اليوم حاب أتكلم معكم عن سواقين الباصات في موقف صار لي يوم الأحد الماضي والله خلاني أفقد أعصابي …
كنت أذاكر في المكتبة في بريك الغداء بعدين عند الساعة واحدة إلا ثلث كنت بأروح للسيارة فوقفت عند مواقف الإنتظار للباصات اللي تحت مبنى 5 و إنتظرت فترة ماجاء باص بعدين فكرت قلت يمكن حتى الباصات ياخذون بريك في بريك الغدا و هذه أصلاً كانت أول مرة أروح للباصات في بريك الغداء
بعدها بديت أمشي اللين قربت من تحت المسعى يعني يمكن مسافة 50 متر بس و أشوف باص نزل طلاب … وقفت أنتظر بعدين الباص حرك يوم قرب من عندي و أنا ارفع يدي و هو يعطيني هذيك النظرة و يدعس باباص أكثر و يهز يدة يقولي لا و الباص مكتوب عليه مواقف أنا كملت مشي لين المواقف في عز الظهر و لقيت سواق الباص هناك و قلتلة ليه ما وقفت لي قالي بطريقة مستفزة أنا ما أوقف لك لأنك أنت بالشارع أنا بس أخذك من مبنى خمسة و أوديك.
بالله ياناس هذا كلام منطقي يعني الباص كان فاضي و الشارع كان فاضي و في عز الحر يعني لو سواق الباص عنده إنسانية شوية ماكان دعس بالباص أو حتى ماكان كلمني بالطريقة هذه بعد ما لقيته .
الرسول صلى الله عيله و سلم قال : أرحموا من في الأرض يرحمكم من في السماء .
المفروض يوقف ويشيلك معاه , الوقت بريك الغداء يعني حرارة وتعب شوي ولاهي بتعطل الباص ان وقف وشالك , لو كان فيه مرونه من سائق الباص كان شيء جيد وكسب الأجر ان شاء الله في مراعاة ظروف الطالب والجو
# الموقف النظامي #
سائق الباص محدد له خط سير معين يتبعه في طريق الذهاب والعودة وهناك نقاط توقف للباص , يكون بها صعود ونزول الطلاب من والى الباص وحفاظا على عدم تعطل سير الباصات بالتوقف كل فترة , تم تحديد هذه النقاط , ان كان والله سحب عليك وانت موجود في نقطة التوقف , هنا يحق لك رفع شكوى على سائق الباص , عدا ذلك الحق مع السائق
فكرت راعي الموضوع بيتكلم على مشكلة التوقيت والوقت طلع موضوعه فالصو
لكن انا الي جد ابي اناقشه ان الباصات هالايام بعد الظهر باصات السكن يجي باص صغير متاخر يتعبى فل بسرعه ويروح ومايجي الثاني الا بعد ربع ساعه
احسهم مبزوطين ذي اليومين ويحركون كل 7 دقايق جدولهم مرة مو مرتب زي الفصل الماضي
المفروض يوقف ويشيلك معاه , الوقت بريك الغداء يعني حرارة وتعب شوي
ولاهي بتعطل الباص ان وقف وشالك , لو كان فيه مرونه من سائق الباص
كان شيء جيد وكسب الأجر ان شاء الله في مراعاة ظروف الطالب والجو
# الموقف النظامي #
سائق الباص محدد له خط سير معين يتبعه في طريق الذهاب والعودة
وهناك نقاط توقف للباص , يكون بها صعود ونزول الطلاب من والى الباص
وحفظا على عدم تعطل سير الباصات بالتوقف كل فترة , تم تحديد هذه
النقاط , ان كان والله سحب عليك وانت موجود في نقطة التوقف , هنا
يحق لك رفع شكوى على سائق الباص , عدا ذلك الحق مع السائق
+1
وعندي تعليق اخر ايضا
انت كنت تذاكر في المكتبه وتبي مواقف 59
انصحك مره ثانيه بعد ماتخرج من المكتبه تتجه الى مبنى الاداره 21 وتنزل مع المصعد الى الدور الارضي وبكذا تكون المواقف امامك وقريبه
+1
رأيي ان تعامل صاحب الباص مع صاحب الموضوع خطأ…ولكن مع هذا عنده كل الأحقيه انه ما يوقف لأنك مو واقف في نقطة وقوف الباص…وطبعا مثل ما قال أخونا One_Egyptian ان الأمن مشدد عليهم انهم ما يوقفوا الا في نقاط وقوف الباصات والا راح يتخالفوا…يعني رواتبهم مساكين يا دوب تكفي عوايلهم وتتوقغ يتحملوا انهم يتخالفوا
اخوي حط نفسك في مكان الرجال … الامن فوق راسه وممكن ياخذ مخالفة ويتبهدل بسبب انه وقف لك !
خذو الاشياء هذي بمنطقية واتركو عنكم العاطفة رجاء… كم مرة انا اتكلم مع سواقين الباص ويشكون لي الحال انهم لو وقفو واخذو طلاب في نصف الطريق يجيهم الامن ويبهدل عيشتهم وحتى يعطيهم مخالفات… حتى مرة اخذ طلاب من عند الدوار اللي عند مبنى 21 وكان يقول لهم بسرعة بسرعة اركبو قبل لا يشوفنا الامن…
يا أخوان أنا مو جالس أشكي الحال علشان الموقف هذا بالتحديد هناك مشاكل كثيرة مع الباصات و سائقين الباصات مشاكل الجامعة بمقدورها أنها تحلها و تحسن من أدائها
أخوي أولا أشكر لك مرورك لكن ترا لسان الإنسان مرآة للي داخل الإنسان أنا ماجلست أشتكي الحين إلا لأن هذه المشاكل تحدث لطلاب كثر أتمنى أنها تحل لكي تسهل علينا أمورنا
شوفوا يا شباب انا اشوف انو جتكم مثالية زائدة عن اللزوم
اذا صدق تبغون النظام يتطبق ليش ما يطبقونه بحذافيره ؟؟؟ وين القرار اللي كان بعد كل 5 دقائق يتحرك باص؟؟؟
انا عندي كلاس يوم الاحد الساعة 12:30 اطلع تقريبا الساعة 11:45 ولا اشوف باص في المرحلة الثالثة فاظطر امشي الى المطعم عشان اذا جا باص أأشر عشان اركب معه لانه يجي من المرحلة الاولى
طيب في هذي الحالة لو ما وقف بحجة النظام وش اسوي اركب على حمار مثلا؟؟؟
| 
