السلام عليكم ورحمة الله وبركاته…
اخواني…
انا طالب جديد وانقبلت ولله الحمد…
ولكن اللغة مش الحال…
وما ادري وش الحل…
للعلم ما اخذت ولا دورة انجلش…
ولا طورت نفسي …
ابي العلم الاكيد…
هل راح تاثر علي اللغة…وما الحل؟؟
هلا بك أخوي ،
بالنسبة لللغة يمكن تواجه صعوبة في اختبار تحديد المستوى
ولكن صدقني بعد ما تداوم 4 ساعات انجلش يوميا ، مارح يمر اسبوعين الا وانت ممتاز بالانجلش
طبعا لازم تشد حيلك مو تجلس بالمحاضرة ساكت وما تحاول تتكلم مع الدكتور
ترى الاعلب دخل الجامعة وهو زيرووو في اللغة والحمدلله مشينا
وعليكم السلام ورحمة الله وبركاته …
اذا انت ما عندك لغة
فاعتبر نفسك كأنك مأخذ راسب في المادة وتبي تضبط وضعك
نسبة كبيرة من الاوريا يرسبون في المادة
ولا … اغلب الناجحين على الحفة
فاذا انت ما تبي تتأخر خذ لك دورة مكثفة
وترى الشيء مو سهل
بالنسبة لي كنت اترجم الكلمة ممكن 10 مرات على ما احفظها … هذا في البداية
لكن في النهاية من اول مرة احفظها
صحيح تعلم اللغة بالممارسة
لكن كيف بتمارس وانت ما تعرف بالاساس
يعني الشغلة ترجمة في ترجمة
ترى الاعلب دخل الجامعة وهو زيرووو في اللغة والحمدلله مشينا
+1
هم مايدرسون الانقليزي بالتحضيرية الا عشان تتعلم…
لان اللي يجيب درجة عالية باختبار تحديد المستوى مايحتاج ياخذ الكورس… 
##بالنسبة لغتي بيني وبين ورقة الاختبار جيدة نوعا ما…اقدر احل.
##اوك راح ادرس 4 ساعات ولكن اذا ذاكرت يوميا هل اضمن النجاح+اتقن اللغة صح؟!
##مشكور اخوي والله يطمنك…
انا حاط ببالي اني لما ادخل الجامعة بشد حيلي …
والله انا عندي لغة بسيطة او جيدة…يعني مو صفر!
ولكن ما عندي ممارسة…
دورة ما اتوقع يمديني اخذها…
لكن ان شالله بشد ع نفسي…
وانا ان شالله بذاكر بانتظام اول باول…
السلام عليكم ورحمه الله وبركاته
مبروك قبولك في الجامعه…
الخطه الاستراتيجيه في الانجليزي بأختصار (تكون ملقوف)
اي سؤال بسيط ما تعرفه نط للاستاذ وخبط معه انجليزي مكسر … وهو راح يعدلك إأن شاء الله
مع كثره اللقافه والاستاذ يعدل لك راح تضبط كثيييييييييير…كثر كلام كثر هرج اسأل ليش؟ كيف ؟
كثر اساله … واضمن لك تجيب درجات عأليه…
بالنسبه لي جيت الجامعه وانجليزيتي مضروبه … خلصت الانجليزي 001 و002 بـb+ الميدترم والفاينل ما كنت اذاكر! كله بالكلاس اسأئله وتخبيط كلام مكسر…كنت ارجع الغرفه اترجم الكلمات الجديده…
انت لو تشتغل بس…لقافه+مذاكره بسيطه للميدترم والفاينل =a+بأذن الله
وبالتوفيق لك إن شاء الله
بالنسبة للقافة انا القف واحد بالاسئلة …
وان شالله تجي الاوضاع تمام…
وبيض الله وجهك اعطيتني دافع…
ومشكوور…
وانا احس ببرود مدري ليه…بس انا ناوي اشد ع نفسي واذاكر اول باول…
الله يعينك ويوفقك
هلا وغلا ، مافي مستحيل IMPOISSIBlE= I’M POSSIBLE
طور نفسك اذا يحتاج تطوير
1- ترجم
2- احفظ كلمات
3- حاول تقرأ بصوت مرتفع
4- شارك مع المدرس ولا تستحي انك تخطي
5- اعرف اهم الازمنة المستخدمة باللغة
الامور سهلة 
يا عزيزي ايش التأليف هذا؟؟؟ المادة زيها زي غيرها آفرج وانتهينا
وعليكم السلام ورحمة الله وبركاته. .
حياك اخوووي. .
شوف ي غالي. .فيه ثلاث كتب بتفيدك اذا شديت حيلك وذاكرت بجد. .
اللغة الانجليزية لجميع المستويات
المحادثة الانجليزية لجميع التخصصات
تحدث الانجليزية بسهولة
…
نصحني فيها واحد من الشباب هنا. .
وحمد لله. .مفيدة جدا
انت اشترها. .وابدا ذاكر
وربك يسهل. .
مع الـ 001 راح تتعلم إنجلش بكل سهولة
لان عندك اربع ساعات باليوم
فيها تتعلم : الكتابة والقراءة والتحدث والاستماع
خلال اربع شهور بس واذا شديت حيلك راح تتعلم اللغة الإنجليزية … لاتخاف ابدًا
الزبدة مافي حل غير انك تشد حيلك
+1000
انت لا تفكر في ال english كمادة لازم تعديها وخلاص
فكر فيها كلغة ثانية راح تفيدك في المستقبل كثيييير
اذا عديت ال english حق الأوريا راح يسير عندك لغة كويسة تمشيك في الجبل
بس طبعا ما راح تسي فلونت (يعني تتكلم انجليزي زي العربي ) الا اذا انت حبيت اللغة
يا الغلا انا طالب توي مخلص التحضيرية … يوم خشيت الجامعة كانت ما عندي لغة ابد وخذيت باختبار التوفل 340 … لكن شديت حيلي وكنت انتبه مع المدرس و كنت دايم اروح للمدرس المكتب واطقطق معه …والحين اللغة عندي مرررة كويسة وخذيت باختبار التوفل نهاية السنة 497 … السالفة وما فيها انك تشد حيلك وتحفظ الكلمات اللي تاخذها يوميا وصدقني بتتحسن لغتك بشكل كبير ولا تتحطم في البداية اذا ما كنت تفهم شيء انا في البداية ماكنت افهم الا قود مورنينق من المحاضرة والحين اتكلم وافهم واكتب وما عندي اي مشكلة … خلك واثق من نفسك وربك بيسرها …
شباب…
مشكووورين جميعا…
وهذا اللي بسويه ان شالله…
اذاكر اول باول…اترجم…واسولف…وبسوي كل شيء ان شالله…
وانا الاهم عندي تعلم اللغة مو النجاح فيها…
وما قصرتوا ياشباب…