اخواني الخريجين بما انكم لكم خبرة في التوظيف فلدي استفسار
قد تستغربون منه:
بإختصار الجامعة الحمد لله تم قبولي فيها وقبل الدخول فيها أحب أن أختار التخصص المناسب
للحصول على الوضيفة المناسبة.
ماهي الوضيفة المناسبة التي اريدها؟
اهم شي الراتب كم بعد التخرج ،أريد اعلى راتب ممكن
لا يهمني التخصص لا يهمني هل اكمل ماستر أما لا ،لايهمني مكان ولا ساعات العمل ولا عدد الأيام
ولا طبيعة العمل.
فكرت في تخصصات المالية ،لكن ماهي طيبعة التوضيف فيها بالنسبة للبنوك هل هي ربوية
لأني لا اريد أن أشتغل في أي وضيفة فيها شبهه.
ما شاء الله على هالحماس يا أوريا
يا عزيزي…ما في شي اسمه أعلى راتب السالفه كلها أرزاق …بس في شركات معروفه للتخصصات الهندسيه(ميكانيكيه+بترول+كيميائيه+كهربائيه…) مثلا شلمبرجير وغيرها يوصل رواتبها فوق ال 15 ألف بعد التخرج بس لها مميزات ومساوئ مثل غيرها…
نصيحه…ادخل التخصص اللي تحس عندك ميول له لأنك راح تحب شغلك وراح تحب انك تبدع فيه
ما فيه شي اسمه اعلى راتب … غالبا الخريجين الجدد رواتبهم تكون متقاربه ولكن الخريج هو اللي يصنع الفارق … بعضهم يتوظف ويقعد في وظيفته زي ماهو همه الراتب اللي اخر الشهر ولا عنده استعداد يشوف مكان ثاني او يطور نفسه وبعضهم خلال فترة قصيرة تحصل راتبه وصل الى الدبل واكثر وهذا الشخص تحصله يبحث عن الفرص ويجرب ويجتهد في عمله
حبيبي لا تستعجل،،، قدامك الاوريا (السنة التحضيرية) تفكر فيها وتسال الين ما تشبع، وما راح يطلب منك تحديد التخصص الا بعد ما تنهيها
والله اعلم هل حتعدي السنة التحضيرية ولا لا… من اللي شفته تقريبا 50% من الطلاب يرسبو في مادة واحدة على الاقل في التحضيرية
هذي السنة راح تعطيك فرصة تقيم نفسك، هل تقدر تدخل تخصصات صعبة ولا لا؟
اذا خلصتها، تجي لمرحلة القرار الاول، هندسة او ادارة او علوم؟
بالنسبة للهندسة، كلها تشترك في السنة الاولى (بعد التحضيرية) يعني ياخذو نفس المنهج (ما عدا فروق بسيطة، التخصصات المتعلقة بالكمبيوتر ياخذو مادة برمجة مستواها اعلى، وتخصصات الهندسة المعمارية ياخذو مادتين زيادة، وتخصصات البتروليم والكمكل انجنيرنق ياخذو مادة كيمياء زيادة)
يعني اذا صار هدفك هندسة تقدر تبدا في تخصص وتغيره بعد نهاية السنة الاولى (بعد التحضيرية)
بالنسبة لاعلى رواتب… حسب ما نسمع انه اعلى رواتب لحديثي التخرج في شركات البترول في المناطق النائية (يعني يحطوك في الصحراء) ممكن توصل الى 20 الف مع البدلات في احسن الاحوال … طالما انه لا يهمك لا المكان ولا ساعات العمل. انصح بالهندسة الكيميائية او الميكانيكية او البتروليوم في هذي الحالة
صدقني،، اذا دخلت هذي الجامعة واللي تدرسه ماهو همك الاول يعني اهتمامك فيه ضعيف، ما راح تمشي كويس
واشوف خطتك فيها دراسات عليا
نصيحة لك ونصيحة لكل من يبغى يدرس دراسات عليا
ابعد عن جامعة البترول
احتمالية انك تجيب معدل 3 من 4 او اعلى ضعيفة جدا في البترول (بالذات في تخصصات ثقيلة زي الهندسة الميكانيكية او الكهربائية)
والمعدل شرط اسااااسي في القبول للدراسات العليا. فرصة اللي معدله تحت ال3 شبه معدومة
ادرس في جامعة غيرها وطلع شهادة بنفس المستوى وسوي فيها اللي تبغاه، اشتغل بزنس او اطلع ادرس ماسترز الخ
البترول للي يبغى يشتغل بالبكلريوس فقط
لانها حتخرجك اقوى علميا وعمليا في شهادتك الاولى ، لكن اضعف بمراحل “معدلياً”
اذا انك من جدة، ادرس في جامعة الملك عبد العزيز
اذا انك من الرياض، ادرس في جامعة الملك سعود
في النهاية الشركات توظف من كل مكان، واذا ارامكو هدفك، فيا كثر خريجين الملك عبد العزيز فيها
ومافيه شركة حتزيد على رابتك بسبب اسم جامعتك
أفكر اخلص الأوريا وبعدها سنة أجيب فيها معدل
ما قد قابلت احد معدله في السنة الاولى freshman اعلى من معدله بعدها
واكثر الناس اجتهادا يجيب معدل عالي في السنة الاولى ويحافظ عليه، وهم نادريييييين
السبب في الاغلب قلة الاهتمام بالمواد العامة وعدم التعود على المذاكرة المتواصلة في هذي المرحلة
والله شف ياخوك بالنسبة للغة الدراهم فانت عندك راتب شهري يتكون من راتب اساسي وبدل سكن وبدل نقل + الاوفر تايم + بدل منطقة نائيه + بدل طبيعة عمل … إلخ الاساسي متقارب بين الشركات والي تفرق البدلات والبدلات تعتمد شكثر انت تكرف يجيك الراتب … عشان كذا تلاحظ شلمبرجير تعطي رواتب عالية …
بالنسبة للهندس فهي اعلى رواتب في الشركات من الإدارة ( لو طلعنا البنوك برى الحسبه) ولو تشتغل في ارامكو في remote area بتاخذ بدل منطقة نائيه ولو تشتغل اكثر من الساعات المتعاقد عليها بتاخذ اوفرتايم ولو عملك فيه خطوه بتاخذ بدل طبيعة عمل …
ولا تنسى البونص السنوي والعلاوة السنوية ونظام البيوت ونهاية الخدمة
اسمح لي أن أقول لك أن طريقتك في اختيار التخصص خاطئة ، وللفائدة اختيار التخصص المناسب يعتمد على ثلاثة عوامل توازن أنت بينها بناء على احتياجاتك
العامل الأول: الرغبة، والمقصود به الرغبة والميل لدراسة تخصص معين
العامل الثاني: القدرة، والمقصود به القدرة العلمية على دراسة التخصص
العامل الثالث: الطموح، والمقصود به طموحك المستقبلي للوظيفة مثل نوع الوظيفة، مكان الوظيفة ، طبيعة العمل، الراتب
إذا أخذنا حالتك أنت ركزت على الراتب العالي وهذا يندرج تحت عامل الطموح
وحتى تكون واقعيا يجب أن تأخذ بعين الاعتبار متوسط الرواتب في سوق العمل ولا تستطيع أن تفكر في راتب ثلاث أو أربع شركات فقط رواتبها عالية وأنت لاتدري هل تحصل على وظيفة فيها أم لا
بنظرة عامة غير دقيقة فإن متوسط راتب الخريج الجديد من جامعة البترول يتراوح من 7 إلى 10 آلاف كراتب أساسي سواء كان تخصصه هندسة أو إدارة
وفي شركة سابك مثلا فإن الفرق بين راتب المهندس وراتب التخصص الإداري لحديثي التخرج لا يتجاوز ألفين ريال
وعلى كل حال عندك سنة كاملة لاختيار التخصص تستطيع أن تفكر فيها بشكل جاد وتستشير من حولك وتسأل أكثر عن التخصصات
…بس في شركات معروفه للتخصصات الهندسيه(ميكانيكيه+بترول+كيميائيه+كهربائيه…) مثلا شلمبرجير وغيرها يوصل رواتبها فوق ال 15 ألف بعد التخرج بس لها مميزات ومساوئ مثل غيرها…
فوش التخصص يلا