع مانزلو صيف وندموا ع هالشئ … خصوصاً بعد معاناتهم وخوفهم من الطرد …
آتمنى لك التوفيق …
انا من اللي درسوا 002 السمستر الماضي ومانجحت فيه لانهم نجوا اقل من نص الطلاب لانهم خلوا درجة النجاح 70 ودرست الانجلش السمستر الول بهذي السنة والحمد لله نجحت
الصراحة اول ماخلصت من الصيف قلت تووبة ووالله لااانصح كل واحد ماياخذ الانجلش صيفي بس الحين
اقولك اذا كنت تقدر تاخذ خذ اول شي الحين انا متاخر عن اخوياي وعشان كذا بنزل بالصيف الجاي 7 ساعات
والشي الثاني انجليزيتي تطورت لشي مب طبيعي
صح ان الدوام را يكون ظغط بزيادة بس ترا اغلب المدرسين يودون للاب وسواليف اما والواجبات مااذكر انهم عطونا واجب وترا طريقة توزيع الدرجات يختلف بالصيف يعني اخبر كوزات مااخذنا ولا كوز الا رايتنق وكانوا الظاهر 4 او اقل
انا من اللي درسوا 002 السمستر الماضي ومانجحت فيه لانهم نجوا اقل من نص الطلاب لانهم خلوا درجة النجاح 70 ودرست الانجلش السمستر الول بهذي السنة والحمد لله نجحت
الصراحة اول ماخلصت من الصيف قلت تووبة ووالله لااانصح كل واحد ماياخذ الانجلش صيفي بس الحين
اقولك اذا كنت تقدر تاخذ خذ اول شي الحين انا متاخر عن اخوياي وعشان كذا بنزل بالصيف الجاي 7 ساعات
والشي الثاني انجليزيتي تطورت لشي مب طبيعي
صح ان الدوام را يكون ظغط بزيادة بس ترا اغلب المدرسين يودون للاب وسواليف اما والواجبات مااذكر انهم عطونا واجب وترا طريقة توزيع الدرجات يختلف بالصيف يعني اخبر كوزات مااخذنا ولا كوز الا رايتنق وكانوا الظاهر 4 او اقل
أنا مدري عن وضع الإنجلش الجديد أنا عدت الإنجلش صيف 83
كان صيف ولاهوب صيف الكرف كرف دوام فقط لا مذاكرة ولا شي أنا مستعد أكرف دوام لكن لا تطلب مني أذاكر مذاكر ماث وإلا فيزكس إلا بالعكس خذها مني وخذها صيف كل راس مالها 7 اسابيع لكن حاول تحرص شوي وتضمن النجاح من البدايه يعني حاول تصقع أنا دخلت الفاينل ومتعدي وكنت مرتاح ورمضان كان فللللللللله بمعنى الكلمة وسعه صدر حتى فاينلك ما يبي له ذيك المذاكر
فخذها مني وانا اخوك خذها بالصيف والله تب تتعب بس اول الايام بالنسبة للدوام لكن عقبه تبي تمشي زي الحلاوة اضغط على روحك والله نصيحه من اخ لاخوه واحرص وامورك ان شاء الله بالسليم
والله يوفقك وتنجح موب بالنجاح إلا بالقريد الطيب
بالتووووووووووووووووفيق يا خلفهم
الله يجزاكم خير يا شباب والله ما قصرتوا …
كلامكم جداً ريحني وحببني للصيف …
بس أكيد لازم أستخير … واللي الله كاتبه بيصير …
موفقين إن شاء الله …