السلام عليكم
اخواني انا توظفت في شركة ولازلت في فترة التجربة 3 شهور
وجاني عرض من شركة اخرى وطلبو مني الحضور وتوقيع العقد بعد العيد
اولا ماهي اجراءات الاستقالة من الشركة الاولى اللي انا شغال فيها حاليا؟
وهل استقيل قبل ما اوقع العقد ؟ او بعد؟
واذا كان قبل توقيع العقد فكيف اضمن انهم ما يسحبون علي بعد العيد؟
وشكرا لكم
اذا ارسلوا لك العرض بالايميل … نقدر نقول ان عندك حاجه تحاججهم فيها لو فكروا يسحبون عليك … بدون العرض الرسمي لا تستقيل … وانت بنفس الوقت اذكر للشركه اللي جاك منها العرض انك تشتغل في شركه ثانيه وهم بيقولون لك عن الخطوات !
أولا: يعتمد على الشركة اللي تعمل معهم حاليا حيث ان بعض الشركات الكبيرة يكون لديهم سيستم تطلب الاستقالة عن طريقه و البعض الآخر تقدم معروض كتابي بالاستقالة و توقع عليه و ترفعه لمديرك
اذا أخذت العرض الوظيفي الموقع من الشركة الجديدة بإمكانك ان تقدم استقالتك من الشرك الحالية
العقد توقعه عند تسليم الشهادات و الأوراق اللازمة
العرض الوظيفي يعتبر مستند رسمي تحتج به عند مكتب العمل و لا تخاف
بالتوفيق
الف مبروك العرض الجديد لك
لكن تذكر اكثر من حاجة قبل الاستقالة, تأكد من وجود العرض ووقت التوقيع
لأن فترة الثلاث شهور انت غير مطالب بأي شي فقط اعلام مديرك قبل يوم انك ستخرج وينتهي الموضوع يمكن يوقعونك اوراق وتروح اقسام لاخلاء مسؤوليتك او العهد اللي ممكن تكون عندك فقط
لكن نصيحة قبل الخروج وازن بين المميزان (بيئة العمل, الراتب, ساعات العمل, طبيعة الوظيفة, المسافة, سمعة الشركتين…الخ)
واذا كنت محتار استخير او ممكن تروح لمديرك اذا قررت وتقوله جاني عرض بالشي بالمميزات التالية وش رايك هل تقدر تعطيني المثل
واهم شي استخير
وبالتوفيق
لاتستقيل قبل توقيع العقد
العرض لايعني انك موظف رسمي وليس له اي صفة قانونية
لانهم يكتبوا في العرض ان الشركة من حقها الغاء العرض دون اي التزامات
كلام sss998 صحيح 100%
---
واعتقد ممنوع الواحد يوقع عقدين في نفس الوقت … يعني بيني وبين شركة (أ) عقد. ما أقدر أوقع عقد مع شركة (ب) وعقد (أ) باقي غير ملغي.
فنصيحني لكاتب الموضوع … يطلب من الشركة الثانية ايميل رسمي يعطونه فيه التأكيد وانه الآن يقدر يستقيل اذا كان يبغاهم … وبعدها يستقيل ويوقع العقد مع الشركة الثانية.
بالنسبة للحقوق مع الشركه الأولى … الي باقي من راتبك راح يصرفونه لك … أو اذا كان لهم شي عندك راح يطالبونك تدفعه. مثلا ً اعطوك بدل سكن سنه قدام وبتستقيل بعد شهرين دوام راح يطلبون منك 10 شهور من بدل السكن.
أو اعطوك دورة تدريبية … بعض الشركات تطالبك تدفع تكاليف الدورات.
وبالتوفيق ان شاء الله
اول شي الشركة الثانية ما عطوني ورقة نهائية للقبول لكن قالولي تعال وقع وباشر العمل
فهل اقدر اروح اوقع وبعد ما اوقع اروح استقيل من الشركة الاولى؟ خصوصا اني لا زلت في الفترة التجريبية الثلاث شهور؟
اسأل hr الشركة الثانية وأتوقع بيقولون لك أفضل شي ممكن تسويه. وقولنا ايش يصير معاك. أنا زي ما قلتلك في ردي السابق أتوقع ما تقدر تكون موقع عقدين في نفس الوقت لكن اسأل يمكن يكون عادي.
وان شاء الله احد من الشباب يكون مر بنفس التجربه ويفيدك.
شباب لاتنسون انه مازال في فترة التجربية 90 يوم … ونظام العمل ينص انه يحق للجهه الموظِفه فصل الموظف دون سابق انذار ودون التزامات وتعويضات !!
يعني اعتقد ان التعامل بالمثل ممكن خصوصا انه بفترة تجربه
وفيه شركات تطلب منك 1 month notice اذا تبي تستقيل !!
راجع عقدك القديم ايش اللي لك واللي عليك وخاطب جهة العمل الجديد بكيفية الاستقاله واطلب منهم يوجهوا لك عقد للتوقيع ونهائي عشان تكون في safe side
بالتوفيق اخوي
حبيبي انت في فترة التجربه 3 شهور تقدر تستقيل بدون فترة الشهر بس يوم واحد وتاخذ اخلاء طرف
بالنسبه للشركه الثانيه ما توقع معها الا بعد ما تجيب لهم اخلاء طرف
تقول اخاف يجحدوني وكيف اضمن حقي؟ اساسا انت بتكون عندهم 3 شهور تجربه يحق لهم يفصلونك باي لحظه
يعني لو توقع معهم اليوم بكره يقدر يقول لك ما ابيك
يعني العقد ماهو حجه لك سواء وقعته قبل الاستقاله او بعدها
طيب هل اذا وقعت العقد اطلب منهم صورة من العقد لي كضمان؟
احد الزملاء استشرته وفضل اني اوقع العقد مع الشركة الثانية (سابك) ثم استقيل من الاولى؟
اتوقع ماتقدر … لأنك لما توقع العقد يعتبر هذا العقد تعهد منك انك سويت اخلاء طرف من اي شركه تشتغل فيها قبل … والله اعلم !
وبالنسبه لسابك ما اتوقع انهم بيسحبون عليك … شركه كبير ولها سمعتها …
الا على الطاري … بأي اداره جاك القبول ؟؟ يمكن تصير خوينا بالمشاريع !
هلا اخوي Mazyooon انا في احد المصانع process engineer
اليوم جاني ايميل من سابك يطلب مني الحضور لتوقيع العقد ويطلب مني الاستقالة واحضار اخلاء الطرف قبل توقيع العقد …
فهل انا في safe side ؟
يعني خلاص اقدم استقالتي واروح لسابك وانا مطمئن؟
سؤالي كم يستغرق اخلاء الطرف من الشركة؟ خصوصا اني لسى ما كملت الفترة التجريبية ؟
يا شباب سابك ارسلولي رسالة ع الايميل يذكرون فيها اني عديت الفحص الطبي ويطلبوني فيها استقيل بعدين اجي لتوقيع العقد
هل فيها مخاطره علي ولا لا؟
ان شاء الله مافي اي مخاطرة
توكل على الله واستقيل
وربي يوفقك في وظيفتك الجديدة
عقبالي ان شاء الله:)