السلام عليكم ورحمة الله
شباب ممكن احد يعطينا فكرة او نبذة عن مقابلات ارامكو للمهندسين حديثي التخرج ؟؟
سواء انطباع او اسئلة او اي خبرة تذكر في الموضوع هذا ويا حبذا تكون حديثة …
شاكر لكم
اي دبارتمنت؟
+
شوف هنا
http://skfupm.kfupm.edu.sa/vb/showpost.php?p=1044170&postcount=9
كلامي عن مقابلتين في الصيف هذا… احدث شي
الله يعطيك العافية اخوي … قرأت الموضوع هذا قبل كم يوم بس المشكلة ما حددوا القسم اللي راح يعمل المقابلة ومابي ادخل في متاهات التوقعات مع اني اعرف انهم بصدد تشغيل مصفاتين جديدة واحدة في رابغ والاخرى في جيزان … لكن للاسف ارسلت لهم استفسار عن القسم اللي بيعمل المقابلة وماردوا عليه … كل المعلومات اللي عندي ان المقابلة في مكتب التوظيف بالظهران …
الى الان كل اللي في بالي اني ابحث اون لاين عن نوعية الاسئلة في المقابلات الشخصية وعندي خبره من مقابلة في شركة واحده فقط وكان فيها مفاجآت ههههههه مابيها تتكرر … لانهم دخلوا في التخصص وصارت صدمات كهربائية لسنتين دراسية هههه يعني تحجير !
يعطيك العافيه اخوي … والله يكتب اللي فيه الخير …
انا سويت مقابلتين قبل سنه وحده مع الانسبيكشن والتانيه مع البي ام تي
الاسئله حلوه وما كانت تيكنيكال مره
يعني سالوني اتكلم عن نفسك … ومر عالسفي وسألني تقريبا عن كل نقطه فيها وعن السيتيور بروجيكت و اخر سوال كان ليش ارامكو توظفك ؟؟؟
عالعموم لا تشيل هم خليك صادق وطبيعي 
بسم الله الرحمن الرحيم
أنا خريج هندسه كهربائيه تطبيقيه
و هذي تفاصيل مقابلتي قبل سنه تقريبا … كتبتها في احد المواضيع القديمه
طبعا كان موعد مقابلتي الساعه 2 و نص ظهرا … و وصلت على الموعد
و لكن للأسف ما دخلوني للمقابله الا الساعه 3 و خمس دقايق … بحجة انه كانوا يقابلون واحد قبلي
و الله لا يوريكم حالتي من التوتر بسبب طول الانتظار
أول ما دخلت … استقبلني 3 أشخاص على طاوله هم في جهه و انا في جهه
سلموا علي و عرفوا بأنفسهم … و طلع اللي بالنص هو المانيجر تبع الباور سيستم ديبارتمنت و الاثنين الاخرين واحد اسبيشاليست و الاخر سينير انجينير
اول شيء طلبوا مني اني اتكلم عن نفسي بشكل عام و عن دراستي و أهم المنجزات و المشاريع اللي حققتها و كله طبعا بالانجليزي
بعد ما أخرجت كل ما عندي … بدوا بالاسئله
ما هي أهم كورسات البور اللي خلصتها ؟ تكلم عن البروسيس تبع الباور سيستم من بداية انتاج الكهرب الى حين وصوله للودز , وش أهم الديفايسز الموجوده في المحطات الكهربائيه و نحوها
و كذلك سألوني عن مشروع التخرج
و بما اني طبقت الكواب في سكيكو … سألوني عن الديبارتمنتس اللي طبقت فيها و وش أهم الاختبارات اللي سويناها و البروجكتات خلال فترة الكواب
ثم سألني المانيجر سؤال خبيث شوي
قال لي : لو جاك اوفرين بنفس طبيعة العمل و بنفس الساليري واحد من سكيكو و واحد من أرامكو … أيهم تختار و ليه ؟
بعدين سالوني عن اذا كنت أرغب بالعمل في المناطق البعيده … و عندما جاوبتهم بدأوا يناقشوني في الاجابه
و في نهاية المقابله سألني الاسبيشاليست سؤال غريب شوي و ما توقعته … قال لي : أنت أخذت كورس
Engineering Economics ?
و قلت له معي بهذا السمستر
قال لي : تلكم لي عن الاشياء اللي أخذتوها في الكورس الى الان
و بالنهايه بدأ المانيجر يشرح لي أهمية الديبارتمنيت و أنواع الاعمال اللي يقومون بها ووو … الخ
و سألني هل عندك أي استفسار
و انتهت المقابله … و سلمت عليهم و طلعت
---------------------------------------
ثم رافقني الشخص اللي كلمني بالتلفون الى باب مركز التوظيف
و سألته : وش البروسيس اللي بتصير بعد كذا ؟
قال لي : بعد اسبوعين تقريبا بنرد عليك اذا ما تمت الموافقه او لا … و اذا تمت الموافقه لازم تجي علشان تقرأ العقد و تتطلع عليه , و لك 7 ايام علشان تقرر , و اذا وافقت يبقى لك الفحص الطبي
و يوم رجعت للغرفه وجدت ايميل واصلني من أرامكوا فيه 3 اختبارات اون لاين
واحد لوجيكال و واحد فيربال و واحد نيوميريكال
و مطلوب مني انهاء كل قسم خلال 45 دقيقه … و لي الى 28 ابريل لاتمام هذه الاختبارات
و بصراحه الى الان ما سويتها
هذا بالظبط ما صار لي … و ارجو منكم الدعاء لي بالتوفيق و السداد
و جزاكم الله خير
اسالتهم بسيطة …ومقابلاتهم حلوة
يسالو عنك اكثر من دراستك
ولو سالو عن دراستك ما تكون اسئلة عميقة
الله يعطيكم العافية يا شباب …
Cortez 1408
هذا اللي راح اعمله اني اركز على السي في والنقاط اللي فيها … وتخصصي هندسة كهربائية … ومشكلة الكهرياء ان تخصصاتها الفرعية متاهات وكل اللي درسناه في الجامعة تقدر تقول entry level عن كل فرع سواء باور والا اتصالات والا الكترونيكس … وحاولت اعرف القسم اللي بيقابلني عشان اراجع شوي بتركيز اكثر … لكن خيرة ان شاءالله وباخذ فكره عن كل شي والله ييسرها …
شاكر لك مرورك وتعليقك …
الاخ ابو دحيم … يعطيك العافية على التفاصيل … انا تقريبا اكثر كورساتي في الماشينز والباور والباور الكترونيكس … وشوي اتصالات ههههه ماحبيتها لا هي ولا الاكلترونيكس … ولو قابلني مهندس باور اتوقع بنوصل لحوار مرضي مع بعض … ان شاءالله
بالنسبة للاسئلة هذي مقدور عليها ان شاءالله مع شوية مراجعة لمواد ٤٠٠ على الاقل الواحد يفهم وش ينقال له … ومادة الانجينيرنق اكانومي اخذتها اخر فصل نفس حالتك وبراجعها برضه وعندي ريكومانديشن ليتر من البروفيسور اللي درسني هي … ان شاءالله تنفع … !! بس بشرني عساك اخذت الوظيفه ؟؟
وبالنسبة للاسيسمنت تيست … سويته اعتقد قبل اسبوعين او ثلاثه ما صرت اجمع … وبعدها جاني ايميل للمقابلة الشخصية … والله يكتب اللي فيه الخير وتتيسر هالوظيفة !!
الاخ SmsoOom5
يعطيك العافية على المشاركة في الموضوع … وان شاءالله ما تخونني الذاكره وقت المقابلة …
شكري وتقديري للجميع وان شاءالله اعرض تفاصيل المقابلة بعد ما اسويها عشان يستفيد منها الشعب والارزاق بيد الله …
دمتم بود
معليش اخوي على اللقافة
بس انا اخبرك انك قلت انك توظفت بحمد الله واتذكر انك كنت تروح راس تنورة اذا ما خاب ظني
اخواني (تمتمات مطر) و (خالد اف 10)
آسف على تأخري بالرد عليكم و لكن انشغلت كثير
أبشركم و لله الحمد … حصلت على الوظيفه و حاليا اداوم براس تنوره
و لكن هذا الرد مقتبس من موضوع قديم
ابودحيم
كيف حقل شيبة
اللحين وين راح أبدا علطوووول حقل شيبة
وين مررجعي بعدين
في انتظارك ياحبيبي*
الشيء الوحيد اللي اعرفه ان موقع حقل شيبه بالقرب من الحدود الاماراتيه … و لا يمكن الدخول اليه او الخروج منه الا بالطائره
أما باقي الاشياء … ما عندي علم بصراحه
عليكم السلام ورحمة الله وبركـآتــه
بما انك نفس تخصصي ونفس الحالة تقريبآ] بحاول افيدك قد ما اقدر … ما ادري اذا سويت المقابلة او الى الان ما سويتها …]
…
طبعا كان موعد مقابلتي الساعه 9 … وصلت الساعه 8 وربع تقريبا وسئلت الموظف قالي تفضل وبديت المقابلة قبل موعدها بـ ساعه الا ربع تقريبا … الافضل انك تجي بدري ]
اول ما دخلت كان فيه 3 مهندسين بجهه وانا بجهه …
المقابلة كانت جدا عاديه وما توقعتها بالشكل هذا …
بالبداية طلب مني السي في وقالي عرف عن نفسك بعد ما تكلمت عن مؤهلاتي الجامعيه وتخصصي قالي تكلم عن التدريب الصيفي وبعدها قالي عن مشروع التخرج …
بعدها بدا باسئلة التخصص وكانت جدا عاديه اسئلة بيسك ما فيها اي تعمق كثير ]
…
المقابلة بشكل عام ما فيها شي … بس اهم شي ما تكون متوتر وحاول تبين لهم انك فاهم خصوصا بمشروع التخصص والتدريب الصيفي واسئلة التخصص
بالنسبة لأي ديبارتمنت بالمقابلة ما تكلم عن اي شي بس كانت اسئلة عامه
…
بالتوفـــيق ان شاء الله وان شاء الله تبشرنا بالقبول واي سؤال انا حاضر
الله يعطيكم الف عالية يا شباب …
سويت المقابله قبل اسبوعين … ومثل ما تضلتوا كانت عادية … ولا سؤال تيكنيكال كان موجود !!
اللهم اني حضرت بدري وعمل الفيرفيكيشان اكزام … ودخلت المقابلة وكانت مع اثنين فقط … وكلها سواليف عن السي في والترانسكربت … والان في انتظار النتيجة !!