السلام عليكم كيفكم شبابا ؟
مدري لو المكان المناسب اسال فيه لان انتوا خريجين واخبر مني
انا سلمك الله طالب في كليه المجتمع الي تتبع للجامعه
ونظام دراستنا دبلوم سنتين + سنه تحضيريه
بس ودي اكون معيد بعد التخرج حتى لو في الكليه نفسها بس ابي اعرف وشو الشروط الي تتطلبها الكليات علشان اكون معيد وهل تتطلب شهاده بكلريوس ولا الدبلوم تكفيني لاكون معيد ؟
ولو في احد يقدر يضوح لي وشو هي مهام المعيد والمطولب منه بشكل اضوح وكيف رواتبهم وكم سنه يتم معيد ؟ ويصير دكتور او المرحله الي بعدها 
والله وانا اخوك … مافيه معيد اسمه دبلوم ولا بكلريوس … اقل شي ماجستير 
…
يعني لازم اخلص الماجستير ؟
وتالي اصير معيد ؟
بس فيه شروط … اتوقع لازم يكون معدلك فوق 2.75 / 4 … ولها شغل طويل … اتمنى يفيدونك اخواني هنا
تسلم اخوي على المعلومات
والله انا يبي لي واحد يفهمني من أ الى ي <<<< الله يعينكم وهذا يبي يكون معيد عز الله الطلاب رسبوا
كل الكلام اللي فوق غلط
أولا : الدبلوم ما يكفي عشان تكون عضو هيئة تدريس, أقل شئ بكالوريوس
ثانيا : المسميات
معيد - للي عنده بكالوريوس
محاضر - للي عنده ماجستير
أستاذ مساعد + أستاذ مشارك + أستاذ - للي عنده دكتوراه
طبعا لما تتعين معيد الجامعه راح تخليك تدرس ماجستير ودكتوراه, بعض الاقسام يخلونك تدرس بالجامعه وبعضهم يطلعونك بعثه.
بالنسبه للمعدل لازم تكون من الأوائل على دفعتك وغالبا 3.5 من 4 وفوق أموره في السليم وممكن حتى اللي أقل من كذا + علاقتك بالدكاتره والعميد الخ الخ الخ
الشروط العامة واللي من وزارة التعليم العالي ولكل الجامعات ان يكون تقدير المتقدم جيدجدا فما فوق … اذا تقديرك جيدجدا راح تنقبل اوراقك لكن احتمال ما يتصلون عليك للمقابلة … وطبعا لازم بالبكالريوس … المكان الوحيد اللي بالدبلوم هو المؤسسة العامة للتدريب الفني والتعليم المهني (الكليات التقنية) فهم يبتعثون خريجين الدبلوم حقينهم لاكمال البكالريوس والعمل كمدربين في الكليات التقنية
شكرا على الافاده
اجل يبي لي ان اخلص هالدبلوم على خير وتالي اخذ البكلريوس وربي ييسر