يا شباب بغيت كلام أكيد
فيه فرق لو أتخرج من جامعة الملك فهد أو من أي جامعة ثانية في السعودية نفس التخصص؟
لأني ملخبط شوي ما أدري أنقل أو أجلس وأسوي طلب إعادة قبول…لأن جاني دسمس ثاني…
اكيد فيه فرق
البترول سمعتها معروفة بين الشركات السعودية
الفرق آخذ بالتضاؤل مع مرور الزمن
حسب الشركة يا عزيزي
( انا اتكلم عن الهندسه)
وبأنقل لك كلام قريب لي مهندس خريج من البترول وحسب تجربته في سوق العمل
فيه شركات تـعز خريجين البترول لانهم اثبتو انفسهم
خصوصا لو كان المسؤولين الكبار بالشركه خريجين بترول
هذي الشركات تفضل طلاب البترول
وفيه شركات قسم بالله ما درت عنك ولا عن نظام الجامعه
و يقدسون خريجين الهندسه من جامعات امريكا
----------
الامر في الاخير ارزاق
رزقك مكتوب شد حيلك و لا تهتم لهالامورر لانك بتكون مهندس فالاخير بمشيئة الله سواءا من البترول او غيره
وفقنا الله واياك لكل خير
مشكورين وما تقصرون…
طيب الشركات الكبيرةمثل سابك وأرامكو كيف الوضع؟؟؟
لا اتحداك مايفرق بين الجامعات السعودية خصوصا الكبار (البترول -سعود-عزوز) صدقني مايفرق إلا المعدل يمكن تفرق الجامعة اذا كان المعدل متقارب
حتى الشركات الكبار اعرف واحد راح يوم المهنة الاخير وسأل موظف سابك عن الفرص العمل واي الجامعات تفضلون وقال التنافس بين طلاب جامعتنا وطلاب سعود قوي … لايغرك ترا كل الجامعات جالسة تشتغل اجل ليش فاتحه الجامعات الثانية اقسام هندسة اذا كانت عارفة ان طلابها اذا تخرجو ماراح يتوظفون
ما فيه فرق … خصوصاً من قبل الشركات الحكومية أو الشبة حكومية ( سابك - ارامكو )
ممكن الشركات الخاصة تفضل البترول … لكن أنت كخريج ما تبغى الشركات الصغيررة والخاصة
بالتوفيق
ارامكو عندها ابتعاث داخلي لخريجي البترول فقط لماذا ؟
ارامكو وسابك وينفيلير وشلمبرقير واضعه خريجين البترول في المرتبه الاولى على خريجين امريكا وباقي الجامعات ماعدا خريجين امريكا من جامعات اقوى من البترول !!! اكيد
اما باقي الشركات مادري عنها !!!! لكن كثير من البنوك يفضلون خريج امريكا !!!!! بس المهم الشركات الكبار تفضل البترول !
الفرق المعدل فقط
ولو كانوا نفس المعدل يفاضلون بالجامعة احيانا
هذا حسب ما اشوف
للأسف الأغلب يفضل خريج أمريكا “سمعة فقط وليس المعنى أنها الأفضل”
لأنها بعضها دكاكين وليست جامعات 
ما فيش اي فرق بالجامعات !! التدريب الصيفي اكثر الي التقيت فيهم من سعود وعبدالعزيز يمكن لان عدد طلابهم كثير !
وبشلمبر جير اكثر الي شفتهم هناك موضفين مهندسين من سعود
بس خريج برا زي امريكا او بريطانيا او استراليا هذولا لهم معامله خاصه ! يعني افضل من ١٠٠٠٠٠٠٠ خريج من السعوديه بالنسبه لهم
مو صحيح الكلام أخوي!
اعرف ناس خريجي برى كملوا سنة عطالة بالبيت!!
كلها ارزاق الله يقسمها بحكمته والحمد لله
تاكد بكثر ما اجتهدت ربي بيرزقك بغض النظر عن جامعتك
بالتوفيق
والله يا هالمواضيع تضيق الصدر 
الموضوع ليس اين درست او تخرجت
المهم انك تكون متمكن وفاهم تخصصك وشغال على نفسك كويس
انا قابلت مجموعة من خريجي امريكا لوظيفة عندنا في الشركة والمفاجئة ان خريجي جامعاتنا المحلية افضل منهم وبفارق كبير و في كل شئ
أهم شئ المعدل عشان تدخل المقابله الشخصيه
وبعدين الشخصيه عند المقابله الشخصيه
والشركات راح تطورك في مجال عملك
ربما سمعة البترول أفضل لدى الشركات
لكن بكل تأكيد أن الخريج بمعدل عالي من جامعة أخرى أفضل بكثير من طالب جامعة البترول المتعثر في دراسته وبالكاد تخرج
لذا نصيحتي لك إذا جاءتك فرصة قبول في جامعة أخرى فتوكل على الله واذهب إليها وافتح صفحة جديدة بدل أن تجلس بمعدلك المنخفض في البترول
وفكر أيضا في تغيير تخصصك فربما لا يكون التخصص الذي تدرسه حاليا هو الأنسب لك
وهي فرصة لك للتجديد وترتيب أولوياتك
كلآم سليم انآ طآلب ادآرهـ واغلب المدرآء عندنآ من البترول واخوي يشتغل بشركة يونآيتد المتحدهـ التآبعة لسآبك ورئيسهم خريج البترول هندسه كيميآئية …
انآ قآعد اطبق الحين ويعرفون اني طآلب بالبترول اكثر ممآ يعرفون اسمـي …
انآ اشوفهآ تفرق , بس مو كثير … يعني وآحد من سعود معدله 3 وانت 2.2 لآ حق سعود افضـل … امآ حق سعود معدله 2.9 وانت 2.7 اتوقع يفضلونك … 